ପ୍ରଥମେ ନର ସଂହାର, ଏବେ ଗୁହାରି କରୁଛି ତାଲିବାନ

କାବୁଲ: Taliban take over Afghanistan: ବର୍ତ୍ତମାନ ପୁଣିଥରେ ଆଫଗାନିସ୍ତାନ (Afghanistan) ରେ ତାଲିବାନ (Taliban) ର ରାଜତ୍ୱ ଆରମ୍ଭ ହୋଇସାରିଛି । ଫଳରେ ସାରା ଦେଶରେ ଭୟର ବାତାବରଣ ଦେଖାଦେଇଛି । ସାଧାରଣ ଆଫଗାନ ଜନତା ଦେଶ ଛାଡ଼ି ପଳାୟନ କରିବାକୁ ବାଧ୍ୟ ହେଉଛନ୍ତି । ଏହି ସମୟରେ ତାଲିବାନ କହିଛି ଯେ ରାଷ୍ଟ୍ରପତି ଅଶରଫ ଘନି (Ashraf Ghani), ଉପରାଷ୍ଟ୍ରପତି ଅମରୁଲ୍ଲା ସାଲେହ (Amrullah Saleh) ଏବଂ ଜାତୀୟ ସୁରକ୍ଷା ପରାମର୍ଶଦାତା ହମଦୁଲ୍ଲା ମୋହିବ (Hamdullah Mohib) ଙ୍କୁ ମଧ୍ୟ କ୍ଷମା କରାଯାଇଛି ଓ ତିନିଜଣ ଚାହିଁଲେ ଦେଶକୁ ଫେରି ପାରିବେ ।

ଜିଓ ନ୍ୟୁଜ୍ ସହିତ ଏକ ସ୍ୱତନ୍ତ୍ର ସାକ୍ଷାତକାରରେ ତାଲିବାନର ବରିଷ୍ଠ ନେତା ଖଲିଲ ଉର ରେହମାନ ହକ୍କାନୀ (Senior Taliban leader Khalil ur Rehman Haqqani) କହିଛି ଯେ ସମୂହର କାହା ସହିତ କୌଣସି ଶତ୍ରୁତା ନାହିଁ । ଧର୍ମ ଆଧାରରେ ଘନି, ସାଲେହ ଏବଂ ମୋହିବଙ୍କ ସହ ତାଲିବାନ (Taliban) ମଧ୍ୟରେ ଶତ୍ରୁତା ଥିଲା । ଆମ ତରଫରୁ ସମସ୍ତଙ୍କୁ କ୍ଷମା କରିଦିଆଯାଇଛି, ସେ ଅନ୍ୟ ଦେଶର ସେନା ସହିତ ମିଶି ଲଢୁଥିବା ଜେନେରାଲ ହୁଅନ୍ତୁ କିମ୍ବା ସାଧାରଣ ଲୋକ ।

ପ୍ରଥମେ ନର ସଂହାର, ଏବେ କରୁଛି ଗୁହାରି 

ଖଲିଲ ଉର ରହମାନ (Khalil ur Rehman Haqqani) ହେଉଛି ଆତଙ୍କବାଦୀ ସଂଗଠନ ହକ୍କାନି ନେଟୱାର୍କର ପ୍ରତିଷ୍ଠାତା ଜଲାଲୁଦ୍ଦିନ ହକ୍କାନୀ (Jalaluddin Haqqani) ର ଭାଇ । ଆମେରିକା ଏହି ଆତଙ୍କୀ ଉପରେ ୫ ମିଲିୟନ ଡଲାର (ପ୍ରାୟ ୩୫ କୋଟି) ପୁରସ୍କାର ଘୋଷଣା କରିଥିଲା । ତାଲିବାନ ଆସିବା ପରଠାରୁ ସେ କାବୁଲ ରାସ୍ତାରେ ମୁକ୍ତ ଭାବରେ ବୁଲୁଛି । କାବୁଲର ସୁରକ୍ଷା ବ୍ୟବସ୍ଥା ଦାୟିତ୍ୱ ତା ହାତରେ ରହିଛି । ଦେଶ ଛାଡି ନଯିବାକୁ ଲୋକଙ୍କୁ ହକ୍କାନୀ ମଧ୍ୟ ନିବେଦନ କରିଛି । ସେ କହିଛି ଯେ ତାଙ୍କର ଶତ୍ରୁ ମିଥ୍ୟା ପ୍ରଚାର କରୁଛନ୍ତି ଯେ ସେ ପ୍ରତିଶୋଧ ନେବେ । "ତାଜିକ୍, ବାଲୁଚ, ହଜାରା ଏବଂ ପାଶ୍ତୁନ୍ ଆମର ସମସ୍ତ ଭାଇ ।" ବୋଲି ସେ କହିଛି ।

ମିଳିତ ସରକାରର ପ୍ରତିଶୃତି 

ହକ୍କାନି କହିଛି ଯେ ଆଫଗାନିସ୍ତାନରେ ଏକ ମିଳିତ ସରକାର ଗଠନ ହେବ ଯେଉଁଥିରେ ସମସ୍ତ ଦଳ ସ୍ଥାନ ପାଇବେ । ଶିକ୍ଷିତ ଲୋକଙ୍କୁ ସରକାରରେ ଅନ୍ତର୍ଭୁକ୍ତ କରାଯିବ । ତାଲିବାନ ସମସ୍ତ ମୁସଲମାନ ଦେଶ ମଧ୍ୟରେ ଏକତା ଏବଂ ସମନ୍ୱୟ ଚାହୁଁଛି ।

ଅଧିକ ପଢ଼ନ୍ତୁ:-ପୁଣି ଖସିଲା ପେଟ୍ରୋଲ-ଡିଜେଲ ଦର, ଜାଣନ୍ତୁ କ'ଣ ରହିଛି ଆଜି ରେଟ୍

ଅଧିକ ପଢ଼ନ୍ତୁ:-ବାଗଲାନ ପ୍ରଦେଶକୁ କବଜା କଲା ଅହମ୍ମଦ ମାସୁଦଙ୍କ ସେନା, ୩୦୦ରୁ ଉର୍ଦ୍ଧ୍ୱ ତାଲିବାନ ଆତଙ୍କୀ ନିହତ

ଅଧିକ ପଢ଼ନ୍ତୁ:-ବାଇଡେନଙ୍କୁ ତାଲିବାନର ଖୋଲା ଧମକ, କହିଲେ-ଯଦି ଆମେରିକା...

ଅଧିକ ପଢ଼ନ୍ତୁ:-କୋରୋନାକୁ ନେଇ ଆସିଲା ଆଉ ଏକ ଗୁଡ୍ ନ୍ୟୁଜ୍

ତାଲିବାନର ମିଛ ପ୍ରତିଶୃତି 

ନ୍ୟୁଜ୍ ଏଜେନ୍ସି ANI ଅନୁଯାୟୀ ତାଲିବାନ ନେତା ଖଲିଲ-ଉର-ରେହମାନ ହକ୍କାନୀଙ୍କ ସମସ୍ତ ବିରୋଧୀଙ୍କୁ କ୍ଷମା କରିବା ଦାବି କେତେ ମିଛ ତାହା ଏହା ଆଫଗାନିସ୍ତାନ ପୋଲିସ ମୁଖିଆଙ୍କ ନିର୍ଦ୍ଦୟ ହତ୍ୟାରୁ ଜଣାପଡ଼ିଥାଏ ।

ପୋଲିସ ମୁଖିଆଙ୍କୁ ଅତି ନିର୍ମମ ଭାବେ ହତ୍ୟା କରିଥିଲା ତାଲିବାନୀ ଆତଙ୍କୀ

ହେରାତରେ ବଗଧୀସ ପ୍ରଦେଶର ପୋଲିସ ମୁଖ୍ୟ ଥିବା ହାଜି ମୁଲ୍ଲା ଆଖାକାଇ ତାଲିବାନ ନିକଟରେ ଆତ୍ମସମର୍ପଣ କରିଥିଲେ । ଟ୍ୱିଟରରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଦେଖିବାକୁ ମିଳେ ଯେ ତାଲିବାନ ଆତଙ୍କବାଦୀମାନେ ଆଖାକଜାଇଙ୍କୁ ସବୁ ଦିଗରୁ ଘେରି ରହିଛନ୍ତି । ତାଙ୍କ ଆଖିରେ କଳା କପଡ଼ା ବନ୍ଧା ହୋଇଛି ଓ ସେ ଆଣ୍ଠୁରେ ବସିଛନ୍ତି । ଏହା ପରେ ତାଲିବାନ ଆତଙ୍କୀମାନେ ତାଙ୍କୁ ଗୁଳି କରି ହତ୍ୟା କରନ୍ତି ।