କାମୁଡିଥିବା ସାପକୁ ନିଜ ଦାନ୍ତରେ ଦ୍ୱୀଖଣ୍ଡ କରିଦେଲା ଦୁଇ ବର୍ଷର ଝିଅ

Snake Bite: ସାପକୁ କୁନି ଝିଅଟି ଖେଳନା ଭାବି ତା'ସହ ଖେଳିବାକୁ ଲାଗିଥିଲା । ଏହି ସମୟରେ ସାପ ଝିଅଟିର ଓଠକୁ କାମୁଡ଼ି ଦେଇଥିଲା । ଏହା ପରେ ଝିଅଟି ରାଗିଯାଇଥିଲା, ତେଣୁ ସେ ସାପକୁ ନିଜ ଦାନ୍ତରେ କାମୁଡି ଦୁଇ ଖଣ୍ଡ କରି ଦେଇଥିଲା ।

Turkey Snake Bite: ସାପ କାମୁଡ଼ିବା ଘଟଣା ପ୍ରାୟତଃ ଅନେକ ସମୟରେ ଖବର ଆସିଥାଏ । ଅନେକ ଥର ଏହା ଘଟେ ଯେତେବେଳେ ଶୋଇବା ଘର କିମ୍ବା ଶୌଚାଳୟରେ ଏକ ସାପ ଅପ୍ରତ୍ୟାଶିତ ଭାବରେ ଦେଖାଯାଏ । ଯେତେବେଳେ ସାପ କାହାକୁ କାମୁଡ଼େ ସେତେବେଳେ ଦୁଃଖଦ ଘଟଣା ଘଟେ । କିନ୍ତୁ ତୁର୍କୀରୁ (Turkey) ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି, ଯେଉଁଠାରେ ଏକ ଛୋଟ ଝିଅକୁ ସାପ କାମୁଡ଼ି ଦେଇଥିଲା, ଏହା ଯୋଗୁଁ ରାଗିଯାଇ ଛୋଟ ଝିଅଟି ମଧ୍ୟ ସେହି ସାପଟିକୁ ନିଜ ଦାନ୍ତରେ କାମୁଡି ଦୁଇ ଖଣ୍ଡ କରି ଦେଇଥିଲା ।

ବାସ୍ତବରେ ଏହି ଘଟଣା ତୁର୍କୀର ଏକ ଗାଁର ଅଟେ । ଦି ସନର ରିପୋର୍ଟ ଅନୁଯାୟୀ, ଏହି ଛୋଟ ଝିଅଟି ବୟସ ଦୁଇ ବର୍ଷ ଓ ସେ ନିଜ ଘରର ଏକ କୋଠରୀରେ ଖେଳୁଥିଲା, ଯେତେବେଳେ ସାପଟି ସେହି କୋଠରୀରେ ପ୍ରବେଶ କଲା । ଝିଅଟି ସେହି ସାପକୁ ଖେଳନା ଭାବରେ ଭାବି ତା' ସହିତ ଖେଳିବା ଆରମ୍ଭ କରିଦେଇଥିଲା । ଏହି ସମୟରେ ସାପ ଝିଅର ଓଠକୁ କାମୁଡ଼ି ଦେଇଥିଲା । ଏହା ପରେ କୁନି ଝିଅଟି ରାଗିଯାଇଥିଲା, ତେଣୁ ସେ ସାପକୁ ନିଜ ଦାନ୍ତରେ କାମୁଡି ଦୁଇ ଖଣ୍ଡ କରିଦେଇଥିଲା ।

ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ରିପୋର୍ଟ ଅନୁଯାୟୀ, ଏହି ଘଟଣାରେ ସାପର ମୃତ୍ୟୁ ଘଟିଛି, କାରଣ ଯେତେବେଳେ ଝିଅଟି ସାପକୁ ନିଜ ଦାନ୍ତରେ କାମୁଡିଥିଲା, ଶ୍ୱେତବଳେ ସାପଟି ପ୍ରାୟ ଦୁଇ ଖଣ୍ଡ ହୋଇ ଯାଇଥିଲା । ଏହିସମୟରେ ଝିଅର ମୁହଁର ଅନେକ ସ୍ଥାନରେ ରକ୍ତ ଚିହ୍ନ ଦେଖିବାକୁ ମିଳିଥିଲା । ତେବେ ପରେ ଝିଅଟି କାନ୍ଦିବାକୁ ଲାଗିଥିଲା । ଘରର ଲୋକ ଓ ପଡ଼ୋଶୀମାନେ ଏହି ଦୃଶ୍ୟ ଦେଖିବା ମାତ୍ରେ ସେଠାରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା ।

ସଙ୍ଗେ ସଙ୍ଗେ ନାବାଳିକାକୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । ରିପୋର୍ଟ ଅନୁଯାୟୀ, ନାବାଳିକାକୁ ପ୍ରାୟ ଏକ ଦିନ ହସ୍ପିଟାଲ ଟିମର ନଜରରେ ରଖାଯାଇଥିଲା । ବର୍ତ୍ତମାନ ଝିଅଟିର ଅବସ୍ଥା ବିପଦରୁ ବାହାରେ ଥିବା ଜଣାଯାଇଛି । ଏହା ମଧ୍ୟ କୁହାଯାଉଛି ଯେ ଏହି ସାପ ଅପେକ୍ଷାକୃତ କମ୍ ବିଷାକ୍ତ ଥିଲା, ନଚେତ୍ ପିଲାଟି ଅଧିକ କଷ୍ଟ ପାଇଥାନ୍ତା ।

ଯେତେବେଳେ ପଡୋଶୀ ଲୋକମାନେ ଏହି ଘଟଣା ଦେଖିଲେ, ସେମାନଙ୍କର ହୋସ ଉଡ଼ିଯାଇଥିଲା । ଲୋକମାନେ ଦେଖିବାକୁ ପାଇଥିଲେ ଯେ ସାପକୁ ଝିଅଟି ନିଜ ପାଟିରେ ଅନେକ ସ୍ଥାନରେ କାମୁଡ଼ି ଦେଇଛି । ଏହି ସାପର ଲମ୍ବ ଅଧ ମିଟରରୁ ଅଧିକ ବୋଲି କୁହାଯାଉଛି । ନିକଟସ୍ଥ ଲୋକମାନେ ଝିଅକୁ ସାପଠାରୁ ଅଲଗା କରି ତାଙ୍କୁ ହସ୍ପିଟାଲକୁ ନେଇଥିଲେ । 

ଯେତେବେଳେ ଏହି ଘଟଣା ଘଟିଲା, ଝିଅର ବାପା ନିଜ କାମକୁ ଯାଇଥିଲେ । ଯେତେବେଳେ ସେ ଏହି ପୂରା ଘଟଣା ବିଷୟରେ ଜାଣିଲେ, ସେତେବେଳେ ତାଙ୍କର ମଧ୍ୟ ହୋସ ଉଡ଼ିଯାଇଥିଲା । ଝିଅଟିର ପିତା କହିଛନ୍ତି ଯେ ତାଙ୍କ ସନ୍ତାନ ଜୀବନ୍ତ ଅଛି ଏହା ଇଶ୍ବରଙ୍କ କୃପା ଅଟେ ।