ଖୁସି ଖବର, ଶିଶୁଙ୍କୁ ଦିଆଯିବ Moderna କୋରୋନା ଟିକା !

ୱାଶିଂଟନ: ମହାମାରୀ କୋରୋନା ବିପଦ ମଧ୍ୟରେ ଆମେରିକାର ବାୟୋଟେକ୍ କମ୍ପାନୀ ମଡର୍ଣ୍ଣା ପିଲାମାନଙ୍କ ପାଇଁ ଭ୍ୟାକ୍ସିନ୍ ବିକାଶ କାର୍ଯ୍ୟ ଆରମ୍ଭ କରିଛି । ପିଲାମାନଙ୍କ ପାଇଁ ଟିକାକରଣ ପରୀକ୍ଷା ଆରମ୍ଭ ହୋଇଥିବା ନେଇ କମ୍ପାନୀ ଘୋଷଣା କରିଛି। ୬ ମାସରୁ ୧୨ ବର୍ଷ ପର୍ଯ୍ୟନ୍ତ ପିଲାମାନେ ଏଥିରେ ଅନ୍ତର୍ଭୁକ୍ତ ହୋଇଛନ୍ତି । ଏହାପୂର୍ବରୁ, କମ୍ପାନୀ ୧୨ ରୁ ୧୭ ବର୍ଷ ବୟସର ପିଲାମାନଙ୍କ ଉପରେ ଟୀକାକରଣର ମାନବ ପରୀକ୍ଷଣ କରାଯାଇଥିଲା, କିନ୍ତୁ ଏହାର ଫଳାଫଳ ଏପର୍ଯ୍ୟନ୍ତ ଘୋଷଣା କରାଯାଇନାହିଁ। 

ମଡର୍ଣ୍ଣା ପ୍ରସ୍ତୁତକାରୀ କମ୍ପାନୀ କହିଛି  ସେ ,COVID-19 ଟିକା, mRNA-1273 ପାଇଁ ଛଅ ମାସରୁ ୧୨ ବର୍ଷ ପର୍ଯ୍ୟନ୍ତ ପିଲାମାନଙ୍କ ପାଇଁ ଅଧ୍ୟୟନ ଆରମ୍ଭ କରାଯାଇଛି । ଏହି ପରୀକ୍ଷଣରେ ଆମେରିକା ଏବଂ କାନାଡାର ୬ ହଜାର ୭୫୦  ପିଲା ସାମିଲ ହୋଇଥିଲେ। ଅଧ୍ୟୟନ ସମୟରେ ଟିକା mRNA-1273 ର ସୁରକ୍ଷା ଏବଂ ପ୍ରଭାବ ଅଧ୍ୟୟନ କରାଯାଉଛି । କମ୍ପାନୀ ଆହୁରି ମଧ୍ୟ କହିଛି ଯେ ମାନବ ପରୀକ୍ଷଣରେ ଜଡିତ ପ୍ରତ୍ୟେକ ପିଲାଙ୍କୁ ୨୮ ଦିନ ବ୍ୟବଧାନରେ ଦୁଇଟି ଡୋଜ ଦିଆଯିବ, ଠିକ୍ ସେହିଭଳି ଯେମିତି ଟିକା ନେଉଥିବା ବୟସ୍କଙ୍କ ପରି ଏହି ନିୟମକୁ ମାନିବାକୁ ପଡ଼ିବ ।

Add Zee News as a Preferred Source

ମଡର୍ଣ୍ଣା (Moderna) ପ୍ରସ୍ତୁତକାରୀ କମ୍ପାନୀ ତାଙ୍କର ଗବେଷଣାକୁ ଦୁଇ ଭାଗରେ କରିବାକୁ କହିଛନ୍ତି । ପ୍ରଥମ ଭାଗରେ ୨ ରୁ ୧୨ ବର୍ଷ ବୟସର ପିଲାମାନେ ଅନ୍ତର୍ଭୁକ୍ତ ହେବେ ଏବଂ ସେମାନଙ୍କୁ ଦୁଇଟି ଡୋଜ ଦିଆଯିବ । ପ୍ରତ୍ୟେକ ଡୋଜ୍ ୫୦ କିମ୍ବା ୧୦୦ ମାଇକ୍ରୋଗ୍ରାମ୍ ହେବ । ଯେଉଁଠାରେ ୨୫, ୫୦ କିମ୍ବା ୧୦୦ ମାଇକ୍ରୋଗ୍ରାମ୍ ର ଦୁଇଟି ଡୋଜ୍ ୨ ବର୍ଷରୁ କମ୍ ପିଲାମାନଙ୍କୁ ଦିଆଯିବା ନେଇ ଯୋଜନା ରହିଛି। ଅନୁସନ୍ଧାନକାରୀମାନେ ମଧ୍ୟ ଟୀକାକରଣ (Corona Vaccination) ର ପ୍ରଭାବ ଯାଞ୍ଚ କରିବା ପାଇଁ ଦ୍ୱିତୀୟ ଟୀକାକରଣ ପରେ ଅଂଶଗ୍ରହଣକାରୀ ମାନଙ୍କୁ ଏକ ବର୍ଷ ପାଇଁ ନଜର ରଖିବେ । ତା’ପରେ ପ୍ରତ୍ୟେକ ଗୋଷ୍ଠୀ ପାଇଁ ସର୍ବୋତ୍ତମ ମାତ୍ରା କ’ଣ ହୋଇପାରେ ତାହା ଜାଣିବା ପାଇଁ ଏକ ମଧ୍ୟବର୍ତ୍ତୀ ବିଶ୍ଳେଷଣ କରାଯିବ ।

ଶିଶୁ ମାନେ କୋରୋନାରେ ସଂକ୍ରମିତ ହେବାର ସମ୍ଭାବନା କମ୍, କିନ୍ତୁ ସେମାନେ ଅନ୍ୟମାନଙ୍କୁ ଏହି ଭୂତାଣୁ ବିସ୍ତାର କରିପାରନ୍ତି। ସେଥିପାଇଁ ବୈଜ୍ଞାନିକମାନେ ଚାହାଁନ୍ତି ଯେ, କୋରୋନା ଟିକା ପିଲାମାନଙ୍କ ପାଇଁ ମଧ୍ୟ ପ୍ରସ୍ତୁତ ହେଉ, ଯାହା ସଂକ୍ରମଣ ବିସ୍ତାର ହେବାର ସମ୍ଭାବନା ସୀମିତ ହୋଇପାରେ। ଏହାକୁ ଦୃଷ୍ଟିରେ ରଖି ଆମେରିକୀୟ କମ୍ପାନୀ ପରୀକ୍ଷା ଆରମ୍ଭ କରିଛି। ସୂଚନାଯୋଗ୍ୟ, ଯେ COVID-19 ବିରୁଦ୍ଧରେ ଆମେରିକାରେ ବ୍ୟବହାର ପାଇଁ ଅନୁମୋଦିତ ତିନୋଟି ଟିକା ମଧ୍ୟରୁ ରହିଛି ମଡର୍ଣ୍ଣା (Moderna) ର ଦୁଇ ଡୋଜ୍ ବିଶିଷ୍ଟ ଟିକା ସେହିପରି ଅନ୍ୟ ଦୁଇଟି ଟିକା ହେଉଛି Pfizer-BioNotech ଏବଂ Johnson & Johnson ର ଏକକ ଡୋଜ ଟିକା ।