Massage parlor ରେ ଆଖିବୁଜା ଗୁଳିମାଡ଼, ୮ ମହିଳାଙ୍କ ମୃତ୍ୟୁ

ଚିକାଗୋ: ଆମେରିକାର ଜର୍ଜିଆରେ ନରସଂହାରର ଏକ ଲୋମଟାଙ୍କୁରା ଖବର ସାମ୍ନାକୁ ଆସିଛି । ଏଠାରେ ଏକ ଆତତୀୟୀ ସହରରେ ପୃଥକ ପୃଥକ ସ୍ପା ଓ ମସାଜ ପାର୍ଲରରେ ପଶି ୮ ଜଣ ମହିଳାଙ୍କୁ ହତ୍ୟା କରିଥିବା ଖବର ରହିଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ଏହି ଘଟଣାରେ ମୃତ୍ୟୁବରଣ କରିଥିବା ୮ ମହିଳା (Asian-American) ବୋଲି ଜଣାପଡ଼ିଛି ।

ଘଟଣା ପରେ ଜର୍ଜିଆରେ (Asian-American) ଲୋକଙ୍କ ଉପରେ ଆକ୍ରମଣକୁ ନେଇ ଆକ୍ରୋଶ ଦେଖିବାକୁ ମିଳିଛି । ଅଭିଯୁକ୍ତ ହିଂସାର ସାହାରା ନେଇ ଏଭଳି ଏକ କାଣ୍ଡ ଘଟାଇଥିବା ନେଇ ଚର୍ଚ୍ଚା ହେଉଛି । ସୋସିଆଲ ମିଡିଆରେ ଏହି ଘଟଣାକୁ ନେଇ ତର୍କ ବିତର୍କ ମଧ୍ୟ ଦେଖିବାକୁ ମିଳିଛି । ଗତ ମଙ୍ଗଳବାକ ଦିନ ଅଟଲାଣ୍ଟା ଠାରୁ ପ୍ରାୟ ୫୦ କିଲୋମିଟର ଦୂରରେ ଏକ ମସାଜ ପାର୍ଲରରେ ଆତତାୟୀ ଜଣଙ୍କ ପଶି ୪ ମହିଳାଙ୍କୁ ହତ୍ୟା କରିଥିଲା ।

ଏହାପରେ ଅଭିଯୁକ୍ତ ଜଣଙ୍କ ସେଠାରେ ଥିବା ଗୋଲ୍ଡ ସ୍ପା କୁ ଅନ୍ୟ ୩ ମହିଳାଙ୍କୁ ନିଜ ବନ୍ଧୁକ ମୁନରେ ଶିକାର କରିଥିଲା ।ଶେଷରେ ଆଉ ଏକ ସ୍ପା କୁ ଯାଇ ସେଠାରେ ଥିବା ଜଣେ ମହିଳାଙ୍କୁ ହତ୍ୟା କରିଥିଲା । ତେବେ ହତ୍ୟା କରିବା ପରେ ଅଭିଯୁକ୍ତ ଜଣଙ୍କ ଏପରି ନାରକୀୟ କାଣ୍ଡର କାରଣ ମଧ୍ୟ ପୋଲିସ ସାମ୍ନାରେ ବଖାଣିଛି । ଅଭିଯୁକ୍ତ ୨୧ ବର୍ଷୀୟ ରୋବର୍ଟ ଏରନ କୌଣସି ହିଂସାକୁ ପ୍ରସୟ ଦେବାକୁ ଯାଇ ହତ୍ୟା କରିନାହିଁ । ଅଭିଯୁକ୍ତ ଜଣେ କାମୁକ ଅର୍ଥାତ୍ (Sex  Addicted)। ତେବେ ଏମିତି ନାରକୀୟ କାଣ୍ଡ ଘଟାଇଛି ବୋଲି ପୋଲିସ ସୂଚନା ଦେଇଛି । 

ଏହାରି ମଧ୍ୟରେ ସାଉଥ କୋରିଆ (South Korea) ର ବିଦେଶ ମନ୍ତ୍ରାଳୟ ନିଜର ବୟାନ ଜାରି କରି କହିଛି ଯେ, ଏହି ଘଟଣା ଉପରେ ସମସ୍ତେ ନଜର ରଖିଛନ୍ତି । ଆକ୍ରମଣରେ ମୃତ୍ୟୁବରଣ କରିଥିବା ୮ ଜଣ ମହିଳାଙ୍କ ମଧ୍ୟରୁ ୪ ମହିଳା ସାଉଥ କୋରିଆ ଦେଶର। ଏହି ହତ୍ୟା ଘଟଣା ପରେ ଆମେରିକା (America Government) ର ସରକାରଙ୍କ ନିକଟରେ ଏହି ମୁଦ୍ଦା ଉଠାଯାଇଛି । ଅଭିଯୁକ୍ତ ବିରୋଧରେ କଡ଼ାରୁ କଡ଼ା କାର୍ଯ୍ଯାନୁଷ୍ଠାନ ଗ୍ରହଣ କରାଯିବା ନେଇ ଦାବି ଉଠାଯାଇଛି ।