'ମୁଁ ରାଷ୍ଟ୍ରପତି ହେଲେ CAA କାର୍ଯ୍ୟକାରୀ ହେବାକୁ ଦେବି ନାହିଁ'

Presidential Election 2022: ବିରୋଧୀ ଦଳ ତରଫରୁ ରାଷ୍ଟ୍ରପତି ପ୍ରାର୍ଥୀ ହୋଇଥିବା ଯଶବନ୍ତ ସିହ୍ନା କହିଛନ୍ତି ଯେ ଯଦି ସେ ରାଷ୍ଟ୍ରପତି ନିର୍ବାଚିତ ହୁଅନ୍ତି, ତେବେ ସେ ନିଶ୍ଚିତ କରିବେ ଯେ ନାଗରିକତ୍ୱ ସଂଶୋଧନ ଅଧିନିୟମ (CAA) ଯେପରି କାର୍ଯ୍ୟକାରୀ ହେବ ନାହିଁ ।

Yashwant Sinha on CAA: ବିରୋଧୀ ଦଳର ରାଷ୍ଟ୍ରପତି ପ୍ରାର୍ଥୀ ଯଶବନ୍ତ ସିହ୍ନା (Yashwant Sinha) କହିଛନ୍ତି ଯେ ଯଦି ସେ ରାଷ୍ଟ୍ରପତି ଭାବେ ନିର୍ବାଚିତ ହୁଅନ୍ତି, ତେବେ ସେ ନିଶ୍ଚିତ କରିବେ ଯେ ନାଗରିକତା ସଂଶୋଧନ ଅଧିନିୟମ (CAA) ଯେପରି କାର୍ଯ୍ୟକାରୀ ହେବ ନାହିଁ । ଆସାମର ଗୁଆହାଟୀରେ ବିରୋଧୀ ସାଂସଦଙ୍କ ସହ ବାର୍ତ୍ତାଳାପରେ ସେ ଏହି କଥା କହିଛନ୍ତି ।

ଆସାମର ବିରୋଧୀ ସାଂସଦଙ୍କ ସହ କଥାବାର୍ତ୍ତା କରି ଯଶବନ୍ତ ସିହ୍ନା କହିଛନ୍ତି ଯେ ବିଜେପି ନେତୃତ୍ୱାଧୀନ ସରକାର ଏପର୍ଯ୍ୟନ୍ତ CAA କାର୍ଯ୍ୟକାରୀ କରୁନାହାଁନ୍ତି କାରଣ ଏହା ଶୀଘ୍ର ଶୀଘ୍ର ଓ ଏକ ମୂର୍ଖତାପୂର୍ଣ୍ଣ ଡ୍ରାଫ୍ଟ ପରି ହୋଇଛି । ଆସାମ ପାଇଁ ନାଗରିକତ୍ୱ ଏକ ବଡ ପ୍ରସଙ୍ଗ ଓ ସରକାର ଏହି ଆଇନକୁ ସାରା ଦେଶରେ ଆଣିବାକୁ ଚାହୁଁଥିଲେ ମଧ୍ୟ ଏପର୍ଯ୍ୟନ୍ତ ତାହା କରିପାରିନାହାଁନ୍ତି ବୋଲି ସେ କହିଛନ୍ତି ।

ସେ କହିଛନ୍ତି, “ପୂର୍ବରୁ ସରକାର କୋରୋନା ମହାମାରୀର ବାହାନା କରିଥିଲେ, କିନ୍ତୁ ବର୍ତ୍ତମାନ ସୁଦ୍ଧା ସେମାନେ ଏହାକୁ କାର୍ଯ୍ୟକାରୀ କରିପାରିନାହାଁନ୍ତି କାରଣ ଏହା ଶୀଘ୍ର ଶୀଘ୍ର ଏକ ମୂର୍ଖାମୀ ଭାବେ ପ୍ରସ୍ତୁତି ଅଧିନିୟମ ଅଟେ ।”

ସିହ୍ନା ଅଭିଯୋଗ କରିଛନ୍ତି ଯେ ସମ୍ବିଧାନକୁ କୌଣସି ବାହ୍ୟ ଶକ୍ତି ନୁହେଁ ବରଂ କ୍ଷମତାରେ ଥିବା ଲୋକଙ୍କର ବିପଦ ରହିଛି । ଆମକୁ ଏହାର ସୁରକ୍ଷା କରିବାକୁ ପଡିବ । ସେ କହିଛନ୍ତି, "ଯଦି ମୁଁ ରାଷ୍ଟ୍ରପତି ହୁଏ, ତେବେ ମୁଁ ନିଶ୍ଚିତ କରିବି ଯେ ଯେପରି CAA କାର୍ଯ୍ୟକାରୀ ହେବ ନାହିଁ ।"

ସୂଚନାଯୋଗ୍ୟ, ଜୁଲାଇ ୧୮ ରେ ହେବାକୁ ଥିବା ନିର୍ବାଚନ ପାଇଁ ବିରୋଧୀ ଦଳର ସମର୍ଥନ ଲୋଡ଼ିବା ପାଇଁ ଯଶବନ୍ତ ସିହ୍ନା ଆସାମର ଏକ ଦିନିଆ ଗସ୍ତରେ ଯାଇଛନ୍ତି ।

ଦେଶର ସବୁଠୁ ବଡ ପଦବୀ ଦାବି କରୁଥିବା ସିହ୍ନା କାଶ୍ମୀରରେ କହିଥିଲେ ଯେ, ଯଦି ସେ ରାଷ୍ଟ୍ରପତି ହୁଅନ୍ତି ତେବେ ସେ କାଶ୍ମୀର ପ୍ରସଙ୍ଗକୁ ପ୍ରାଧାନ୍ୟ ଦେବେ । ସେ କହିଛନ୍ତି, "ଯଦି ନିର୍ବାଚିତ ହୁଅନ୍ତି ... ତେବେ ମୋର ଅନ୍ୟତମ ପ୍ରାଥମିକତା ହେଉଛି କାଶ୍ମୀର ସମସ୍ୟାର ସ୍ଥାୟୀ ସମାଧାନ ତଥା ଶାନ୍ତି, ନ୍ୟାୟ, ଗଣତନ୍ତ୍ର, ସ୍ୱାଭାବିକତା ଫେରାଇ ଆଣିବା ପାଇଁ ସରକାରଙ୍କୁ ଆବଶ୍ୟକ ପଦକ୍ଷେପ ଗ୍ରହଣ କରିବା ଓ J&K ପ୍ରତି ବିକାଶର ଶତ୍ରୁତାକୁ ଶେଷ କରିବା ।"