ଏଥର ମୁମ୍ବାଇ ପକ୍ଷରୁ ଏହି ବଲିଉଡ ଅଭିନେତା ଖେଳିବେ ଆଇପିଏଲ...

ଏଥର ଆଇପିଏଲ ଖେଳିବେ ବଲିଉଡ ଅଭିନେତା ଆଉ ଜଣେ ବଲିଉଡ ଅଭିନେତାଙ୍କୁ କିଣିଛି ମୁମ୍ବାଇ ଇଣ୍ଡିଆନ

ଏଥର ମୁମ୍ବାଇ ପକ୍ଷରୁ ଏହି ବଲିଉଡ ଅଭିନେତା ଖେଳିବେ ଆଇପିଏଲ...
ସୌଜନ୍ୟ: ସୋସିଆଲ ମିଡିଆ

ପ୍ରଜ୍ଞା ପାରମିତା ପତ୍ରୀ, ନୂଆଦିଲ୍ଲୀ: ଏଥର ଆଇପିଏଲ ଖେଳିବେ ବଲିଉଡ ଅଭିନେତା । ଜଣେ ବଲିଉଡ ଅଭିନେତାଙ୍କୁ କିଣିଛି ମୁମ୍ବାଇ ଇଣ୍ଡିଆନ । ଆଇପିଏଲରେ ସବୁବେଳେ ଭଲ ପ୍ରଦର୍ଶନ କରି ଆସୁଥିବା ମୁମ୍ବାଇ ଇଣ୍ଡିଆନ ଦେଇଛି ନବାଗତଙ୍କୁ ସୁଯୋଗ । ୨୦ ଲକ୍ଷ ଟଙ୍କାରେ ଅଭିନେତା ଦିଗବିଜୟ ଦେଶମୁଖଙ୍କୁ କିଣିଛି ମୁମ୍ବାଇ ଇଣ୍ଡିଆନ । 

ଏହି ବଲିଉଡ ଅଭିନେତା ଜଣଙ୍କ ୨୦୧୩ରେ ରିଲିଜ ହୋଇଥିବା ଫିଲ୍ମ କାଇ ପୋ ଚେ(Kai Po Che)ରେ ନଜର ଆସିଥିଲେ । ଆଉ ସେହି ଅଭିନେତା ଜଣଙ୍କର ନାମ ଦିଗବିଜୟ ଦେଶମୁଖ(Digvijay Deshmukh) । ଦିଗବିଜୟ କାଇ ପୋ ଚେରେ ଅଲ୍ଲୀ ହାସମୀ ଭୂମିକାରେ ନଜର ଆସିଥିଲେ ।

କାଇ ପୋ ଚେ ପିଲ୍ମଟି ଚେତନ ଭଗତଙ୍କ ନୋଭେଲ '୩ ମିଷ୍ଟେକ୍ସ ଅଫ ମାଇ ଲାଇଫ' ଉପରେ ଆଧାରିତ ହୋଇଛି । ଏହି ଫିଲ୍ମରେ ୧୪ ବର୍ଷିୟ ଦିଗବିଜୟ ଲୋକଲା ଟୋକା ଭୂମିକାରେ ଅଭିନୟ କରିଥିଲେ ।  ଛୋଟବେଳୁ ହିଁ ଦିଗବିଜୟଙ୍କୁ ଭଲ ଖେଳ ଆସେ ଆଉ ସେଥିପାଇଁ ତାଙ୍କୁ ଏହି ଅଭିନୟ କରିବାର ସୁଯୋଗ ମିଳିଥିଲା । ଆଉ ବର୍ତ୍ତମାନ ମୁମ୍ୱାଇ ଇଣ୍ଡିଆନ୍ସ ଦିଗବିଜୟଙ୍କୁ ୨୦ଲକ୍ଷ ଚଙ୍କାରେ କିଣିଛି । 

ତାଙ୍କୁ ମୁମ୍ୱାଇ ଇଣ୍ଡିଆନ କିଣିବା ପରେ ନିଜର ପ୍ରତିକ୍ରିୟା ରଖିଛନ୍ତି ଦିଗବିଜୟ । ସେ କହିଛନ୍ତି ଯେ ମୁଁ କେବେ ଅଭିନେତା ନ ଥିଲି । ବଲିଉଡରେ ବି ମୋତେ ମୋ ଖେଳ ପାଇଁ ବଛା ହୋଇଥିଲା । ଆଉ ମୁଁ ସବୁବେଳ ପାଇଁ ଏକ କ୍ରିକେଟର । ଆଇପିଏଲ ଖେଳିବାକୁ ଚାନ୍ସ ମିଳିବା ମୋ ପାଇଁ ଏକ ସୁବର୍ଣ୍ଣ ସୁଯୋଗ । ଆୁ ମୁଁ ଏବେ ଧିରେ ଧିରେ ମୋ ସ୍ୱପ୍ନର ଦୁନିଆ ଆଡ଼କୁ ଆଗଉଛି ।