close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

କାଶ୍ମୀର ସ୍ଥିତି ନେଇ ଚିନ୍ତା ବ୍ୟକ୍ତ କଲା ଆମେରିକା

ଜମ୍ମୁ କାଶ୍ମୀରକୁ ବିଶେଷ ମାନ୍ୟତା ଦେଉଥିବା ଧାରା ୩୭୦ର ଉଚ୍ଛେଦକୁ ନେଇ ଏବେ ଟିପ୍ପଣୀ ଦେଇଛି ଆମେରିକା । 

କାଶ୍ମୀର ସ୍ଥିତି ନେଇ ଚିନ୍ତା ବ୍ୟକ୍ତ କଲା ଆମେରିକା
କାଶ୍ମୀର ସ୍ଥିତି ନେଇ ଆମେରିକାର ପ୍ରତିକ୍ରିୟା

ନୂଆଦିଲ୍ଲୀ: ଜମ୍ମୁ କାଶ୍ମୀରକୁ ବିଶେଷ ମାନ୍ୟତା ଦେଉଥିବା ଧାରା ୩୭୦ର ଉଚ୍ଛେଦକୁ ନେଇ ଏବେ ଟିପ୍ପଣୀ ଦେଇଛି ଆମେରିକା । ଏହା ପଛରେ ଥିବା ଭାରତର ମହତ ଉଦ୍ଦେଶ୍ୟକୁ ସମର୍ଥନ କରିଛି । ହେଲେ ବର୍ତ୍ତମାନ ଘାଟିର ସ୍ଥିତି ଚିନ୍ତାଜନକ ବୋଲି କହିଛି ଟ୍ରମ୍ପ ପ୍ରଶାସନ ।

ମଙ୍ଗଳବାର ଦକ୍ଷିଣ ଏବଂ ମଧ୍ୟ ଏସିଆ ମାମଲାରେ ଆମେରିକାର କାର୍ଯ୍ୟବାହକ ସହାୟକ ବୈଦେଶିକ ମନ୍ତ୍ରୀ ଏଲିସ ଜି ବେଲ୍ସ ଏହା ଉପରେ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ଜମ୍ମୁ କାଶ୍ମୀରରେ ଆର୍ଥିକ ବିକାଶ ଏବଂ ଭ୍ରଷ୍ଟାଚାର ମୁକ୍ତ କରିବାକୁ ଏହି ଧାରା ଉଚ୍ଛେଦ ହୋଇଥିବା ଭାରତ କହୁଛି । ବିଶେଷ କରି ମହିଳା ଏବଂ ଅଳ୍ପସଂଖ୍ୟକଙ୍କ କ୍ଷେତ୍ରରେ ସମସ୍ତ ରାଷ୍ଟ୍ରୀୟ ନିୟମ କାନୁନରେ ସମାନତା ଆଣିବା ପାଇଁ ଏହି ନିଷ୍ପତ୍ତି ନିଆଯାଇଛି । 

ବେଲ୍ସ କହିଛନ୍ତି, ଭାରତର ଏହି ଉଦ୍ଦେଶ୍ୟକୁ ଆମେ ସମର୍ଥନ କରୁଛୁ । କିନ୍ତୁ ଆମେରିକାର ବୈଦେଶିକ ମନ୍ତ୍ରଣାଳୟ କାଶ୍ମୀର ଘାଟିର ସ୍ଥିତି ନେଇ ଚିନ୍ତିତ ଅଛି । ୫ ଅଗଷ୍ଟ ପରଠୁ ୮୦ ଲକ୍ଷ ଲୋକଙ୍କ ଜୀବନ ବହୁତ ପ୍ରଭାବିତ ହୋଇଛି । ଧାରା ୩୭୦ର ଉଚ୍ଛେଦ ପରଠୁ ପୁରା ସ୍ଥିତି ଉପରେ ଆମେରିକାର ନଜର ରହିଛି ବୋଲି କହିଛନ୍ତି ବେଲ୍ସ । ଜମ୍ମୁ ଓ ଲଦାଖରେ ସ୍ଥିତି ସୁଧୁରିଥିବା ବେଳେ କାଶ୍ମୀର ସ୍ଥିତି ସାମାନ୍ୟ ନଥିବା ସେ କହିଛନ୍ତି । 

ସେ ଆହୁରି ମଧ୍ୟ କହିଛନ୍ତି, ଜମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଏବଂ ଅନ୍ୟ ନେତାମାନେ  ହେପାଜତରେ ଥିବାରୁ ଆମେରିକା ବୈଦେଶିକ ମନ୍ତ୍ରଣାଳୟ ଭାରତ ସରକାରଙ୍କ ନିକଟରେ ଚିନ୍ତାବ୍ୟକ୍ତ କରିଛି । କାଶ୍ମୀରରେ ମାନବାଧିକାରର ସମ୍ମାନ ଏବଂ ମୋବାଇଲ, ଇଣ୍ଟରନେଟ ଓ ଅନ୍ୟ ସେବା ପହଞ୍ଚାଇବା ପାଇଁ ଭାରତ ପାଖରେ ଅପିଲ କରିଛୁ । ସ୍ଥାନୀୟ ଏବଂ ବିଦେଶୀ ଗଣମାଧ୍ୟମ କାଶ୍ମୀର ଘଟଣାକ୍ରମକୁ କଭର କରୁଛନ୍ତି ସତ । ହେଲେ ସୁରକ୍ଷା ସମ୍ୱନ୍ଧିତ କଟକଣା ଯୋଗୁଁ ତାଙ୍କୁ ବହୁ ସମସ୍ୟାର ସାମ୍ନା କରିବାକୁ ପଡୁଥିବା କହିଛନ୍ତି ବେଲ୍ସ ।