ଚୀନ ଏବଂ ଇରାନ ହ୍ୟାକର୍ସଙ୍କ ଟାର୍ଗେଟରେ ଆମେରିକା ରାଷ୍ଟ୍ରପତି ନିର୍ବାଚନ

ଚୀନ ଏବଂ ଇରାନ ହ୍ୟାକର୍ସଙ୍କ ଟାର୍ଗେଟରେ ଆମେରିକା ରାଷ୍ଟ୍ରପତି ନିର୍ବାଚନ ରହିଥିବା ଘଟଣା ସମ୍ନାକୁ ଆସିଛି |

ୱାଶିଂଟନ: ଚଳିତ ବର୍ଷ ଶେଷ ଆଡକୁ କିମ୍ବା ଆସନ୍ତା ପ୍ରାରମ୍ଭରେ ହେବାକୁ ଯାଉଛି  ବିଶ୍ୱର ଶକ୍ତିଶାଳୀ ଗଣତନ୍ତ୍ର କୁହାଯାଉଥିବା ଯୁକ୍ତରାଷ୍ଟ୍ର ଆମେରିକାର(ୟୁଏସଏ) ରାଷ୍ଟ୍ରପତି ନିର୍ବାଚନ | ହେଲେ ଏବେ ଏହା ଉପରେ ନଜର ପକାଇଛନ୍ତି ଡିଜିଟାଲ ଗୁପ୍ତଚର | ଆମେରିକୀୟ ରାଷ୍ଟ୍ରପତି ନିର୍ବାଚନ ସହ ଜଡିତ ତଥ୍ୟକୁ ହାତେଇବା ପାଇଁ ସେମାନଙ୍କ ପକ୍ଷରୁ ଆରମ୍ଭ ହୋଇଯାଇଛି ଉଦ୍ୟମ | ମାତ୍ର ଏହା ସଫଳ ହୋଇ ପାରିନାହିଁ |  

ଲୋକପ୍ରିୟ ସର୍ଚ୍ଚ ଇଞ୍ଜିନ ଗୁଗୁଲ ଥ୍ରେଟ ଆନାଲିସିସ ଗ୍ରୁପ ପ୍ରମୁଖ ଶେନ ହଣ୍ଟେଲ ଏ ସମ୍ପର୍କରେ ଟ୍ୱିଟରରେ ଜଣାଇଛନ୍ତି |  ଏହା ଉପରେ ପ୍ରତିକ୍ରିୟା ରଖି ସେ କହିଛନ୍ତି ଚୀନ ସମର୍ଥିତ ହ୍ୟାକର ଡେମୋକ୍ରାଟିକ ପ୍ରାର୍ଥୀ  ଜୋ ବିଡେନଙ୍କ ନିର୍ବାଚନ ଅଭିଯାନ ସହ ଜଡିତ କର୍ମଚାରୀଙ୍କ ଇମେଲ ଆକାଉଣ୍ଟକୁ ଟାର୍ଗେଟ କରିଛନ୍ତି | ଇରାନ ସମର୍ଥିତ ହ୍ୟାକର ବର୍ତ୍ତମାନର ରାଷ୍ଟ୍ରପତି  ଡୋନାଲ୍ଟ ଟ୍ରମ୍ପଙ୍କ  ଅଭିଯାନ ସହ ସମ୍ପୃକ୍ତ ସଦସ୍ୟଙ୍କ ଉପରେ ନଜର ରଖିଛନ୍ତି | ଏ ଘଟଣା ବାବଦରେ ଜଣାପଡିବା ପରେ ବିଶ୍ୱର ପ୍ରମୁଖ ନେତାଙ୍କୁ ଡିଜିଟାଲ ଗୁପ୍ତଚର ଟାର୍ଗେଟ କରୁଥିବାର ସ୍ପଷ୍ଟ ହୋଇଛି | 

ପୂର୍ବରୁ ରାଷ୍ଟ୍ରପତି ନିର୍ବାଚନ ସମୟରେ ଡୋନାଲ୍ଟ ଟ୍ରମ୍ପଙ୍କୁ ଟାର୍ଗେଟ କରିଥିଲେ ଇରାନୀ ହ୍ୟାକର | ଗତବର୍ଷ ମାଇକ୍ରୋସଫ୍ଟ ପକ୍ଷରୁ କୁହାଯାଇଥିଲା ଚାର୍ମିଂ କିଟନ ନାମକ ଏକ ଗୋଷ୍ଠୀ  ଆମେରିକା ରାଷ୍ଟପ୍ରତି ନିର୍ବାଚନ ସହ ଜଡିତ ଇମେଲ ଆକାଉଣ୍ଟକୁ ଟାର୍ଗେଟ କରିଥିଲା | ଯଦିଓ ମାଇକ୍ରୋସଫ୍ଟ ରାଷ୍ଟ୍ରପତିଙ୍କ ନାଁ ସ୍ପଷ୍ଟ କରିନାହିଁ  ଏହା ଟ୍ରମ୍ପଙ୍କ ପାଇଁ ଉଦ୍ଦିଷ୍ଟ |  

ଚଳିତ ବର୍ଷ ଆରମ୍ଭରୁ ଏରିୟା-1 ପକ୍ଷରୁ କୁହାଯାଇଥିଲା ଋଷୀୟ ହ୍ୟାକର୍ସ  ଏକ ୟୁକ୍ରେନ ଗ୍ୟାସ  ଫର୍ମ ସହଲ ଜଡିତ କମ୍ପାନୀକୁ ଟାର୍ଗେଟ କରିଥିଲେ | ଯେଉଁଠି ଆମେରିକା ରାଷ୍ଟ୍ରପତିରେ ନିର୍ବାଚନରେ ପ୍ରତିଦ୍ୱନ୍ଦିତା କରିବାକୁ ଯାଉଥିବା  ଜୋ ବିଡେନଙ୍କ ପୁଅ କାମ କରିଥିଲେ | ଯଦିଓ ଏହା ଉପରେ ଗୁଗୁଲ ପକ୍ଷରୁ ଏହା ଉପରେ କିଛି ପ୍ରତିକ୍ରିୟା ରଖାଯାଇ ନାହିଁ ଏଥିରୁ ସ୍ପଷ୍ଟ ଯେ, ଇରାନ ଏବଂ ଚୀନ ହ୍ୟାକର୍ସଙ୍କ ଟାର୍ଗେଟରେ ରହିଛି ଆମେରିକା ରାଷ୍ଟ୍ରପତି ନିର୍ବାଚନ |