close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଓଟିଇଟି ପରୀକ୍ଷା ପ୍ରଶ୍ନପତ୍ରରେ ବିଭ୍ରାଟ ଥିବା ମାନିଲେ ମନ୍ତ୍ରୀ

ଓଟିଇଟି ପରୀକ୍ଷାରେ ପ୍ରଶ୍ନପତ୍ର ଉତ୍ତରପତ୍ରରେ ଭୁଲ ହୋଇଥିବା ସ୍ୱିକାର କରିଛନ୍ତି ସ୍କୁଲ ଗଣଶିକ୍ଷା ମନ୍ତ୍ରୀ ସମୀର ରଂଜନ ଦାଶ ।

ଓଟିଇଟି ପରୀକ୍ଷାରେ ପ୍ରଶ୍ନପତ୍ର ଉତ୍ତରପତ୍ରରେ ଭୁଲ ଥିବା ମାନିଲେ ମନ୍ତ୍ରୀ

ମଳୟ ରଞ୍ଜନ ମହାନ୍ତି, ଭୁବନେଶ୍ୱର:  ଓଟିଇଟି ପରୀକ୍ଷାରେ ପ୍ରଶ୍ନପତ୍ର ଉତ୍ତରପତ୍ରରେ ଭୁଲ ହୋଇଥିବା ସ୍ୱିକାର କରିଛନ୍ତି ସ୍କୁଲ ଗଣଶିକ୍ଷା ମନ୍ତ୍ରୀ ସମୀର ରଂଜନ ଦାଶ । ଏଥିପାଇଁ ଲୋକସେବା ଭବନରେ ଆୟୋଜିତ ଏକ ଗୁରୁତ୍ୱପୂର୍ଣ୍ଣ ବୈଠକରେ ତ୍ରୁଟି ସଂପର୍କରେ ଅନୁଧ୍ୟାନ କରାଯାଇଛି ଽ ଅନୁଧ୍ୟାନ ପରେ ତୁରନ୍ତ ନଭେମ୍ବର ୨୧ ତାରିଖ ମଧ୍ୟରେ ତ୍ରୁଟିଶୂନ୍ୟ ପରୀକ୍ଷାଫଳ ପ୍ରକାଶ କରିବାକୁ ନିର୍ଦ୍ଦେଶ ଦିଆଯାଇଛି । ଏପରିକି ପରୀକ୍ଷାରେ କାହିଁକି ତ୍ରୁଟି ହେଲା ଏବଂ ତ୍ରୁଟି ଯୋଗୁଁ ଗ୍ରେସ ମାର୍କ ଦିଆଯିବ କି ନାହିଁ ଏ ସବୁ ସଂପର୍କରେ ତଦନ୍ତ କରି ସମାଧାନ କରିବାକୁ କଣ୍ଡକ୍ଟିଂ ବୋର୍ଡକୁ ନିର୍ଦ୍ଦେଶ ଦିଆଯାଇଛି । ତ୍ରୁଟି ଯୋଗୁ ରି-ଚେକିଂ ପାଇଁ ଆବେଦନ କରିଥିବା ୫ ହଜାରରୁ ଅଧିକ ପରୀକ୍ଷାର୍ଥୀଙ୍କଠାରୁ ଆଦାୟ କରାଯାଇଥିବା ୫୦୦ ଟଙ୍କା ଲେଖାଏଁ ଫେରାଇବାକୁ ନିଷ୍ପତ୍ତି ହୋଇଥିବା ସ୍କୁଲ ଗଣ ଶିକ୍ଷାମନ୍ତ୍ରୀ ସମୀର ରଞ୍ଜନ ଦାଶ ସୂଚନା ଦେଇଛନ୍ତି ।

ପ୍ରଥମଥର ପାଇଁ ଅନଲାଇନରେ ଓଟିଇଟି ପରୀକ୍ଷା କରାଯାଇ ଥିବାବେଳେ ସିଲାବସ ବାହାରୁ ପ୍ରଶ୍ନ ଆସିଥିବାବେଳେ କିଛି ପ୍ରଶ୍ନ ବିକୃତ ଭାଷାରେ ଆସିଥିଲା । ଏପରିକି ଉତ୍ତରପତ୍ରରେ ମଧ୍ୟ ବ୍ୟାପକ ତ୍ରୁଟି ଦେଖାଯାଇଥିଲା । ଯାହାକୁ ନେଇ ବିଭିନ୍ନ ଛାତ୍ରସଂଘ ଏବଂ ପରୀକ୍ଷାର୍ଥୀ ଆନ୍ଦୋଳନକୁ ମଧ୍ୟ ଓହ୍ଲାଇଥିଲେ । ଲୋକସେବା ଭବନରେ ଆୟୋଜିତ ଗୁରୁତ୍ୱପୂର୍ଣ୍ଣ ବୈଠକରେ ବିଦ୍ୟାଳୟ ଗଣଶିକ୍ଷା ବିଭାଗର ସ୍ୱତନ୍ତ୍ର ସଚିବ ବିଶ୍ୱନାଥ ପ୍ରଧାନ, ଅତିରିକ୍ତ ସଚିବ ଖଗେନ୍ଦ୍ର ପାଢୀ, ବୋର୍ଡର ସଂପାଦକ ରାମାଶିଷ ହାଜରା ଏବଂ ବୋର୍ଡ ପରୀକ୍ଷା ନିୟନ୍ତ୍ରଣ ନିହାର ମହାନ୍ତି ପ୍ରମୁଖ ଯୋଗ ଦେଇଥିଲେ ।