ବନ୍ଦ ଘରେ ନାବାଳିକା ପାଟିରେ ଲୁଗା ପୂରାଇ ଦୁଷ୍କର୍ମ କରୁଥିଲା ସମ୍ପର୍କୀୟ ଦାଦା

ଅନ୍ତରଙ୍ଗ ମୁହୂର୍ତ୍ତ ଭିଡିଓ ଉତ୍ତୋଳନ କରି ତିନି ମାସ ଧରି ବ୍ଲାକମେଲିଂ କରି ଆସୁଥିଲା ଦାଦା

ଭଦ୍ରକ: ନାବାଳିକା ଛାତ୍ରୀଙ୍କ ଇଛା ବିରୋଧରେ ଦୁଷ୍କର୍ମ କରୁଥିଲା ସମ୍ପର୍କୀୟ ଦାଦା । ଶାରୀରିକ ସମ୍ପର୍କ ରଖିବା ସହିତ ଅନ୍ତରଙ୍ଗ ମୁହୂର୍ତ୍ତ ଭିଡିଓ ଉତ୍ତୋଳନ କରି ତିନି ମାସ ଧରି କରି ଆସୁଥିଲା ବ୍ଲାକମେଲିଂ। କାହାକୁ କହିଲେ ମାରିଦେବାକୁ ବି ଦେଉଥିଲା ଧମକ । ଘଟଣାକୁ ନେଇ ଧୂଷୁରୀ ଥାନା ଅଞ୍ଚଳରେ ଖେଳିଯାଇଛି ଚାଞ୍ଚଲ୍ୟ । ଗ୍ରାମର ଦୁର୍ଯ୍ୟୋଧନ ମାଝୀଙ୍କ ପୁଅ ବିଚିତ୍ର ଜଣେ ନାବାଳିକା ଝିଅଙ୍କ ସହ ଜୋର ଜବରଦସ୍ତି ଭଲ ପାଇବାକୁ ଉଦ୍ୟମ କରିଥିଲା..ଝିଅ ଏହାକୁ ବିରୋଧ କରିବାରୁ ବିଚିତ୍ର ଉତକ୍ଷିପ୍ତ ହୋଇ ତାକୁ ମାରିବା ସହ ଘୋଷାଡ଼ି ଘୋଷାଡ଼ି ତାଙ୍କ ଘରକୁ ନେଇଯାଇଥିଲେ ।

 କେବଳ ଏତିକି ନୁହଁ ତାଙ୍କୁ ଅଶ୍ଳୀଳ ଭାଷାରେ ଗାଳି କରିବା ସହ ଭିତରୁ କବାଟ ବନ୍ଦ କରି ଝିଅର ଇଛା ବିରୁଧରେ ତା ମୁହଁରେ ଲୁଗା ପୂରାଇ ହାତ ଗୋଡ ବାନ୍ଧି ଦୁଷ୍କର୍ମ କରିବା ପରେ ନିଜ ମୋବାଇଲରେ ଭିଡ଼ିଓ ଉଠାଇଥିଲେ । ଆଉ ତାପରେ ହତ୍ୟା ଧମକ ମଧ୍ୟ ଦେଇଥିଲା । ଶେଷରେ ନାବାଳିକା ଝିଅର ଜୀବନ ଚାଲିଯିବା ଭୟରେ ପରିବାର ପକ୍ଷରୁ ଗତ ରାତିରେ ଧୂଷୁରୀ ଥାନାରେ ଏକ ଲିଖିତ ଅଭିଯୋଗ କରାଯିବା ପରେ ପୋଲିସ ଏହି ଘଟଣାରେ ବିଚିତ୍ରଙ୍କ ଦୁଇ ଭାଇଙ୍କୁ ଥାନାକୁ ଉଠାଇ ଆଣି ଘଟଣାର ତଦନ୍ତ ଆରମ୍ଭ କରିଛି । ମୁଖ୍ୟ ଅଭିଯୁକ୍ତ ବିଚିତ୍ର ମାଝୀକୁ ପୋଲିସ ଗିରଫ କରିଛି ।