ଓଠ ଫାଟିଲେ ଖାଇବାରେ ଅସୁବିଧା ସହ ଜଳାପୋଡା କରିଥାଏ । ଏହା ଏକ ସାଧାରଣ ସମସ୍ୟା ହୋଇଥିବାରୁ ଏହାର ଘରୋଇ ଉପଚାର ରହିଛି ।
Trending Photos
ଭୁବନେଶ୍ୱର: ଶୀତ ଦିନ ଆରମ୍ଭ ହେବ ମାତ୍ରେ ଓଠ ଫାଟିବା ଆରମ୍ଭ ହୋଇଯାଏ । ଓଠ ଫାଟିଲେ ଖାଇବାରେ ଅସୁବିଧା ସହ ଜଳାପୋଡା କରିଥାଏ । ଏହା ଏକ ସାଧାରଣ ସମସ୍ୟା ହୋଇଥିବାରୁ ଏହାର ଘରୋଇ ଉପଚାର ରହିଛି । ଏହାର ସମାଧାନ ପାଇଁ ଆମେ ବଜାରରେ ମିଳୁଥିବା ଭେସଲିନ ଓ ଲିପବାମ ଲଗାଇ ଥାଉ । କିନ୍ତୁ ସେସବୁ କେମିକାଲ ହୋଇଥିବାରୁ ଓଠ ଖରାପ ହେବାର ଆଶଙ୍କା ଅଧିକ ଥାଏ । ତେବେ ଆସନ୍ତୁ ଜାଣିବା ଘରୋଇ ଉପଚାର କରି ଆପଣ କିପରି ଓଠକୁ ନରମ ରଖି ପାରିବେ ।
- ଓଠରେ ନଡ଼ିଆ ତେଲ, ମହୁ, ଜଡ଼ା ତେଲ ଲଗାନ୍ତୁ ।
- ଲେମ୍ଭୁରସ ରେ ମହୁ ଓ ଜଡ଼ା ତେଲ ମିଶାଇ ଲଗାନ୍ତୁ । ଏହା ଓଠ ଫଟା ସମସ୍ୟା ଦୂର କରିବ ।
- ଦୁଇ ଚାମଚ ଚିନିରେ ମହୁ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ । ଏହି ପେଷ୍ଟକୁ ଓଠରେ ଲଗାଇ କିଛି ସମୟ ରଖନ୍ତୁ । କିଛି ସମୟ ପରେ ଉଷୁମ ପାଣି ରେ ଓଠକୁ ପୋଛି ଦିଅନ୍ତୁ ।
- ଓଠରେ କ୍ଷୀର ସର ଲଗାନ୍ତୁ । ଓଠ କୋମଳ ରହିବ ।
- ଶୀତ ଦିନେ ଅଧିକ ପାଣି ପିଅନ୍ତୁ । ଏହା ଓଠ ଫାଟିବା ସମସ୍ୟା ଦୂର କରିବ ।