କୋଭିଡ19 ଟୀକା ବନାଇବା ଭାରତୀୟ ଫାର୍ମା କମ୍ପାନୀ, ମିଳିବ ଆମେରିକା ସାଥ

ନୂଆଦିଲ୍ଲୀ: ଆତଙ୍କ ସୃଷ୍ଟିକାରୀ ବର୍ଷ ଭାବେ ଉଭା ହୋଇଛି ୨୦୨୦ | ଗତବର୍ଷ ଡିସେମ୍ବରରୁ ଚୀନର ଉହାନ ସହରରୁ ଆରମ୍ଭ ହୋଇ ସମଗ୍ର ବିଶ୍ୱରେ ତାଣ୍ଡବ ମଚାଇଥିବା କୋଭିଡ19 ନିୟନ୍ତ୍ରଣ ପାଇଁ କୌଣସି ଟୀକା(Vacine) ବାହାରି ନଥିବାରୁ ଏହାର ପ୍ରଭାବ ବିଶ୍ୱରେ ଅନିୟନ୍ତ୍ରିତ ଭାବେ ବଢିବାରେ ଲାଗିଛି | ଏବେ କୋରନା ଭାଇରସର ମୁକାବିଲା ପାଇଁ ଆଗେଇ ଆସିଛି ଭାରତ | 

ଏହା ପୂର୍ବରୁ କୋଭିଡ19 ପୀଡିତଙ୍କ ପାଇଁ ବିଶ୍ୱ ସମୁଦାୟକୁ ହାଇଡ୍ରୋକ୍ସି କ୍ଲୋରୋକୁଇନ(Hydroxy Chloroquine) ଯୋଗାଇ ଦେଇଥିଲା | ବର୍ତ୍ତମାନ ଭାରତୀୟ ବାୟୋଟେକ୍ନୋଲୋଜି କମ୍ପାନୀ ପେନେସିଆ ବାୟୋଟେକ ଲିମିଟେଡ(Panacea Biotec limited) ପକ୍ଷରୁ କୋରୋନା ଭାଇରସ ଟୀକାର ବିକାଶ, ନିର୍ମାଣ ଏବଂ ବିତରଣ କାମ ଆରମ୍ଭ କରିଦେଇଛି | ଆଉ ଏଥିପାଇଁ ଆମେରିକୀୟ କମ୍ପାନୀ ରିଫାନା ଇଙ୍କ୍(Refana Inc) ସବ ବୁଝାମଣା ହୋଇଛି |

ଏନେଇ ହୋଇଥିବା ବୁଝାମଣା ଅନୁସାରେ ପେନେସିଆ ବାୟୋଟେକକୁ କୋରୋନା ଟୀକାର ଉତ୍ପାଦନ, କ୍ଲିନିକାଲ ଡେଭଲପମେଣ୍ଟ, ବାଣିଜ୍ୟକ ନିର୍ମାଣର ଦାୟିତ୍ୱ ନ୍ୟସ୍ତ କରାଯିବ | ଉଭୟ କମ୍ପାନୀ ନିଜ ସମ୍ବଧିତ କ୍ଷେତ୍ର ଅଞ୍ଚଳରେ ଏହି ଟୀକର ବିକ୍ରି ଏବଂ ବିତରଣ କାର୍ଯ୍ୟ କରିପାରିବେ |

ପେନେସିଆ ବାୟୋଟେକର  ପରିଚାଳନା ନିର୍ଦ୍ଦେଶକ ରାଜେଶ ଜୈନ କହିଛନ୍ତି, ବର୍ତ୍ତମାନ ଦୁନିଆକୁ ଏପରି ଏକ ଔଷଧ ଦରକାର ଯାହା ସୁରକ୍ଷିତ, ପ୍ରଭାବଶାଳୀ, ଉପଲବ୍ଧଯୋଗ୍ୟ ହୋଇଥିବା ଆବଶ୍ୟକ |  ଯିଏକି ବିଶ୍ୱର ଚାହିଦାକୁ  ପୂରଣ କରି ପାରୁଥିବ | ରିଫାନା ଇଙ୍କ୍ ସହ ମିଶି କୋଭିଡ19 ରୋଗୀଙ୍କ ପାଇଁ ୫୦୦ ମିଲିୟନରୁ ଅଧିକ ଔଷଧ ତିଆରି କରିବା ଆବଶ୍ୟକ | ଆସନ୍ତା ବର୍ଷ ଆରମ୍ଭରେ ୪୦ ମିଲିୟନରୁ ଅଧିକ ଔଷଧ ବିତରଣ ଉପଲବ୍ଧ କରିବାକୁ ଆମର ଲକ୍ଷ୍ୟ ରହିଛି |

ଏହା ସହିତ ସେ ଆହୁରି ମଧ୍ୟ କହିଛନ୍ତି ଆସନ୍ତା ଚାରି ସପ୍ତାହ ମଧ୍ୟରେ ଆମେ ଦିଲ୍ଲୀ ଏବଂ ପଞ୍ଜାବରେ ଥିବା ପରୀକ୍ଷା ଗାରରେ ଏହି ଟୀକା ବିକଶିତ କରିବାକୁ ଯାଉଛୁ | ଆସନ୍ତା ଅକ୍ଚୋବର ମାସରେ ଏହାକୁ ମଣିଷ ଶରୀରରେ ପରୀକ୍ଷା ମୂଳକ ଭାବେ ବ୍ୟବହାର କରାଯିବ | ଏହା ପୂର୍ବରୁ ପଶୁଙ୍କୁ ନେଇ ଏହାର ପ୍ରିକ୍ଲିନିକାଲ ଟେଷ୍ଟ କରାଯିବ |