ଦେଶରେ NRC ଲାଗୁ ହେବା ନେଇ କେନ୍ଦ୍ର ଗୃହମନ୍ତ୍ରୀଙ୍କ ବଡ଼ ବୟାନ!

୨୦୨୪ ସୁଦ୍ଧା ସାରା ଦେଶରେ NRC ଲାଗୁ କରିବାକୁ ସରକାର ଲକ୍ଷ୍ୟ ରଖିଥିବା ଅମିତ ଶାହ କହିଛନ୍ତି

ପ୍ରକାଶ ରଂଜନ ପରିଡ଼ା, ନୂଆଦିଲ୍ଲୀ: ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ଏବେ କେନ୍ଦ୍ର ସରକାର ଦେଶର ଆଭ୍ୟନ୍ତରୀଣ ସୁରକ୍ଷାକୁ ନେଇ ନୂଆ ମିଶନ ଆରମ୍ଭ କରିବାକୁ ଯାଉଛନ୍ତି । ଆସନ୍ତା ୫ ବର୍ଷ ମଧ୍ୟରେ ଦେଶକୁ ଅନୁପ୍ରବେଶକାରୀ ଓ ଶରଣାର୍ଥୀ ମୁକ୍ତ କରାଯିବ ବୋଲି କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି । ପ୍ରଥମ ପର୍ଯ୍ୟାୟରେ ଆସାମରେ NRC ଲାଗୁ ହୋଇ ସାରିଛି । ୨୦୨୪ ସୁଦ୍ଧା ସାରା ଦେଶରେ NRC ଲାଗୁ କରିବାକୁ ସରକାର ଲକ୍ଷ୍ୟ ରଖିଛନ୍ତି ବୋଲି ଶାହ କହିଛନ୍ତି । ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ଏବେ କେନ୍ଦ୍ର ସରକାର ଦେଶର ଆଭ୍ୟନ୍ତରୀଣ ସୁରକ୍ଷାକୁ ନେଇ ନୂଆ ମିଶନ ଆରମ୍ଭ କରିବାକୁ ଯାଉଛନ୍ତି । ଆସନ୍ତା ୫ ବର୍ଷ ମଧ୍ୟରେ ଦେଶକୁ ଅନୁପ୍ରବେଶକାରୀ ଓ ଶରଣାର୍ଥୀ ମୁକ୍ତ କରାଯିବ ବୋଲି କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି । ପ୍ରଥମ ପର୍ଯ୍ୟାୟରେ ଆସାମରେ NRC ଲାଗୁ ହୋଇ ସାରିଛି ବୋଲି ହରିୟାଣାର ପାନିପଥରେ ନିର୍ବାଚନୀ ରାଲିକୁ ସମ୍ବୋଧନରେ  ଶାହ କହିଛନ୍ତି । ଆସନ୍ତା ୨୦୨୪ ସୁଦ୍ଧା ସାରା ଦେଶରେ NRC ଲାଗୁ କରି ଅନୁପ୍ରବେଶକାରୀଙ୍କୁ ବିତାଡ଼ିତ କରିବାକୁ ସରକାର ଲକ୍ଷ୍ୟ ରଖିଛନ୍ତି ବୋଲି ସେ ସୂଚନା ଦେଇଛନ୍ତି ।

ଅମିତ ଶାହ ସ୍ପଷ୍ଟ କରିଛନ୍ତି କି ଯେଉଁପରି ଜମ୍ମୁ କାଶ୍ମୀରର ସୁରକ୍ଷା ପାଇଁ ଧାରା ୩୭୦ ଉଚ୍ଛେଦ କରିବାର ଆବଶ୍ୟକତା ଥିଲା..ସେହିପରି ଅବୈଧ ଅନୁପ୍ରବେଶକାରୀଙ୍କୁ ବିତାଡ଼ିତ ନକଲେ ଭାରତୀୟଙ୍କୁ ତାଙ୍କର ହକ୍ ମିଳିବା ସମ୍ଭବପର ହେବ ନାହିଁ ବୋଲି ଶାହ କହିଛନ୍ତି । ବେଆଇନ ଭାବରେ ବିଦେଶୀ ଭାରତରେ ବସବାସ କରିବା ପଛରେ ପୂର୍ବ କଂଗ୍ରେସ ସରକାରଙ୍କ ଦୁର୍ବଳ ନୀତିକୁ ଦାୟୀ କରିଛନ୍ତି ଗୃହମନ୍ତ୍ରୀ । ଏହାସହିତ ବର୍ତ୍ତମାନ ସାରା ଦେଶରେ NRC ଲାଗୁକୁ କଂଗ୍ରେସ କାହିଁକି ବିରୋଧ କରୁଛି ବୋଲି ଶାହ ପ୍ରଶ୍ନ କରିଛନ୍ତି । ଅନୁପ୍ରବେଶକାରୀମାନେ କଂଗ୍ରେସକୁ ସମ୍ପର୍କୀୟ ପରି ଦେଖାଯାଉଛନ୍ତି କି ବୋଲି ସେ ପ୍ରଶ୍ନ କରିଛନ୍ତି । ପୂର୍ବରୁ ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ କରିବା ପାଇଁ କଂଗ୍ରେସ ସରକାର ସାହସ ଜୁଟାଇ ପାରି ନଥିଲେ  । କିନ୍ତୁ ମୋଦ ସରକାର ଏହି ଅସମ୍ଭବକୁ ସମ୍ଭବ କରି ଦେଖାଇଛନ୍ତି । ସେହିପରି ଆସନ୍ତା କିଛି ବର୍ଷ ମଧ୍ୟରେ ସରକାର ଦେଶରେ NRC ଲାଗୁ କରିବାକୁ ଯାଉଛନ୍ତି ।