ପର ପୁରୁଷ ସହ ଫେରାର ହେଲା ସ୍ତ୍ରୀ, ସ୍ୱାମୀ ପିଇଲେ ବିଷ...

ମାଲକାନଗିରି: କଥାରେ ଅଛି ପ୍ରେମ ଅମର, ଆଉ ପ୍ରେମ ପାଇଁ କିଛି ବି କରିବାକୁ ପଛାନ୍ତି ନାହିଁ ପାଗଳ ପ୍ରେମୀ । କିନ୍ତୁ ପ୍ରେମରେ ବି ବେଳେ ବେଳେ ପ୍ରତାରଣା ଆସିଥାଏ । କେତେକ ପ୍ରତାରଣାକୁ ସହି ଯାଆନ୍ତି, ତ ଆଉ କେତେ ଲୋକ ସହି ନପାରି ନିଜର ଜୀବନ ଦେବାକୁ ମଧ୍ୟ ପାଛାଇ ନଥାନ୍ତି  । ଏମିତି ଏକ ଘଟଣା ଘଟିଛି ମାଲକାନଗିରି ଜିଲ୍ଲାରେ । ଜାହା ଜାଣିଲେ ଆପଣ ମଧ୍ୟ ଆଚମ୍ବିତ ହେବେ ଯେ ମଣିଷ କଣ ଏମିତି କରିପାରେ । 

ମାଲକାନଗିରି ଜିଲ୍ଲାର ଏମ୍ଭି ୯ ଗ୍ରାମର ଅସୀମ ହାଲଦର ବଡ ଆଡମ୍ବର ସହ କମଳାଙ୍କୁ (ଛଦ୍ମନାମ) ବିବାହ କରିଥିଲେ । ଭାବିଥିଲେ ଜିବନର ଚଲା ପଛରେ ସାଥିଟିଏ ମିଳିଗଲା ଓ ଜୀବନ ଅତି ଖୁସିର ସହ କଟିବ । ବିବାହର କିଛିଦିନ ଠିକଠାକ ଚାଲିଲା , ମାତ୍ର ଅଚାନକ ଦିନେ ଏପରି ଖବର ଆସିଲା ଜାହା ଜଣିବାପରେ ଅସୀମଙ୍କ ହୋସ ଉଡିଗଲା । ସେ ଜାଣିବାକୁ ପାଇଥିଲେ ଯେ ତାଙ୍କ ସ୍ତ୍ରୀ ଅନ୍ୟ ଜଣେ ଯୁବକକୁ ଭଲ ପାଉଛି  ଓ ତା ସହିତ ଘରୁ ଛାଡି ଚାଲିଯାଇଛି । ଏହା ଜାଣିବା ପରେ ସେ କଣ କରିବେ କିଛି ବୁଝି ପାରିଲେ ନାହିଁ ।  ପରେ ଘର ଲେକଙ୍କସହ ଆଲେଚନା ପରେ ଗାଁ ଲୋକେ କମାଳା ଓ ଅସୀମଙ୍କୁ ଆଣି ଘଟଣା ର ମିମାଂସା କରିଥିଲେ । ଉଭୟ ଭଲରେ ରହିବା ପାଇଁ ପ୍ରତିଶୃତି ମଧ୍ୟ ଦେଇଥିଲେ । ମାତ୍ର କିଛି ଦିନ ପରେ କମଳା ପୁଣି ସେହି ଯୁବକ କଥାରେ ପଡି ତା ସହିତ ପ୍ରେମ ସମ୍ପର୍କ ରଖିଥିଲେ ଓ ପରେ ସେହି ଯୁବକସହ ଫେରାର ହୋଇଯାଇଥିଲେ । ଥରେ ନିଜ ସ୍ତ୍ରୀ ପାଖରୁ ଧୋକା ଖାଇଥିବା ଅସୀମ ପୁଣି ଥରେ ପ୍ରତାରଣାର ଏହି ମାଡ଼କୁ ସହି ପାରିନଥିଲେ । ନିଜ ସ୍ତ୍ରୀ ଅନ୍ୟ ପୁରୁଷ ସହ ଫେରାର ହୋଇଯିବା ପରେ ନିଜର ମାନସିକ ସନ୍ତୁଳନ ହରାଇ ବିଷ ପିଇଦେଇଥିଲେ ଅସୀମ ।  ଅସୀମ ବିଷ ଖାଇଦେଇଥିବା ଜାଣିବାପରେ ତାଙ୍କ ପରିବାର ଲୋକ ସଙ୍ଗେ ସଙ୍ଗେ ତାଙ୍କୁ ମେଡିକାଲକୁ ନେଇଥିଲେ ମାତ୍ର ସେତେ ବେଳକୁ ତାଙ୍କର ମୃତ୍ୟୁ ଘଟିସାରିଥିଲେ । ପରିବାର ଲେକଙ୍କ କହିବା ଅନୁସାରେ ନିଜ ସ୍ତ୍ରୀ ର ଏଭଳି କାଣ୍ଡ କୁ ସହ୍ୟ କରି ନ ପାରି ସମାଜରେ ଲୋକ ଲଜ୍ଜା ଯୋଗୁ ଅସୀମ ଏଭଳି କରିଛନ୍ତି  । ତେବେ ଏନେଇଥାନାରେ ଅସୀମଙ୍କ ପରିବାର ପକ୍ଷରୁ ଏତଲା ଦିଆଯାଇଛି ।