୧୫ ଦିନରେ ଟିମ ଇଣ୍ତିଆରେ ଡେବ୍ୟୁ କଲେ ଏହି ୪ ଖେଳାଳି, ଜାଣନ୍ତୁ କିଏ ରହିଲା ହିଟ୍ କିଏ ହେଲା ଫ୍ଲପ୍

ଭାରତ ଓ ଆୟର୍ଲାଣ୍ଡ ମଧ୍ୟରେ ପ୍ରଥମ ଟି -20 ଶୁକ୍ରବାର ଦିନ ଖେଳାଯାଇଥିଲା । ପ୍ରଥମ ମ୍ୟାଚରେ ଟିମ୍ ଇଣ୍ଡିଆ ଚମତ୍କାର ବିଜୟ ହାସଲ କରିଛି। କ୍ୟାପଟେନ୍ ଜସପ୍ରୀତ ବୁମରାଙ୍କୁ ମ୍ୟାନ୍ଅଫ୍ ଦି ମ୍ୟାଚ୍ ଘୋଷଣା କରାଯାଇଛି ।

ଏହି ଟି -20 ମ୍ୟାଚରେ ଆଇପିଏଲର ଷ୍ଟାର ପ୍ଲୋୟାର ରିଙ୍କୁ ସିଂ ଡେବ୍ୟୁ କରିଛନ୍ତି । ଗତ ୧୫ ଦିନ ମଧ୍ୟରେ ମୋଟ ୪ ଜଣ ଖେଳାଳି T-20 ଡେବ୍ୟୁ କରିଛନ୍ତି ।

ତିଲକ ବର୍ମା ଓ ମୁକେଶ କୁମାର ଚଳିତ ମାସ ଅଗଷ୍ଟ ୩ ତାରିଖରେ ଭାରତ ପାଇଁ ଡେବ୍ୟୁ କରିଥିଲେ। ଘରୋଇ କ୍ରିକେଟରେ ଉଭୟ ଖେଳାଳି ଚମତ୍କାର ପ୍ରଦର୍ଶନ କରିଛନ୍ତି । ଆଇପିଏଲରେ ତିଲକ ଭଲ ଇନିଂସ ଖେଳିଥିଲେ । 

ୱେଷ୍ଟଇଣ୍ଡିଜ୍ ବିପକ୍ଷ ପ୍ରଥମ ଟି -20 ମ୍ୟାଚରେ ମୁକେଶ କୁମାର ନିଜର ଟି -20 ଡେବ୍ୟୁ କରିଥିଲେ। ଏଥିରେ ସେ ୩ ଓଭର ବୋଲିଂ କରିଥିଲେ। କିନ୍ତୁ ସେ କୌଣସି ୱିକେଟ୍ ହାସଲ କରିପାରିନଥିଲେ। ଅନ୍ୟପଟେ ସେ ୧ ବଲରେ ୧ ରନ୍ ସ୍କୋର କରିବା ପରେ ଅପରାଜିତ ରହିଥିଲେ। ୱେଷ୍ଟଇଣ୍ଡିଜ ଏହି ମ୍ୟାଚକୁ ୪ ରନରେ ଜିତିଥିଲା।

ଏହି ମ୍ୟାଚରେ ତିଲକ ବର୍ମା ମଧ୍ଯ ନିଜର ଡେବ୍ୟୁ କରିଥିଲେ। ପ୍ରଥମ ମ୍ୟାଚରୁ ହିଁ ବେଶ ପ୍ରସଂଶା ସାଉଁଟିଛନ୍ତି ତିଲକ। ଏହି ମ୍ୟାଚରେ ସେ ଦଳ ପାଇଁ ସର୍ବାଧିକ ରନ୍ ସ୍କୋର କରିଥିଲେ।

ୟଶସ୍ବୀ ଜୈସୱାଲ ମଧ୍ୟ ଚଳିତ ମାସରେ ଟିମ୍ ଇଣ୍ଡିଆ ପାଇଁ ଡେବ୍ୟୁ କରିଥିଲେ। ତାଙ୍କୁ ୱେଷ୍ଟଇଣ୍ଡିଜ ବିପକ୍ଷ ପ୍ରଥମ ଟି -20 ମ୍ୟାଚରେ ସୁଯୋଗ ମିଳିନଥିଲା। ସେ ତୃତୀୟ ଟି -20 ମ୍ୟାଚ୍‌ରେ ଡେବ୍ୟୁ କରିପାରନ୍ତି । ତେବେ ଡେବ୍ୟୁ ମ୍ୟାଚ୍ ତାଙ୍କ ପାଇଁ ଭଲ ନଥିଲା। ୨ଟି ବଲରେ ମାତ୍ର ୧ ରନ୍ କରି ସେ ଆଉଟ ହୋଇଯାଇଥିଲେ ।

ଏହି ମାସରେ ଡେବ୍ୟୁ କରିଥିବା ଚତୁର୍ଥ ଖେଳାଳି ହେଉଛନ୍ତି ଆଇପିଏଲର ଷ୍ଟାର ଖେଳାଳି ରିଙ୍କୁ ସିଂ। ଆଇପିଏଲରେ ତାଙ୍କର ଚମତ୍କାର ପ୍ରଦର୍ଶନ ଯୋଗୁଁ ତାଙ୍କୁ ଟିମ୍ ଇଣ୍ଡିଆରେ ସ୍ଥାନ ମିଳିଥିଲା । ପରେ ତାଙ୍କୁ ଆୟର୍ଲାଣ୍ଡ ବିପକ୍ଷ ସିରିଜରେ ଖେଳିବାକୁ ସୁଯୋଗ ମିଳିଥିଲା। କିନ୍ତୁ ରିଙ୍କୁ ସିଂଙ୍କୁ ଏଥିରେ ବ୍ୟାଟିଂ ଲାଗି ସୁଯୋଗ ମିଳିନଥିଲା। ବର୍ଷା ହେତୁ ଏହି ମ୍ୟାଚ୍ କେବଳ ୬.୫ ଓଭର ପର୍ଯ୍ୟନ୍ତ ଖେଳାଯାଇଥିଲା ।