Guava Side Effects: ଫାଇଦା ସହ ଶରୀରକୁ ପହଞ୍ଚାଇଥାଏ କ୍ଷତି, ଏହି ସମୟରେ ଆଦୌ ଖାଆନ୍ତୁ ନାହିଁ ପିଜୁଳି

ହାଇପୋଗ୍ଲାଇସେମିଆ ରୋଗରେ ପୀଡି଼ତ ଲୋକଙ୍କୁ ପିଜୁଳି ଠାରୁ ଦୂରରେ ରହିବାକୁ ପରାମର୍ଶ ଦିଆଯାଇଥାଏ । ହାଇପୋଗ୍ଲାଇସେମିଆରେ ପୀଡ଼ିତ ବ୍ୟକ୍ତିଙ୍କ ଶରୀରରେ ରକ୍ତର ଶର୍କରା ସ୍ତର କମ୍ ରହିଥାଏ ।  ଯଦିଓ ମଧୁମେହ ରୋଗୀଙ୍କ ପିଜୁଳି ଖାଇବାକୁ ପରାମର୍ଶ ଦିଆଯାଇଥାଏ, କିନ୍ତୁ ହାଇପୋଗ୍ଲାଇସେମିଆର ପୀଡ଼ିତ ଲୋକମାନେ ପିଜୁଳି ଖାଇବା ଉଚିତ୍ ନୁହେଁ ।

ସାଧାରଣତଃ ପିଜୁଳି ଥଣ୍ତା ହୋଇଥାଏ । ତେଣୁ ଥଣ୍ତା ଓ ଜ୍ବର ହେବା ସମୟରେ ପିଜୁଳି ଖାଇବା ଉଚିତ୍ ନୁହେଁ ।

ଅସ୍ତ୍ରୋପଚାର କରାଇଥିବା ବ୍ୟକ୍ତି ପିଜୁଳି ଖାଇବା ଉଚିତ୍ ନୁହେଁ । ପିଜୁଳି ଖାଇବା ଦ୍ବାରା ଶରୀରରେ କ୍ଷତ ଶୀଘ୍ର ଭଲ ହୋଇନଥାଏ । ଏପରି ସ୍ଥିତିରେ ପିଜୁଳି ଖାଇଲେ ଏହା ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ ।

ପେଟ ସମ୍ବନ୍ଧୀୟ ସମସ୍ୟା ଥିଲେ ପିଜୁଳି ଖାଇବା ଅନୁଚିତ୍ । ଏହି ସମୟରେ ପିଜୁଳି ଖାଇବା ଦ୍ବାରା ବାନ୍ତି, ପେଟ ବ୍ୟଥା, ଗ୍ୟାସ ଆଦି ସମସ୍ୟା ଦେଖାଦେଇଥାଏ ।

ସ୍ତନ୍ୟପାନ କରାଉଥିବା ଓ ଗର୍ଭବତୀ ମହିଳା ପିଜୁଳି ଖାଇବା ଉଚିତ୍ ନୁହେଁ।