Indian Railway History: କେବେ ଆରମ୍ଭ ହୋଇଥିଲା ପ୍ରଥମ ରେଳସେବା ଓ ପ୍ରଥମ ଷ୍ଟେସନ, ଜାଣନ୍ତୁ କିଛି ରୋଚକ ତଥ୍ୟ

ଭାରତର ପ୍ରଥମ ଟ୍ରେନ ୧୮୩୭ ମସିହାରେ ରେଡ ହିଲ୍ସରୁ ଚିନ୍ତାଦ୍ରିପଟ ପୁଲ ପର୍ଯ୍ୟନ୍ତ ୨୫ କିମି ପର୍ଯ୍ୟନ୍ତ ପ୍ରଥମେ ଯାତ୍ରା ଆରମ୍ଭ ହୋଇଥିଲା। ଏହି ରେଳସେବାର ନିର୍ମାଣର ଶ୍ରେୟ ସାର୍ ଆର୍ଥର୍ କାଟନଙ୍କୁ ଦିଆଯାଇଥିଲା । ଯଦିଓ ଦେଶର ପ୍ରଥମ ଟ୍ରେନ୍ ୧୬ ଏପ୍ରିଲ ୧୮୫୩ ରେ ବୋରୀ ବନ୍ଦର (ମୁମ୍ବାଇ) ଏବଂ ଥାନେ ମଧ୍ୟରେ ସାଧାରଣ ପରିବହନ ପାଇଁ ବ୍ୟବହୃତ ହୋଇଥିଲା । ସେହିପରି ଏଥିରେ ପ୍ରଥମ ଥର ପାଇଁ ୪୦୦ ଜଣ ଯାତ୍ରୀ ଯାତାୟତ କରିଥିଲେ, ସେତେବେଳେ ଏହି ଦିନକୁ ଏକ ସାଧାରଣ ଛୁଟି ଭାବେ ଘୋଷଣା କରାଯାଇଥିଲା।

ଦିବ୍ରୁଗଡରୁ କନ୍ୟାକୁମାରୀ ଯାଏଁ  ବିବେକ ଏକ୍ସପ୍ରେସ ପ୍ରାୟ ପ୍ରଥମେ ୪ ହଜାର ୨୮୬ କିମି ଦୂରତା ପର୍ଯ୍ୟନ୍ତ ଧାର୍ଯ୍ୟ କରାଯାଇଥିଲା।ଏହି ଦୂରତା ଅତିକ୍ରମ କରିବାକୁ ଟ୍ରେନ୍ ୮୨ ଘଣ୍ଟା ୩୦ ମିନିଟ୍ ସମୟ ଲାଗିଥିଲା । ଏହି ଦୂରତା ଅତିକ୍ରମ କରିବା ପାଇଁ ଏହି ଟ୍ରେନ୍ କୁ ପ୍ରାୟ ୫୭ ଟି ଷ୍ଟେସନରେ ଅଟକିଥାଏ। ଏହା ହେଉଛି ଦେଶର ଦୀର୍ଘତମ ରେଳ ମାର୍ଗ।

ଦେଶର ପ୍ରଥମ ରେଳ ଟ୍ରାକ୍ ୨୧ ଅଗଷ୍ଟ ୧୮୪୭ରେ ନିର୍ମାଣ ହୋଇଥିଲା। ଏହି ଟ୍ରାକର ଲମ୍ବ ୫୬କିଲୋମିଟର ଥିଲା।ଏହି ରେଳ ଟ୍ରାକ୍ ନିର୍ମାଣ କରିଥିବା ଏହି ଜେମ୍ସ ଜନ୍ ବରେଲି ମୁଖ୍ୟ ଇଞ୍ଜିନିୟର ଥିଲେ । ୧୮୫୩ ମସିହାରେ, ଏହି ଟ୍ରାକରେ ପ୍ରଥମ ଯାତ୍ରୀବାହୀ ଟ୍ରେନ୍ କୁ ଚଳାଚଳ କରାଗଲା।

ସବୁଠାରୁ ବଡ ରେଲୱେ ଜଙ୍କସନ କଥା ଯଦି ପଡେ ତେବେ ତାହା ହେଉଛି ମଥୁରା ଜଙ୍କସନ। ମଥୁରା ଜଙ୍କସନରୁ ୭ ଟି ରେଲୱେ ମାର୍ଗ ବାହାରିଥାଏ। ମଥୁରାରୁ ଦେଶର ପ୍ରମୁଖ ସହରକୁ ରେଳସେବା ସଂଯୋଗ ରହିଥାଏ ଏହାସହ ୧୦ ଟି ପ୍ଲାଟଫର୍ମ ରହିଥାଏ।

ମୁମ୍ବାଇର ବୋରୀ ବନ୍ଦରରେ ଭାରତର ପ୍ରଥମ ରେଳ ଷ୍ଟେସନ ରହିଥିଲା। ଦେଶର ପ୍ରଥମ ଟ୍ରେନ୍ ୧୮୫୩ ମସିହାରେ ବୋରୀ ବନ୍ଦର୍ ଠାରୁ ଥାଣେ ପର୍ଯ୍ୟନ୍ତ ଚଳାଚଳ କରିଥିଲା ​​। ଏହି ଷ୍ଟେସନ୍ ୧୮୮୮ରେ ଭିକ୍ଟୋରିଆ ଟର୍ମିନାସ୍ ଭାବରେ ବିକଶିତ ହୋଇଥିଲା।