Lady Finger Benefits​: ଯଦି ଆପଣଙ୍କର ଅଛି ଦୃଷ୍ଟି ଶକ୍ତି ସମସ୍ୟା, ତେବେ ଏହି ଖାଆନ୍ତୁ ଭେଣ୍ଡି, ଜାଣନ୍ତୁ ସେବନର ସଠିକ୍ ଉପାୟ

Bhendi Ra Labha: ଆଜିକାଲି ନବଜାତ ଶିଶୁଠାରୁ ଆରମ୍ଭ କରି ବୃଦ୍ଧ ପର୍ଯ୍ୟନ୍ତ ଆଖି ସମସ୍ୟା ଦେଇ ଗତି କରୁଛନ୍ତି । ଆଖି (Eye) ଆମ ଶରୀରର ଏକ ଗୁରୁତ୍ୱପୂର୍ଣ୍ଣ ଅଙ୍ଗ, ଏହା ବିନା ଜୀବନ ଅତ୍ୟନ୍ତ କଷ୍ଟସାଧ୍ୟ ହୋଇଯାଏ । ତେଣୁ ଆଖିର ସୁରକ୍ଷା ପାଇଁ ଆମେ ସମସ୍ତ ସମ୍ଭାବ୍ୟ ପଦକ୍ଷେପ ଗ୍ରହଣ କରିବା ଜରୁରୀ, ନଚେତ୍ ଆମକୁ ଭବିଷ୍ୟତରେ କଷ୍ଟ ସହିବାକୁ ପଡ଼ିବ । ଅନେକ ଥର ଅସ୍ୱାସ୍ଥ୍ୟକର ଖାଦ୍ୟ ଅଭ୍ୟାସ ଯୋଗୁଁ ଆଖିର ଦୃଷ୍ଟି ଶକ୍ତି କମ୍ (Weak Eyesight) ହେବାକୁ ଲାଗିଥାଏ । ଭାରତର ପ୍ରସିଦ୍ଧ ପୁଷ୍ଟିକର ବିଶେଷଜ୍ଞ 'ନିଖିଲ ବତ୍ସ' ZEE NEWS କୁ କହିଛନ୍ତି ଯେ, ସବୁଜ ପନିପରିବା ଖାଇବା ଦ୍ୱାରା ଦୃଷ୍ଟି ଶକ୍ତି ଉନ୍ନତ ହୋଇପାରିବ ।

ଆମେ ଭଣ୍ଡି (Lady Finger) ବିଷୟରେ କହୁଛୁ । ଭେଣ୍ଡି (Bhendi) ଏପରି ଏକ ପନିପରିବା ଯାହା ଆମ ଘରେ ପ୍ରାୟତଃ ରୋଷେଇ କରାଯାଇଥାଏ । ଭେଣ୍ଡି ପୁଷ୍ଟିକର ଖାଦ୍ୟରେ ପରିପୂର୍ଣ୍ଣ ଓ ଆଖିର ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ବୋଲି ମନେ କରାଯାଏ । ଏଥିରେ ଜିଆକ୍ସାଣ୍ଟିନ୍ ଓ ଲ୍ୟୁଟିନ୍ ମିଳିଥାଏ, ଯାହା ବିଟା କାରୋଟିନର ଏକ ସମୃଦ୍ଧ ଉତ୍ସ ଅଟେ । ଏହା ବ୍ୟତୀତ ଭିଟାମିନ୍ ଏ ସାହାଯ୍ୟରେ ସାଧାରଣ ଚକ୍ଷୁ ସମସ୍ୟା ଦୂର ହୋଇପାରିବ । ଯଦି ବୃଦ୍ଧମାନେ ଭେଣ୍ଡିକୁ ସେମାନଙ୍କର ଦୈନନ୍ଦିନ ଖାଦ୍ୟରେ ଅନ୍ତର୍ଭୁକ୍ତ କରନ୍ତି । ତେବେ ମୋତିଆବିନ୍ଦୁ ମଧ୍ୟ ରୋକାଯାଇପାରିବ ।

ଭେଣ୍ଡିକୁ ଆମେ ଭାତ ଓ ରୁଟି ସହ ଏକ ଶୁଖିଲା ତରକାରୀ କିମ୍ବା ଗ୍ରେଭି ରେସିପି ଭାବରେ ଖଇଥାଉ, ଯାହା ସ୍ୱାଦରେ ବହୁତ ସ୍ୱାଦିଷ୍ଟ । କିନ୍ତୁ ଯଦି ଆପଣ ଏହି ସବୁଜ ପନିପରିବାର ସମ୍ପୂର୍ଣ୍ଣ ଲାଭ ପାଇବାକୁ ଚାହାଁନ୍ତି, ତେବେ ଏଥିପାଇଁ ଆପଣ ନିମ୍ନରେ ଉଲ୍ଲେଖ କରାଯାଇଥିବା ପଦ୍ଧତିଗୁଡିକ ଅନୁସରଣ କରିବା ଆବଶ୍ୟକ ।

୧. ଆପଣ ପ୍ରତିଦିନ ସକାଳେ ଉଠି କଞ୍ଚା ଭେଣ୍ଡି ଖାଆନ୍ତୁ, ଯାହା ଆପଣଙ୍କ ଦୃଷ୍ଟି ଶକ୍ତିରେ ଉନ୍ନତି ଆଣିବାରେ ସାହାଯ୍ୟ କରିବ । କିନ୍ତୁ ମନେରଖନ୍ତୁ ଯେ ଭେଣ୍ଡିକୁ ଉଷୁମ ପାଣିରେ ଭଲ ଭାବରେ ସଫା କରନ୍ତୁ, ଏହା ଦ୍ୱାରା ଜୀବାଣୁ ବିପଦ କମିଯାଏ ।

୨. ଯଦି ଆପଣ ପ୍ରତିଦିନ ଖାଲି ପେଟରେ ୨ରୁ ୩ ଛୋଟ ଆକାରର ଭେଣ୍ଡି ଖାଆନ୍ତି, ତେବେ ଏହା ଦୃଷ୍ଟି ଶକ୍ତି ବୃଦ୍ଧି ସହିତ ଓଜନ ହ୍ରାସ କରିବାରେ ସାହାଯ୍ୟ କରିବ ।

୩. ଭେଣ୍ଡି ଶୁଖାଇ ଏହାର ପାଉଡର ପ୍ରସ୍ତୁତ କରନ୍ତୁ ଓ ଏହି ପାଉଡରକୁ ଏକ ଗ୍ଲାସ କ୍ଷୀରରେ ମିଶାଇ ପିଅନ୍ତୁ, ଏହାର ପ୍ରଭାବ କିଛି ଦିନ ମଧ୍ୟରେ ଦେଖାଯିବ ।

ଅଧିକ ପଢ଼ନ୍ତୁ-ବୁଧଙ୍କ ରାଶିରେ ଗୋଚର କରିବେ ଶୁକ୍ର ଗ୍ରହ, ଏହି ୩ଟି ରାଶି ଉପରେ ବର୍ଷିବ ବିପୁଳ ଧନ!

ଅଧିକ ପଢ଼ନ୍ତୁ-ସରକାରୀ କର୍ମଚାରୀଙ୍କ ପାଇଁ ଖୁସି ଖବର: ସରକାର କଲେ ବଡ଼ ଘୋଷଣା, ୪ ପ୍ରତିଶତ ବଢ଼ିଲା ମହଙ୍ଗା ଭତ୍ତା, ଆକାଉଣ୍ଟକୁ ଆସିବ ମୋଟା ଅଙ୍କର ଟଙ୍କା

ଅଧିକ ପଢ଼ନ୍ତୁ-କେନ୍ଦ୍ର ସରକାର ନେଲେ ବଡ଼ ନିଷ୍ପତ୍ତି; ବର୍ତ୍ତମାନ ବଢ଼ିବ ପେନସନ ଓ ଦରମା, କର୍ମଚାରୀଙ୍କ ଲାଗିଲା ଲଟେରୀ!

୪. ଆପଣ କିଛି ଭେଣ୍ଡିକୁ କାଟି ଏହାକୁ ରାତିରେ ଏକ ପାତ୍ରରେ ଭିଜାଇ ସକାଳେ ଜଳଖିଆରେ ଖାଆନ୍ତୁ ଓ ଏହାର ପାଣି ପିଅନ୍ତୁ ।

(Disclaimer: ଏଠାରେ ଦିଆଯାଇଥିବା ସୂଚନା ଘରୋଇ ଉପଚାର ଓ ସାଧାରଣ ସୂଚନା ଉପରେ ଆଧାରିତ । ଏହାକୁ ଗ୍ରହଣ କରିବା ପୂର୍ବରୁ ଡାକ୍ତରୀ ପରାମର୍ଶ ନେବା ଆବଶ୍ୟକ । ZEE ODISHA NEWS ଏହାକୁ ନିଶ୍ଚିତ କରେ ନାହିଁ।)