Health Tips: ପୁରୁଷଙ୍କଠାରେ ସବୁଠୁ ଅଧିକ ହୋଇଥାଏ ଏହି କ୍ୟାନସର, ଜାଣନ୍ତୁ ଏହାର ଲକ୍ଷଣ ଓ ପ୍ରତିରୋଧକ

Prostate Cancer: କ୍ୟାନସର ରୋଗର ନାମ ଶୁଣିବା ମାତ୍ରେ ଆମ ମନରେ ଚିନ୍ତାର ଲହରୀ ଚାଲିଥାଏ, କିନ୍ତୁ ଆପଣ ଜାଣନ୍ତି କି ପୁରୁଷମାନଙ୍କ ମଧ୍ୟରେ ସବୁଠାରୁ ଅଧିକ କେଉଁ କ୍ୟାନସର ହୋଇଥାଏ? ଏହାର ଉତ୍ତର ହେଉଛି ପ୍ରୋଷ୍ଟେଟ କ୍ୟାନସର। ପ୍ରୋଷ୍ଟେଟ କ୍ୟାନସର, ଯାହା ପୁରୁଷମାନଙ୍କର ପ୍ରୋଷ୍ଟେଟ ଗ୍ରନ୍ଥିରେ ଦେଖାଯାଏ।

ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଏବଂ ବିଭିନ୍ନ କ୍ୟାନସର ରିସର୍ଚ୍ଚ ଏଜେନ୍ସି ଅନୁଯାୟୀ ଯଦି ଆମେ ପରିସଂଖ୍ୟାନ ବିଷୟରେ ଆଲୋଚନା କରିବା, ପ୍ରୋଷ୍ଟେଟ କ୍ୟାନସର ବିଶ୍ୱର ପୁରୁଷମାନଙ୍କ ମଧ୍ୟରେ ସବୁଠାରୁ ଅଧିକ ଦେଖିବାକୁ ମିଳିଥାଏ। ପ୍ରତିବର୍ଷ ଲକ୍ଷ ଲକ୍ଷ ପୁରୁଷ ଏହି କ୍ୟାନସର ରୋଗର ଶିକାର ହୁଅନ୍ତି ଏବଂ ଏହି ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି।

ପରିସ୍ରା କରିବା ସମୟରେ ଯଦି ଆପଣ ଅସୁବିଧାର ସମ୍ମୁଖୀନ ହେଉଛ, ଯେପରିକି ଆପଣ ପରିସ୍ରା କରିବାକୁ ଚେଷ୍ଟା କରିବାକୁ ଚାହୁଁଛନ୍ତି ଓ ପରିସ୍ରା କମ୍ ଆସୁଛି, କିମ୍ବା ପରିସ୍ରା କରିବାକୁ ରାତିରେ ବାରମ୍ବାର ଉଠିବାକୁ ପଡୁଛି, ତେବେ ଏହା ଧ୍ୟାନ ଦେବାର ବିଷୟ ଅଟେ।

ବେଳେବେଳେ ପରିସ୍ରା କରିବା ସମୟରେ ଅଟକିଯିବା ବା ହଠାତ୍ ପରିସ୍ରା ବନ୍ଦ ହୋଇଯିବା, ପରିସ୍ରାରେ ରକ୍ତ, ଅଣ୍ଟା ତଳେ କିମ୍ବା ଜଙ୍ଘ ମଧ୍ୟରେ ଯନ୍ତ୍ରଣା, ଯୌନ ସମ୍ପର୍କ କରିବାରେ ଅସୁବିଧା, ଓଜନ ହ୍ରାସ ଏବଂ ସର୍ବଦା ଥକ୍କା ଅନୁଭବ କରିବା ଏହାର କିଛି ଲକ୍ଷଣ ଅଟେ।

ଏହି ସମସ୍ତ ଲକ୍ଷଣ କିଛି ସମସ୍ୟା କିମ୍ବା ଅନ୍ୟ ଆଡକୁ ସୂଚାଇଥାଏ, ତେଣୁ ଯଦି ଏହି ଲକ୍ଷଣଗୁଡିକ ଯଦି ଦେଖାଯାଏ ତେବେ ଡାକ୍ତରଙ୍କ ଦ୍ୱାରା ଯାଞ୍ଚ କରିନେବା ଅତ୍ୟନ୍ତ ଜରୁରୀ ଅଟେ।

ପ୍ରୋଷ୍ଟେଟ କ୍ୟାନସର ପରୀକ୍ଷଣର ଦୁଇଟି ମୁଖ୍ୟ ପ୍ରକାର ଅଛି: ପ୍ରୋଷ୍ଟେଟ-ସ୍ପେସିଫିକ୍ ଆଣ୍ଟିଜେନ୍ (PSA) ଟେଷ୍ଟ ଏବଂ ଡିଜିଟାଲ୍ ରେକ୍ଟାଲ୍ ଟେଷ୍ଟ (DRE)। PSA ଟେଷ୍ଟ ରକ୍ତରେ PSA ର ପରିମାଣ ମାପ କରିଥାଏ, ଯାହା ପ୍ରୋଷ୍ଟେଟ ଗ୍ରନ୍ଥି ଦ୍ୱାରା ନିର୍ମିତ ହୋଇଥାଏ।