Uniform Civil Code: ସମାନ ନାଗରିକ ସଂହିତାକୁ ନେଇ ପ୍ରଧାନମନ୍ତ୍ରୀ ମୋଦିଙ୍କୁ ଜବାବ ମାଗିଲେ ଅସାଦୁଦ୍ଦିନ ଓୱେସୀ

Asaduddin Owaisi targets BJP: ସମାନ ନାଗରିକ ସଂହିତା ଲାଗୁ କରିବା ପ୍ରସଙ୍ଗରେ ବିଜେପି ବିରୋଧରେ ବର୍ଷିଛନ୍ତି ଏଆଇଏମଆଇଏମ ଅଧ୍ୟକ୍ଷ।

AIMIM Chief Asaduddin Owaisi: ରାଜ୍ୟରେ ସମାନ ନାଗରିକ ସଂହିତା ଲାଗୁ କରିବାକୁ ନେଇ ଏକ କମିଟି ଗଠନ କରିବାକୁ ନିଷ୍ପତ୍ତି ନେଇଛନ୍ତି ଗୁଜରାଟ ସରକାର। ହେଲେ ଏହି ନିଷ୍ପତ୍ତିକୁ ସମାଲୋଚନା କରିଛନ୍ତି ଏଆଇଏମଆଇଏମ ଅଧ୍ୟକ୍ଷ ଅସାଦୁଦ୍ଦିନ ଓୱେସି। ଚଳିତ ବର୍ଷ ଅନୁଷ୍ଠିତ ହେଉଥିବା ଗୁଜୁରାଟ ବିଧାନସଭା ନିର୍ବାଚନରେ ​​ଭୋଟ୍ ହାସଲ କରିବା ଏବଂ ହିନ୍ଦୁତ୍ୱ ଏଜେଣ୍ଡା ଆଗକୁ ବଢାଇବାକୁ ବିଜେପି ସମାନ ନାଗରିକ ସଂହିତା ପ୍ରସଙ୍ଗ ଉଠାଉଛି ବୋଲି କହିଛନ୍ତି ଏଆଇଏମଆଇଏମ ଅଧ୍ୟକ୍ଷ।

ଗତ ଶନିବାର ଆୟୋଜିତ ହୋଇଥିଲା ଗୁଜୁରାଟ କ୍ୟାବିନେଟ ବୈଠକ (Gujarat Cabinet Meeting)।ଏହି ବୈଠକରେ ସମାନ ନାଗରିକ ସଂହିତା ଲାଗୁ କରିବା ପାଇଁ ଏକ କମିଟି ଗଠନ କରିବାକୁ ଆଗତ ହୋଇଥିବା ପ୍ରସ୍ତାବକୁ ଅନୁମୋଦନ କରାଯାଇଥିଲା। ଆସନ୍ତା ସପ୍ତାହରେ ଗୁଜରାଟ ବିଧାନସଭା ନିର୍ବାଚନ ୨୦୨୨ ତାରିଖ ଘୋଷଣା କରିବେ ନିର୍ବାଚନ ଆୟୋଗ। ହେଲେ ଏହା ପୂର୍ବରୁ  ଗୁଜୁରାଟ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲଙ୍କ (Gujarat CM Bhupendra Patel) ନେତୃତ୍ୱରେ ଆୟୋଜିତ ହୋଇଯାଇଛି ଶେଷ କ୍ୟାବିନେଟ ବୈଠକ। 

ସମାନ ନାଗରିକ ସଂହିତା (Uniform Civil Code) ୟୁସିସି (UCC) ଲାଗୁ କରିବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ଏଆଇଏମଆଇଏମ ଅଧ୍ୟକ୍ଷ ଅସାଦୁଦ୍ଦିନ ଓୱେସି (AIMIM Chief Asaduddin Owaisi)। ଏନେଇ ସେ କହିଛନ୍ତି ଯେ କେନ୍ଦ୍ରରେ କ୍ଷମତାସୀନ ମୋଦି ସରକାର (Modi Govt) ଦେଶର ସର୍ବୋଚ୍ଚ ନ୍ୟାୟାଳୟକୁ (Supre Court of India) କହିଛନ୍ତି ଯେ ୟୁସିସି ଲାଗୁ କରିବା ରାଜ୍ୟ ନୁହେଁ ବରଂ କେନ୍ଦ୍ର ସରକାରଙ୍କ ଅଧିକାର ପରିସରଭୂକ୍ତ। ବନସକଣ୍ଠା ଜିଲ୍ଲାର ବଡ଼ଗାମ ଠାରେ ଆୟୋଜିତ ହୋଇଥିବା ଏକ ନିର୍ବାଚନୀ ସଭାକୁ ସମ୍ବୋଧିତ କରିବା ବେଳେ ଏକଥା କହିଛନ୍ତି ପ୍ରଧାନମନ୍ତ୍ରୀ ମୋଦି (PM Modi)। କ'ଣ ଏହା ସତ ନୁହେଁ ଯେ, ଭାରତୀୟ ସମ୍ବିଧାନ (Indian Constitution) ପ୍ରଣେତା ଡକ୍ଟର ଭୀମରାଓ ଆମ୍ବେଦକର (Dr Bhimrao Ambedkar) କହିଛନ୍ତି ୟୁସିସି ବାଧ୍ୟତାମୂଳକ ନୁହେଁ ବରଂ ସ୍ୱେଚ୍ଛାକୃତ ହେବା ଆବଶ୍ୟକ। ବିଜେପି କେବଳ ହିନ୍ଦୁତ୍ୱ ଏଜେଣ୍ଡା (Hindutva Agenda of BJP) ସହିତ ଆଗକୁ ବଢିବାକୁ ଚାହୁଁଛି। ଭୋଟ୍ ପାଇବା ପାଇଁ ନିର୍ବାଚନ ପୂର୍ବରୁ ଏଭଳି ପ୍ରସଙ୍ଗ ଉଠାଉଛି ବୋଲି ଅଭିଯୋଗ ଆଣିଛନ୍ତି ଅସାଦୁଦ୍ଦିନ ଓୱେସି।

ଗତ ୨୦୧୮ ବର୍ଷରେ ଏକ ଆଇନ ଆୟୋଗ କହିଥିଲେ ଯେ ୟୁସିସି ଆବଶ୍ୟକ ନୁହେଁ କିମ୍ବା ବାଧ୍ୟତାମୂଳକ ନୁହେଁ। ଏଆଇଏମଆଇଏମ ଅଧ୍ୟକ୍ଷ ପଚାରିଛନ୍ତି ଯେ ଜଣେ ମୁସଲମାନ ପାଇଁ ବିବାହ ହେଉଛି ଏକ ଚୁକ୍ତି। ହେଲେ ଜଣେ ହିନ୍ଦୁଙ୍କ ପାଇଁ ଏହା ଚିରଦିନ ପାଇଁ ପରସ୍ପର ସହ ବାସ କରିବା ଏବଂ ଜଣେ ଖ୍ରୀଷ୍ଟିଆନଙ୍କ ପାଇଁ ଏହା ମୁଁ କରେ। ଏହା ହେଉଛି ଭାରତର ବହୁଳବାଦ। ଯାହା ଭାରତୀୟ ସମ୍ବିଧାନର ୨୫, ୨୬, ୧୪, ୧୯, ୨୦ ଧାରା ମାଧ୍ୟମରେ ସମ୍ଭବ ହୋଇପାରିଛି। ହେଲେ କେହି ସମାନ ନାଗରିକ ସଂହିତା ଅଧିନିୟମ କରି ଧାରା ୨୯ (ଯାହା ସଂଖ୍ୟାଲଘୁ ଗୋଷ୍ଠୀର ସ୍ୱାର୍ଥ ରକ୍ଷା କରେ) ବିରୋଧରେ ଆଇନ ପ୍ରଣୟନ କରିପାରିବ? ମୁଁ ପ୍ରଧାନମନ୍ତ୍ରୀ ମୋଦିଙ୍କୁ ପଚାରିବାକୁ ଚାହୁଁଛି ଯେ ହିନ୍ଦୁ ଅବିଭାଜିତ ପରିବାର ଅଧୀନରେ ଆୟକର ଛାଡରୁ ମୁସଲମାନ ଏବଂ ଖ୍ରୀଷ୍ଟିଆନ କାହିଁକି ବାଦ ପଡିଛନ୍ତି? କ'ଣ ଏହା ସମାନତା ଅଧିକାରର ଉଲଂଘନ ନୁହେଁ?

ୟୁସିସି ପ୍ରସଙ୍ଗରେ ଶନିବାର ଗୁଜୁରାଟ ଗୃହମନ୍ତ୍ରୀ ହର୍ଷ ସିଂଘବୀ (Gujarat Home Minister Harsh Sanghavi) ଏବଂ କେନ୍ଦ୍ରମନ୍ତ୍ରୀ ପୁରୁଷୋତ୍ତମ ରୁପାଲା (Union Minister Parshottam Rupala) ସରକାରଙ୍କ ନିଷ୍ପତ୍ତି ସମ୍ପର୍କରେ ଗଣମାଧ୍ୟମ ସୂଚନା ଦେଇଛନ୍ତି। ଏନେଇ କେନ୍ଦ୍ରମନ୍ତ୍ରୀ ରୁପାଲା କହିଛନ୍ତି ଏହି କମିଟି ଜଣେ ଅବସରପ୍ରାପ୍ତ ହାଇକୋର୍ଟ ବିଚାରପତିଙ୍କ ଦ୍ୱାରା ପରିଚାଳିତ ହେବ ଏବଂ ଏଥିରେ ତିନିରୁ ଚାରିଜଣ ସଦସ୍ୟ ରହିବେ। କମିଟି ସଦସ୍ୟ ଚୟନ କରିବାକୁ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲଙ୍କୁ ଅନୁମତି ଦେଇଛି ରାଜ୍ୟା କ୍ୟାବିନେଟ। ଗୁଜୁରାଟ ବିଧାନସଭା ନିର୍ବାଚନ (Gujarat Assembly Election 2022) ପାଇଁ ଆଦର୍ଶ ଆଚରଣ ବିଧି କାର୍ଯ୍ୟକାରୀ ହେବା ପୂର୍ବରୁ ଏହି କମିଟି ଗଠନ କରାଯିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ।