Jagmal Vala: ଆପ୍ ନେତାଙ୍କ ମଦପ୍ରେମ, 'ଡାକ୍ତର, ଆଇଏଏସ୍, ଆଇପିଏସ୍ ମଦ ପିଉଥିବା ବେଳେ ଗୁଜୁରାଟରେ ବ୍ୟାନ୍ କାହିଁକି?'

AAP Leader On Liqueur Ban: ଚଳିତ ବର୍ଷ ଶେଷରେ ଗୁଜୁରାଟ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏଭଳି ପରିସ୍ଥିତିରେ ଆମ୍ ଆଦମୀ ପାର୍ଟି ମଧ୍ୟ ଜିତିବାକୁ ଭରପୁର ଚେଷ୍ଟା କରୁଛି। ଏଭଳି ପରିସ୍ଥିତିରେ ବୁଧବାର ଜଣେ AAP ପ୍ରାର୍ଥୀ ମଦ୍ୟପାନ କରିବା ଏକ ଖରାପ ଜିନିଷ ନୁହେଁ ବୋଲି ଦାବି କରି ବିବାଦ ସୃଷ୍ଟି କରିଥିଲେ।

AAP Leader On Liqueur Ban: ଚଳିତ ବର୍ଷ ଶେଷରେ ଗୁଜୁରାଟ ରାଜ୍ୟରେ ବିଧାନସଭା ନିର୍ବାଚନ (Assembly Election) ଅନୁଷ୍ଠିତ ହେବ। ଏଭଳି ପରିସ୍ଥିତିରେ ଆମ୍ ଆଦମୀ ପାର୍ଟି (AAP) ମଧ୍ୟ ଜିତିବାକୁ ଭରପୁର ଚେଷ୍ଟା କରୁଛି। ଏଭଳି ପରିସ୍ଥିତିରେ ବୁଧବାର ଜଣେ AAP ପ୍ରାର୍ଥୀ ମଦ୍ୟପାନ (Drink) କରିବା ଏକ ଖରାପ ଜିନିଷ ନୁହେଁ ବୋଲି ଦାବି କରି ବିବାଦ ସୃଷ୍ଟି କରିଥିଲେ। ସୋମନାଥ ଆସନରୁ ଦଳର ପ୍ରାର୍ଥୀ ଜଗମାଲ ବାଲା (Jagmal Vala) କହିଛନ୍ତି ଯେ, କେବଳ ଗୁଜୁରାଟରେ ଏହା ନିଷେଧ ହୋଇଥିବା ବେଳେ ସାରା ବିଶ୍ୱରେ ଲୋକମାନେ ମଦ୍ୟପାନ କରୁଛନ୍ତି। ସେ କହିଛନ୍ତି, ବଡବଡ ଡାକ୍ତର, ଆଇଏଏସ୍ ଏବଂ ଆଇପିଏସ୍ ଅଧିକାରୀ ମଧ୍ୟ ମଦ୍ୟପାନ କରୁଛନ୍ତି ତେବେ ଗୁଜୁରାଟରେ ଏହା ଉପରେ ରୋକ କାହିଁକି।

ଜଗମାଲ ବାଲା କହିଛନ୍ତି ଯେ, ଗୁଜୁରାଟ ବ୍ୟତୀତ ସମଗ୍ର ଦେଶରେ ମଦ ଉପରେ କୋହଳ ରହିଛି, ତେଣୁ ମଦ୍ୟପାନ ଖରାପ ନୁହେଁ। ଯଦି ଆମେ ସମସ୍ତେ ମଦ୍ୟପାନ କରୁ ତେବେ ଏହା ଖରାପ ଅଟେ। ବାଲା ଆହୁରି କହିଛନ୍ତି ଯେ, ସାରା ବିଶ୍ୱରେ ମଦ୍ୟପାନ କରାଯାଏ। ୧୯୬ଟି ଦେଶରେ ମଦ୍ୟପାନ କରାଯାଉଛି। ଭାରତରେ ଗୁଜୁରାଟ ବ୍ୟତୀତ ସମସ୍ତ ରାଜ୍ୟରେ ମଦ ବିକ୍ରି ଏବଂ ବ୍ୟବହାର ଉପରେ କୌଣସି ପ୍ରତିବନ୍ଧକ ନାହିଁ। ତେଣୁ ମଦ୍ୟପାନ ଖରାପ ନୁହେଁ। AAP ନେତାଙ୍କ ଏହି ବୟାନ ହଇଚଇ ସୃଷ୍ଟି କରିଛି। ଏ ସମ୍ପର୍କରେ ଶାସନରେ ଥିବା ଭାରତୀୟ ଜନତା ପାର୍ଟି, ଗୁଜୁରାଟକୁ ବଦନାମ କରିବା ଏବଂ ମଦକୁ ପ୍ରୋତ୍ସାହନ ଦେଇଥିବା କାରଣରୁ ତାଙ୍କୁ କ୍ଷମା ମାଗିବାକୁ କହିଥିଲେ। AAP ନେତାଙ୍କ ବାଲାଙ୍କ ଅନୁଯାୟୀ, ବଡ ବଡ ଡାକ୍ତର (Doctor), ଆଇଏଏସ୍ (IAS) ଏବଂ ଆଇପିଏସ୍ (IPS) ଅଧିକାରୀ ମାନେ ମଦ୍ୟପାନ (Drunk) କରନ୍ତି। ତେବେ ମଦ୍ୟପାନର ଅତ୍ୟଧିକ ବ୍ୟବହାର (More Consume) ସ୍ୱାସ୍ଥ୍ୟ ପାଇଁ କ୍ଷତିକାରକ ବୋଲି AAP ନେତା ଚେତାବନୀ ମଧ୍ୟ ଦେଇଛନ୍ତି।

ଏଠାରେ କହିରଖୁଛୁ ଯେ, ଖୁବ ଶୀଘ୍ର ଗୁଜୁରାଟରେ ବିଧାନସଭା ନିର୍ବାଚନ ହେବାକୁ ଯାଉଛି। ୨୭ ବର୍ଷର ବିଜେପି ଶାସନକୁ ଶେଷ କରିବାକୁ ଆମ୍ ଆଦମୀ ପାର୍ଟି ସମସ୍ତ ଉଦ୍ୟମ କରୁଛି। ଦଳ ନିଜର ନେତା ମାନଙ୍କୁ ନିର୍ବାଚନ ଲଢେଇରେ ପ୍ରସ୍ତୁତ କରିବାକୁ ଲାଗିପଡିଛି। କିନ୍ତୁ ଦଳର ପ୍ରାର୍ଥୀ କହିଛନ୍ତି ଯେ ମଦ୍ୟପାନ କରିବା ଏକ ଖରାପ ଜିନିଷ ନୁହେଁ, ସାରା ବିଶ୍ୱରେ ଲୋକମାନେ ମଦ୍ୟପାନ କରନ୍ତି, କେବଳ ଗୁଜୁରାଟରେ ଏହା ନିଷେଧ କାହିଁକି? AAP ନେତା କହିଛନ୍ତି, କେବଳ ଗୁଜୁରାଟରେ ୬.୫ କୋଟି ଜନସଂଖ୍ୟା ଥିବା ବେଳେ ମଦ ଉପରେ ନିଷେଧାଦେଶ ଦିଆଯାଇଛି। ହେଲେ ସମଗ୍ର ଭାରତରେ ମଦ ଉପରେ କୌଣସି ରୋକ ଲଗାଯାଇ ନାହିଁ। ଏହା ପ୍ରମାଣ କରେ ଯେ ମଦ ଖରାପ ନୁହେଁ। ଗୁଜୁରାଟ ବିଜେପି ମୁଖପାତ୍ର ୟଗ୍ନେଶ ଦବେ ଏକ ଭିଡିଓ ଜାରି କରି ଜଗମାଲଙ୍କ ମନ୍ତବ୍ୟକୁ ବିରୋଧ କରି କହିଛନ୍ତି ଯେ, ଆପ ନେତା ଗୁଜୁରାଟକୁ ବଦନାମ କରିବାକୁ ଚେଷ୍ଟା କରୁଛନ୍ତି।