• ବିହାର ମୋତିହାରୀର ସିକରହନା ନଦୀରେ ବୁଡ଼ିଲା ଡଙ୍ଗା
  • ୨୧ ଯାତ୍ରୀ ନିଖୋଜ, ଜଣଙ୍କର ମୃତଦେହ ଉଦ୍ଧାର
  • ଲଗାଣ ବର୍ଷାରେ ଗଜପତି ଜିଲ୍ଲା ଗୁମ୍ମାରେ ଧସିଲା ପାହାଡ଼
  • ଅତିପ୍ରବଳ ବର୍ଷା ଓ ପବନ ଆଶଙ୍କାରେ ଦକ୍ଷିଣ ଓଡ଼ିଶା
  • ବାତ୍ୟା-‘ଗୁଲାବ’ ଆଜି ବିଳମ୍ବିତ ସଂଧ୍ୟାରେ ଆରମ୍ଭ ହେବ ଲ୍ୟାଣ୍ଡଫଲ୍‌ ପ୍ରକ୍ରିୟା
  • ଦିଲ୍ଲୀରୁ ୧୧ଟା ୩୦ରେ ବାତ୍ୟା ସ୍ଥିତିର ସମୀକ୍ଷା କଲେ CM ନବୀନ
  • କଟକ କାଳିଆବୁଦା ନିକଟରେ ମହାନଦୀକୁ ଡେଇଁ ଅଧ୍ୟାପକ ନିଖୋଜ
  • କଟକର ଯୋବ୍ରା ବ୍ୟାରେଜରେ ଏକ ମୃତ ହାତୀ ଠାବ
  • ବରଗଡ଼ ଥାନାରେ ଗୋବିନ୍ଦ କୁମ୍ଭାର ହାଜତ ମୃତ୍ୟୁ ଅଭିଯୋଗ
  • ଘଟଣାରେ ୪ ପୋଲିସ କର୍ମଚାରୀଙ୍କୁ ପୋଲିସ ରିଜର୍ଭ ଅଫିସକୁ ବଦଳି

'ଦିଦି'ଙ୍କୁ ପୁଣି ଲାଗିଲା ବଡ଼ ଝଟକା, ବିଜେପି ପାଇଁ ସହଜ ହେଲା ଲଢ଼େଇ!

ମଙ୍ଗଳବାରର ବୈଠକରେ ଅନୁପସ୍ଥିତ ଦୁଇଜଣ ମନ୍ତ୍ରୀ- ପର୍ଯ୍ୟଟନ ମନ୍ତ୍ରୀ ଗୌତମ ଦେବ ଏବଂ ଉତ୍ତର ବଙ୍ଗର ବିକାଶ ମନ୍ତ୍ରୀ ରବୀନ୍ଦ୍ରନାଥ ଘୋଷ, ଉତ୍ତର ବଙ୍ଗଳାର ଥିଲେ । ତେବେ ସେମାନଙ୍କ ଅନୁପସ୍ଥିତିର କାରଣ ହେଉଛି କୋଭିଡ-19 ପ୍ରକୋପ ପରଠାରୁ କ୍ୟାବିନେଟ ବୈଠକରେ ଯୋଗ ଦେଇ ନ ଥିଲେ । 

'ଦିଦି'ଙ୍କୁ ପୁଣି ଲାଗିଲା ବଡ଼ ଝଟକା, ବିଜେପି ପାଇଁ ସହଜ ହେଲା ଲଢ଼େଇ!

କୋଲକାତା: ପାଖେଇ ଆସୁଛି ପଶ୍ଚିମବଙ୍ଗ ବିଧାନସଭା ନିର୍ବାଚନ (West Bengal Assembly Polls) । ଏହାସହ ବେଙ୍ଗଲ ରାଜନୀତିରେ ପାରା ବଢ଼ିବାରେ ଲାଗିଛି । ଏହି କ୍ରମରେ ପୂର୍ବତନ ତୃଣମୂଳ କଂଗ୍ରେସ (TMC) ନେତା ତଥା କ୍ୟାବିନେଟ ମନ୍ତ୍ରୀ ଶୁଭେନ୍ଦୁ ଅଧିକାରୀ (Suvendu Adhikari) ଭାରତୀୟ ଜନତା ପାର୍ଟି (BJP) ରେ ଯୋଗଦେବାର କିଛି ଦିନ ପରେ ପଶ୍ଚିମବଙ୍ଗ ସରକାରର ଚାରିଜଣ ମନ୍ତ୍ରୀ ମଙ୍ଗଳବାର ରାଜ୍ୟ ସଚିବାଳୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ (Mamata Banerjee) ଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ ବୈଠକରେ ଯୋଗ ଦେଇନଥିଲେ । ସେପଟେ ବିଗତ ଦିନରେ ରାଜ୍ୟରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ (Amit Shah) ଙ୍କ ଦ୍ୱାରା ଆୟୋଜିତ ଏକ ରାଲିରେ ଅଧିକାରୀ ବିଜେପି (BJP) ରେ ଯୋଗ ଦେଇଥିଲେ । 

ଅଧିକ ପଢ଼ନ୍ତୁ:-J&K DDC ନିର୍ବାଚନ: କାଶ୍ମୀରରେ ଦମ୍ ଦେଖାଇଲା ଗୁପକାର, ଜମ୍ମୁରେ ଜିତିଲା ବିଜେପି, ଜାଣନ୍ତୁ ଅନ୍ତିମ ଫଳାଫଳ

ମଙ୍ଗଳବାରର ବୈଠକରେ ଅନୁପସ୍ଥିତ ଦୁଇଜଣ ମନ୍ତ୍ରୀ- ପର୍ଯ୍ୟଟନ ମନ୍ତ୍ରୀ ଗୌତମ ଦେବ ଏବଂ ଉତ୍ତର ବଙ୍ଗର ବିକାଶ ମନ୍ତ୍ରୀ ରବୀନ୍ଦ୍ରନାଥ ଘୋଷ, ଉତ୍ତର ବଙ୍ଗଳାର ଥିଲେ । ତେବେ ସେମାନଙ୍କ ଅନୁପସ୍ଥିତିର ଏହା ହୋଇପାରେ ଯେ କୋଭିଡ-19 ପ୍ରକୋପ ପରଠାରୁ କ୍ୟାବିନେଟ ବୈଠକରେ ଯୋଗ ଦେଇ ନ ଥିଲେ । ଏହି ବୈଠକରୁ ନିଖୋଜ ଥିବା ଅନ୍ୟ ଦୁଇ ମନ୍ତ୍ରୀ ହେଉଛନ୍ତି ବୀରଭୂମରୁ ମତ୍ସ୍ୟ ପାଳନ ମନ୍ତ୍ରୀ ଚନ୍ଦ୍ରନାଥ ସିହ୍ନା ଏବଂ ହାୱାରର ରାଜୀବ ବାନାର୍ଜୀ । ଏହି ବୈଠକରୁ ବାନାର୍ଜୀଙ୍କ ଅନୁପସ୍ଥିତି ରାଜନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ମନେହୁଏ । କାରଣ ଏପରି ମନେ କରାଯାଉଛି ଯେ ଦଳରେ "ପକ୍ଷପାତ" ଅଭିଯୋଗ କରି ତାଙ୍କ ଟିଏମସି ଛାଡିବା ନେଇ କଳ୍ପନାଜଳ୍ପନା ଚାଲିଛି ।

କିଛି ସପ୍ତାହ ପୂର୍ବରୁ ତାଙ୍କୁ ଭେଟିଥିବା ଅନ୍ୟ ବରିଷ୍ଠ ନେତାଙ୍କ ସହ ବାନାର୍ଜୀଙ୍କୁ ସମନ୍ୱୟ ରକ୍ଷା କରିବାକୁ ଦଳର ନେତୃତ୍ୱ ଉଦ୍ୟମ କରିଥିଲେ । ରାଜ୍ୟ ସଚିବାଳୟ, ନବାନ୍ନ, ହାୱାରାରେ ତାଙ୍କ ନିର୍ବାଚନମଣ୍ଡଳୀ ଅବସ୍ଥିତ । ଟିଏମସି ଛାଡି ବିଜେପିରେ ଯୋଗଦେବା ପୂର୍ବରୁ ଶୁଭେନ୍ଦୁ ଅଧିକାରୀ ମଧ୍ୟ କିଛି ମାସ ଧରି କ୍ୟାବିନେଟ ବୈଠକରୁ ନିଜକୁ ଦୂରେଇ ରଖିଥିଲେ ।

ଅଧିକ ପଢ଼ନ୍ତୁ:-ପ୍ରଶାନ୍ତ କିଶୋରଙ୍କୁ ଅଲ୍ଟିମେଟମ୍ ଦେଲେ ମମତା!

ବିଧାନସଭା ନିର୍ବାଚନ ପୂର୍ବରୁ ରାଜ୍ୟରେ ରାଜନୈତିକ ପାରା ବୃଦ୍ଧି ପାଉଥିବା ବେଳେ ବିଜେପି ରାଜ୍ୟ ଉପାଧ୍ୟକ୍ଷ ପ୍ରତାପ ବାନାର୍ଜୀ ରାଜ୍ୟ ୟୁନିଟ୍ ସାଧାରଣ ସମ୍ପାଦକ ସାୟନ୍ତ ବସୁଙ୍କୁ କାରଣ ଦର୍ଶାଇ ନୋଟିସ ଜାରି କରିଛନ୍ତି । ଏହି ନୋଟିସ ବସୁଙ୍କୁ ଇଲେକ୍ଟ୍ରୋନିକ୍ ମିଡିଆରେ ଆପତ୍ତିଜନକ ତଥା ଦଳ ବିରୋଧୀ ବୟାନ ପାଇଁ ଜାରି କରାଯାଇଛି ।