'ଦୁନିଆର ସବୁଠାର ଦୁର୍ନୀତିଗ୍ରସ୍ତ ପରିବାର ହେଉଛି ଗାନ୍ଧୀ ପରିବାର'

Gaurav Bhatia targets Gandhi Family: ନ୍ୟାସନାଲ ହେରାଲ୍ଡ ମାମଲାରେ କଂଗ୍ରେସ ସଭାପତି ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ଲାଗି ସମସ୍ୟା ବଢିଛି। ନ୍ୟାସନାଲ ହେରାଲ୍ଡ ସହ ଜଡିତ ମନି ଲଣ୍ଡରିଂ ମାମଲାରେ ଜେରା ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ ଉଭୟ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କୁ ଡକାଇଛି। ବର୍ତ୍ତମାନ ବିଜେପି ଏହି ପ୍ରସଙ୍ଗରେ ସୋନିଆ ଏବଂ ରାହୁଲ ଗାନ୍ଧୀଙ୍କୁ ଟାର୍ଗେଟ କରି ଗାନ୍ଧୀ ପରିବାରକୁ ଦୁନିଆର ସବୁଠାରୁ ଦୁର୍ନୀତିଗ୍ରସ୍ତ ପରିବାର ବୋଲି କହିଛି।

ଏନେଇ ପ୍ରତିକ୍ରିୟା ରଖି ବିଜେପି ମୁଖପାତ୍ର ଗୌରବ ଭାଟିଆ କହିଛନ୍ତି ଦୁର୍ନୀତିକୁ ନେଇ ସରକାରଙ୍କ ଏକ ସ୍ପଷ୍ଟ ନୀତି ରହିଛି। ଦୁର୍ନୀତି ମାମଲାରେ ସରକାର ଜିରୋ ଟଲେରାନ୍ସ ନୀତି ଗ୍ରହଣ କରୁଛନ୍ତି। ସରକାରଙ୍କ ଏହି ନୀତି କାରଣରୁ ଦେଶରେ ଏକ ବଡ଼ ପରିବର୍ତ୍ତନ ହୋଇଛି। ତଦନ୍ତକାରୀ ଏଜେନ୍ସି ସେମାନଙ୍କ କାମ କରୁଛନ୍ତି। ଧାରା ୪୨୦ ଅନୁଯାୟୀ ଠକେଇ ପାଇଁ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ବିରୋଧରେ ଅପରାଧିକ ମାମଲା ଚାଲିଛି ଏହା ଠିକ୍ ନୁହେଁ କି? ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀ ଦିଲ୍ଲୀ ହାଇକୋର୍ଟ ଯାଇ ନ୍ୟାସନାଲ ହେରାଲ୍ଡ ଏବଂ ଏଜିଏଲ ଏବଂ ୟଙ୍ଗ ଇଣ୍ଡିଆ ସହ ଜଡିତ ମାମଲା ବନ୍ଦ କରିବାକୁ ନିବେଦନ କରୁଛନ୍ତି।  

ବିଜେପି ମୁଖପାତ୍ର ଗୌରବ ଭାଟିଆ କହିଛନ୍ତି ଏଜିଏଲ କମ୍ପାନୀ ୟଙ୍ଗ ଇଣ୍ଡିଆ ସଂସ୍ଥାକୁ ୯୦ କୋଟି ଟଙ୍କାର ଋଣ ଦେଇଛି। ଏହି ୟଙ୍ଗ ଇଣ୍ଡିଆନ୍ କମ୍ପାନୀ କେବେ ଅନ୍ତର୍ଭୂକ୍ତ ହେଲା? ସେ କହିଥିଲେ ଯେ ଏହି ୟଙ୍ଗ ଇଣ୍ଡିଆ କମ୍ପାନୀ ଯାହାକୁ ଆପଣ ୨୦୧୦ ବର୍ଷରେ ଅନ୍ତର୍ଭୁକ୍ତ କରିଛନ୍ତି, ଅନ୍ତର୍ଭୁକ୍ତ ହେବା ଠାରୁ ସମ୍ପତ୍ତି ସ୍ଥାନାନ୍ତର ପର୍ଯ୍ୟନ୍ତ ୩ ମାସ ମଧ୍ୟରେ ଏହା ୨ ହଜାର କୋଟି ଟଙ୍କା ହୋଇଯାଇଛି। ଏହା ସତ୍ୟ ନୁହେଁ କି ଆପଣ ଏହି ୨ ହଜାର କୋଟି ଟଙ୍କାର ମାଲିକାନା ପାଇବାକୁ ତତ୍ପର ହୋଇ ଉଠିଥିଲ।

ବିଜେପି ମୁଖପାତ୍ର ସୋନିଆ ଗାନ୍ଧୀଙ୍କ ଉଦ୍ଦେଶ୍ୟରେ କହିଛନ୍ତି ଯେ ଏହା ସତ୍ୟ ନୁହେଁ କି ୨୦୧୯ ମେ ମାସରେ ପ୍ରବର୍ତ୍ତନ ନିର୍ଦ୍ଦେଶାଳୟ ୬୫ କୋଟି ଟଙ୍କାର ସମ୍ପତ୍ତି ଜବତ କରିଛି। ଆପଣଙ୍କ ପାଖେ ସମୟ ଥିଲା। ଆପଣ କୋର୍ଟ ଗଲେ। ହେଲେ ଯେଉଁ ସମ୍ପତ୍ତି ଜବତ କରାଯାଇଥିଲା ତାହାକୁ କୋର୍ଟ ଭୁଲ ବୋଲି କହିଥିଲେ। ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ମୋଟ ଲାଭ ୪୧୪ କୋଟି ଟଙ୍କା  ଅଛି ବୋଲି ୨୦୧୭ ଡିସେମ୍ବରରେ ଆୟକର ବିଭାଗ ଏକ ନିର୍ଦ୍ଦେଶ ଦେଇଛି। ଏହି ଘୋଟାଲା ପରେ ସେମାନଙ୍କୁ  ୨୫୦ କୋଟି ଟଙ୍କାର ଟିକସ ଦେବାକୁ ନିର୍ଦ୍ଦେଶ ଦିଆଯାଇଥିଲା। ଏହି ମାମଲାରେ କଂଗ୍ରେସ ନେତା କୋର୍ଟ ଯାଇଥିଲେ ସେମାନଙ୍କୁ କୌଣସି ଆଶ୍ୱସ୍ତି ମିଳିନାହିଁ।

କେବଳ ଭାରତରେ ନୁହେଁ ସମଗ୍ର ବିଶ୍ୱରେ ଯଦି କୌଣସି ଦୁର୍ନୀତିଗ୍ରସ୍ତ ପରିବାର ଅଛନ୍ତି ତାହେଲେ ତାହା ଗାନ୍ଧୀ ପରିବାର। କାରଣ ସୋନିଆ ଗାନ୍ଧୀଙ୍କ ପରିବାରର ୩ ଜଣ ସଦସ୍ୟ ଦୁର୍ନୀତି ଅଭିଯୋଗରେ ଜାମିନରେ ଆସିଛନ୍ତି।