ମମତା ବାନାର୍ଜୀଙ୍କ ଟ୍ୱିଟ୍ ଉପରେ ଦ୍ରୌପଦୀ ମୁର୍ମୁ ଦେଲେ ଏହି ଖାସ୍ ଜବାବ, ଜାଣନ୍ତୁ କ'ଣ କହିଲେ...

Draupadi Murmu: ତୃଣମୂଳ କଂଗ୍ରେସ ସୁପ୍ରିମୋ କହିଛନ୍ତି ଯେ ସମ୍ବିଧାନର ଆଦର୍ଶର ସୁରକ୍ଷା ପାଇଁ ରାଷ୍ଟ୍ରାଧ୍ୟକ୍ଷ ତଥା ଆମ ଗଣତନ୍ତ୍ରର ସଂରକ୍ଷକ ରୂପେ ମୁର୍ମୁଙ୍କ ଉପରେ ସାରା ଦେଶ ଆଶାବାଦୀ ଦୃଷ୍ଟି ରହିବ ।

ନୂଆଦିଲ୍ଲୀ: Draupadi Murmu: ରାଷ୍ଟ୍ରପତି ନିର୍ବାଚନରେ ​​ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ (Draupadi Murmu) ଜିତିଛନ୍ତି । ଏହାସହ ସେ ଦେଶର ୧୫ତମ ରାଷ୍ଟ୍ରପତି ହେବାର ଗୌରବ ହାସଲ କରିଛନ୍ତି । ଏହି ବିଜୟ ପରେ ତାଙ୍କୁ  ଅନେକ ଲୋକ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି, କିନ୍ତୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ (Mamata Banerjee) ଙ୍କ ଅଭିନନ୍ଦନ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ବିଶେଷ କଥା ହେଉଛି ଏହା ଉପରେ ଦ୍ରୌପଦୀ ମୁର୍ମୁ ଦେଇଥିବା ପ୍ରତିକ୍ରିୟା ମଧ୍ୟ ଖାସ୍ ଥିଲା । ଗୋଟିଏ ପଟେ ସିଏମ ବାନାର୍ଜୀ ନବ ନିର୍ବାଚିତ ରାଷ୍ଟ୍ରପତିଙ୍କୁ ଦେଶର ପରିସ୍ଥିତି ବିଷୟରେ ମନେ ପକାଇ ଦେଇଛନ୍ତି । ଅନ୍ୟପଟେ ମୁର୍ମୁ ତାଙ୍କୁ ଦିଦି ବୋଲି ମଧ୍ୟ ସମ୍ବୋଧିତ କରିଛନ୍ତି ।

ତୃଣମୂଳ କଂଗ୍ରେସ ସୁପ୍ରିମୋ କହିଛନ୍ତି ଯେ ସମ୍ବିଧାନର ଆଦର୍ଶର ସୁରକ୍ଷା ପାଇଁ ରାଷ୍ଟ୍ରାଧ୍ୟକ୍ଷ ତଥା ଆମ ଗଣତନ୍ତ୍ରର ସଂରକ୍ଷକ ରୂପେ ମୁର୍ମୁଙ୍କ ଉପରେ ସାରା ଦେଶ ଆଶାବାଦୀ ଦୃଷ୍ଟି ରହିବ । ମମତା ବାନାର୍ଜୀ ଟ୍ୱିଟ୍ କରି କହିଛନ୍ତି ଯେ, "ମୁଁ ସମ୍ମାନିତ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁଙ୍କୁ ଅଭିନନ୍ଦନ ଜଣାଉଛି । ସମ୍ବିଧାନର ଆଦର୍ଶର ସୁରକ୍ଷା ପାଇଁ ରାଷ୍ଟ୍ରାଧ୍ୟକ୍ଷ ତଥା ଆମ ଗଣତନ୍ତ୍ରର ସଂରକ୍ଷକ ରୂପେ ମୁର୍ମୁଙ୍କ ଉପରେ ସାରା ଦେଶ ଆଶାବାଦୀ ଦୃଷ୍ଟି ରହିବ, ବିଶେଷ କରି ସେହି ସମୟରେ ଯେତେବେଳେ ଦେଶ ଅନେକ ଅସନ୍ତୋଷର ସାମ୍ନା କରୁଛି ।"

ଏହା ଉପରେ ମୁର୍ମୁ କହିଛନ୍ତି ଯେ, "ଆପଣଙ୍କ ସୁନ୍ଦର ଶୁଭ କାମନା ପାଇଁ ଧନ୍ୟବାଦ ମମତା ବାନାର୍ଜୀ ଦିଦି । ମୁଁ ମୋର ସମ୍ବିଧାନ ଓ ଭାରତ ମାତଙ୍କର ଆଦର୍ଶକୁ ରକ୍ଷା କରିବାକୁ ସର୍ବଦା ପ୍ରସ୍ତୁତ ।" ବିଶେଷ କଥା ହେଉଛି ବିରୋଧୀ ଓ ଟିଏମସି (TMC) ବିରୋଧୀ ଦଳର ମିଳିତ ପ୍ରାର୍ଥୀ ଯଶୱନ୍ତ ସିହ୍ନାଙ୍କୁ ସମର୍ଥନ କରିଥିଲେ । ତେବେ ବାନାର୍ଜୀ ସଙ୍କେତ ଦେଇଥିଲେ ଯେ ଯଦି ଏନଡିଏ ପୂର୍ବରୁ ଆଲୋଚନା କରିଥାନ୍ତା ତେବେ ମୁର୍ମୁ ଉପରେ ଏକ ସହମତି ହୋଇପାରିଥାନ୍ତା ।

ଏହା ବି ପଢ଼ନ୍ତୁ:-ଦ୍ରୌପଦୀ ମୁର୍ମୁ ରାଷ୍ଟ୍ରପତି ନିର୍ବାଚନ ଜିତି ସୃଷ୍ଟି କଲେ ଏହି ପାଞ୍ଚଟି ଐତିହାସିକ ରେକର୍ଡ

ଏହା ବି ପଢ଼ନ୍ତୁ:-ଦ୍ରୌପଦୀ ମୁର୍ମୁଙ୍କ ରାଷ୍ଟ୍ରପତି ହେବାରୁ ବିଜେପିକୁ ହେବ ଏସବୁ ଲାଭ, ବିରୋଧୀଙ୍କ ବଢ଼ିବ ସମସ୍ୟା!

ଏହା ବି ପଢ଼ନ୍ତୁ:-ଜାଣନ୍ତୁ ଦ୍ରୌପଦୀ ମୁର୍ମୁଙ୍କୁ ମିଳିଲା କେତେ ପ୍ରତିଶତ ଭୋଟ, ବିରୋଧୀ ଦଳର କେତେ ସାଂସଦ ଓ ବିଧାୟକ ତାଙ୍କ ସମର୍ଥନରେ କରିଛନ୍ତି ମତଦାନ

ପଶ୍ଚିମବଙ୍ଗର ଭାରତୀୟ ଜନତା ଦଳ (BJP) ର ନେତାମାନେ ଆଦିବାସୀ ପ୍ରାଧାନ୍ୟ ଅଞ୍ଚଳରେ ମୁର୍ମୁଙ୍କ ବିଜୟ ଉତ୍ସବ ପାଳନ କରିବାକୁ ନିଷ୍ପତ୍ତି ନେଇଛନ୍ତି । ଏହା ବ୍ୟତୀତ ରାଜ୍ୟ ବିଜେପି ମୁଖ୍ୟ ସୁକାନ୍ତ ମଜୁମଦାର ପଶ୍ଚିମ ମେଦିନାପୁରରେ ଏକ ରାଲି କରିଥିଲେ । ଏଥିସହିତ ବିଧାୟକ ଶୁଭେନ୍ଦୁ ଅଧିକାରୀ ଓ ହିରନ ଚାଟୋପାଧ୍ୟାୟ ଝାରଗ୍ରାମରେ ଏକ ରାଲି କରିଥିଲେ ।