ପଞ୍ଜାବରେ ମୁଖ୍ୟମନ୍ତ୍ରୀଙ୍କ ଘରେ ହିଁ ବିଦ୍ରୋହ, କଂଗ୍ରେସ ବିରୋଧରେ ନିର୍ବାଚନ ଲଢ଼ିବେ ଚନ୍ନିଙ୍କ ଭାଇ

ନୂଆଦିଲ୍ଲୀ: Punjab Assembly Election 2022: ପଞ୍ଜାବ କଂଗ୍ରେସ (PUnjab Congress) ରେ ଏକ ବଡ଼ ବିଦ୍ରୋହ ହୋଇଛି । ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନି (Punjab CM Charanjit Singh Channi) ଙ୍କ ଭାଇ ଡକ୍ଚର ମନୋହର ସିଂ (Dr. Manohar Singh) ଙ୍କୁ କଂଗ୍ରେସ ଟିକେଟ୍ ନ ଦେବାରୁ ସେ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢ଼ିବାକୁ ଘୋଷଣା କରିଛି । ସେ ବସ୍ସି ପଠାନା ବିଧାନସଭା ଆସନ (Bassi Pathana Assembly) ରୁ ଟିକେଟ ମାଗୁଥିଲେ । ତାଙ୍କ ସ୍ଥାନରେ ବର୍ତ୍ତମାନର ବିଧାୟକ ଗୁରୁପ୍ରୀତ ସିଂ ଜିପି (Congress MLA Gurpreet Singh GP) ଉପରେ ହିଁ କଂଗ୍ରେସ ବିଶ୍ୱାସ ବ୍ୟକ୍ତ କରିଛି । 

ମନେ କରାଯାଉଛି ଯେ, ନବଜୋତ ସିଂ ସିଦ୍ଧୁ (Navjot Singh Sidhu) ଙ୍କ ଚାପ ଯୋଗୁଁ ମୁଖ୍ୟମନ୍ତ୍ରୀଙ୍କ ଭାଇ ମନୋହରଙ୍କୁ ଟିକେଟ୍ ଦିଆଯାଇ ନାହିଁ । ଅନ୍ୟପଟେ ମନୋହର ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବା ପାଇଁ ସିନିୟର ମେଡିକାଲ୍ ଅଫିସର ପଦରୁ ଅବସର ନେଇଥିଲେ ।

ଗତ ସପ୍ତାହର ଶନିବାର କଂଗ୍ରେସର ୮୬ ଜଣ ପ୍ରାର୍ଥୀଙ୍କ ତାଲିକା ଆସିବା ପରେ ଡକ୍ଟର ମନୋହର ରବିବାର ସମର୍ଥକଙ୍କୁ ଭେଟିଥିଲେ ଓ ଏହା ପରେ ସେ ବିଦ୍ରୋହ କରିଥିଲେ । ସେ କହିଛନ୍ତି ଯେ, "ସର୍ବେକ୍ଷଣ ମୋ ସପକ୍ଷରେ ଅଛି । ମୁଁ ମଧ୍ୟ ଟିକେଟ୍ ପାଇଁ ଆବେଦନ କରିଥିଲି, କିନ୍ତୁ ମୋତେ ଟିକେଟ୍ ଦିଆଯାଇନଥିଲା । ସେ କହିଛନ୍ତି ମୁଁ ଏ ବିଷୟରେ ସିଏମ ଚନ୍ନିଙ୍କ ସହ ମଧ୍ୟ କଥା ହୋଇଛି । ଏହା ପରେ ତାଙ୍କ ଫଟୋ ମଧ୍ୟ ମୋ ବୋର୍ଡରେ ଲଗାଇ ରଖିଛି ।"

ଏଠାରେ କହି ରଖୁଛୁ ଯେ, ମନୋହର ସିଂ ପଞ୍ଜାବ ସ୍ୱାସ୍ଥ୍ୟ ବିଭାଗର ଜଣେ ସରକାରୀ ଡାକ୍ତର ଥିଲେ । ତାଙ୍କ ନିଯୁକ୍ତି ଖରଡ଼ ସିଭିଲ ହସ୍ପିଟାଲରେ ସିନିୟର ମେଡିକାଲ ଅଫିସର ପଦରେ ଥିଲା । ସେ ଏକ ମାସ ପୂର୍ବରୁ ଏହି ପଦରୁ ଇସ୍ତଫା ଦେଇଥିଲେ । ଏହା ପରେ ସେ ବସ୍ସି ପଠାନା ଯାଇ ସକ୍ରିୟ ହୋଇଗଲେ । ସେଠାରେ ଅଫିସ୍ ଖୋଲି ସେ ଲୋକମାନଙ୍କୁ ଭେଟିବା ମଧ୍ୟ ଆରମ୍ଭ କଲେ । ଏହି ଆସନ ହେଉଛି ଏସସି ରିଜର୍ଭ ।

ବସ୍ସି ପଠାନାରୁ ସିଏମ ଚନ୍ନିଙ୍କ ଭାଇ ସକ୍ରିୟ ହେବା ପରେ ଏହି ମାମଲା ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜୋତ ସିଦ୍ଧୁଙ୍କ ନିକଟରେ ମଧ୍ୟ ପହଞ୍ଚିଛି । ଏହା ପରେ ସିଦ୍ଧୁ ସେଠାକାର ବର୍ତ୍ତମାନର କଂଗ୍ରେସ ବିଧାୟକ ଗୁରୁପ୍ରୀତ ଜିପି ସପକ୍ଷରେ ରାଲି କରିବାକୁ ଯାଇଥିଲେ । ସେଠାରେ ସେ କହିଛନ୍ତି ଯେ ଜିପି ସେଠାରୁ ପ୍ରାର୍ଥୀ ହେବେ । ପ୍ରାର୍ଥୀ ଘୋଷଣା ସମୟରେ ସିଦ୍ଧୁ ଜିପିକୁ ମଧ୍ୟ ସମର୍ଥନ କରିଥିଲେ ।

ଏହା ବି ପଢ଼ନ୍ତୁ:-ଜେଡିୟୁକୁ ଧମକ ଦେଲା ବିଜେପି, ଜାଣନ୍ତୁ ପୂରା ମାମଲା

ଏହା ବି ପଢ଼ନ୍ତୁ:-ଭଲ ଖବର: ଗତକାଲି ତୁଳନାରେ ଆଜି ୨୦ ହଜାର ମାମଲା ହ୍ରାସ, ଆଖି ବୁଜିଲେ ୩୧୦ ସଂକ୍ରମିତ

ଏହା ବି ପଢ଼ନ୍ତୁ:-ଖୁସି ଖବର! ପୁଣି ଶସ୍ତା ହେଲା ଖାଇବା ତେଲ, ୨୨ ଟଙ୍କା ପର୍ଯ୍ୟନ୍ତ ତଳକୁ ଖସିଲା ଦର, ଜାଣନ୍ତୁ ନୂଆ ରେଟ୍

ଗତ ବର୍ଷ କୋରୋନା ମହାମାରୀ ସମୟରେ ଡକ୍ଟର ମନୋହର ବସ୍ସି ପଠାନାରେ ଗତିବିଧି ଆରମ୍ଭ କରିଥିଲେ । ନନ୍ଦପୁର କାଲୁରର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ପୋଷ୍ଟ କରିବା ସମୟରେ ସେ ଲୋକମାନଙ୍କ ମଧ୍ୟରେ ଖୁବ୍ ପ୍ରସିଦ୍ଧ ହୋଇଥିଲେ । ଏହାକୁ ଦୃଷ୍ଟିରେ ରଖି ବର୍ତ୍ତମାନର କଂଗ୍ରେସ ବିଧାୟକ ଗୁରୁପ୍ରୀତ ଜିପି ତାଙ୍କୁ ଟ୍ରାନ୍ସଫର କରିଦେଇଥିଲେ । ଡକ୍ଟର ମନୋହର ଆନାସ୍ଥେସିଆରେ ସ୍ନାତକୋତ୍ତର, ସାମ୍ବାଦିକତାରେ ଏମଏ ଏବଂ ଚଣ୍ଡିଗଡ଼ର ପଞ୍ଜାବ ବିଶ୍ୱବିଦ୍ୟାଳୟରୁ ଆଇନ ସ୍ନାତକ ମଧ୍ୟ କରିଛନ୍ତି ।

ସୂଚନାଯୋଗ୍ୟ, ଏହି ପ୍ରସଙ୍ଗରେ ଗୋଟିଏ ପରିବାର-ଗୋଟିଏ ଟିକେଟ୍ ଫର୍ମୁଲା ପାଇଁ କଂଗ୍ରେସ ଯୁକ୍ତି କରୁଛି । କଂଗ୍ରେସ ଶ୍ରୀ ଚମକୌର ସାହେବରୁ ସିଏମ୍ ଚରଣଜିତ୍ ଚନ୍ନିଙ୍କୁ ଟିକେଟ୍ ଦେଇଛି । ଏହି ଟିକେଟ୍ ପରେ ତାଙ୍କ ପରିବାରର ଅନ୍ୟ କାହାକୁ ଦିଆଯାଇପାରିବ ନାହିଁ । ଏହି କାରଣରୁ କଂଗ୍ରେସ ଡକ୍ଟର ମନୋହରଙ୍କୁ ଟିକେଟ୍ ଦେଇନଥିଲା ।