କଂଗ୍ରେସର ସାତ ପ୍ରତିଜ୍ଞା; ବଚନ ରଖିବାର ପ୍ରତିଶୃତି ଦେଲେ ପ୍ରିୟଙ୍କା

ଲକ୍ଷ୍ନୌ: ଆସନ୍ତା ବର୍ଷ ଉତ୍ତର ପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ଦଳ ୟୁପିରେ ନିଜ ପାଇଁ ସୁଯୋଗ ଖୋଜିବାକୁ ଚେଷ୍ଟା କରୁଛି। ନିର୍ବାଚନ ପୂର୍ବରୁ କଂଗ୍ରେସ ଦଳ ଅନେକ ପ୍ରତିଶ୍ରୁତି ଦେଇଛି। କଂଗ୍ରେସର ରାଷ୍ଟ୍ରୀୟ ସାଧାରଣ ସମ୍ପାଦକ ତଥା ୟୁପିରେ ଅଭିଯାନର ମୁଖ୍ୟ ପ୍ରିୟଙ୍କା ଗାନ୍ଧୀ ପ୍ରତିଶୃତି ଦେଇଛନ୍ତି ଯେ ଯଦି ଉତ୍ତର ପ୍ରଦେଶରେ କଂଗ୍ରେସ ସରକାର ଗଠନ ହୁଏ ତେବେ ସମସ୍ତଙ୍କୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣାରେ ଚିକିତ୍ସା କରାଯିବ।

ପ୍ରିୟଙ୍କା ଗାନ୍ଧୀ ଟୁଇଟ୍ କରି କହିଛନ୍ତି, 'କୋରୋନା ଅବଧିରେ ସରକାରଙ୍କ ଅବହେଳା ଏବଂ ବର୍ତ୍ତମାନ ରାଜ୍ୟରେ ଜ୍ୱର ବ୍ୟାପିବା କାରଣରୁ ସମସ୍ତେ ଉତ୍ତର ପ୍ରଦେଶର ସ୍ୱାସ୍ଥ୍ୟ ବ୍ୟବସ୍ଥାର ଖରାପ ଅବସ୍ଥା ଦେଖିଛନ୍ତି। ଶସ୍ତା ଏବଂ ଉତ୍ତମ ଚିକିତ୍ସା ପାଇଁ ମେନିଫେଷ୍ଟୋ କମିଟିର ସହମତିରେ ୟୁପି କଂଗ୍ରେସ ନିଷ୍ପତ୍ତି ନେଇଛି ଯେ, ଯଦି ସରକାର ଗଠନ ହୁଏ, ତେବେ ଯେକୌଣସି ରୋଗ ମୁକ୍ତ ହେବ, ୧୦ ଲକ୍ଷ ପର୍ଯ୍ୟନ୍ତ ସରକାରୀ ଚିକିତ୍ସା ହେବ।'

ପ୍ରିୟଙ୍କା ଗାନ୍ଧୀ ଦୀର୍ଘ ଦିନ ଧରି ଉତ୍ତର ପ୍ରଦେଶରେ ସକ୍ରିୟ ଅଛନ୍ତି। ସେ ବହୁ ସଂଖ୍ୟାରେ ଲୋକଙ୍କୁ କଂଗ୍ରେସ ସହିତ ଯୋଡିବାକୁ ଚେଷ୍ଟା କରୁଛନ୍ତି। ପ୍ରିୟଙ୍କା ଗାନ୍ଧୀ ଉତ୍ତର ପ୍ରଦେଶର ବିକାଶ ପାଇଁ ୭ଟି ପ୍ରତିଜ୍ଞା ନେଇଛନ୍ତି। ପ୍ରିୟଙ୍କା ଗାନ୍ଧୀ ଟୁଇଟ୍ କରି କହିଛନ୍ତି ଯେ, 

• ଉତ୍ତର ପ୍ରଦେଶରେ ୪୦ ପ୍ରତିଶତ ମହିଳାଙ୍କୁ ଟିକଟ ଦିଆଯିବ।
• ଝିଅମାନଙ୍କୁ ସ୍ମାର୍ଟଫୋନ୍ ଏବଂ ସ୍କୁଟି ଦିଆଯିବ।
• ଚାଷୀଙ୍କ ସମ୍ପୂର୍ଣ୍ଣ ଋଣ ଛାଡ କରାଯିବ। 
• ଚାଷୀଙ୍କ ଠାରୁ ଗହମ ଧାନ ୨୫୦୦ ଟଙ୍କାରେ ଏବଂ ଆଖୁ ୪୦୦ଟଙ୍କାରେ କିଣାଯିବ। 
• ସମସ୍ତଙ୍କର ବିଦ୍ୟୁତ୍ ବିଲ୍ ଅଧା ହୋଇଯିବ।
• କୋରୋନା ସମୟର ବକେୟା ପରିଶୋଧ କରାଯିବ।
• ପ୍ରତ୍ୟେକ ପରିବାରକୁ ୨୫ ହଜାର ଟଙ୍କା ଦିଆଯିବ।
• ୨୦ ଲକ୍ଷ ଲୋକଙ୍କୁ ସରକାରୀ ଚାକିରି ଦିଆଯିବ।

ସୂଚନାଯୋଗ୍ୟ, ୨୦୧୭ ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ​​ବିଜେପି ମିଳିତ ମଞ୍ଚ ୩୨୫ଟି ଆସନ ପାଇଥିବାବେଳେ ସମାଜବାଦୀ ପାର୍ଟି ୪୭ଟି ସିଟ୍ ଜିତିଛି। ଏହା ବ୍ୟତୀତ ବିଏସପି ୧୯ଟି ସିଟ୍ ଏବଂ କଂଗ୍ରେସ  ୭ଟି ସିଟ୍ ଜିତିଛି।