Presidential Election 2022: 'ନିଜ ଅନ୍ତରାତ୍ମା କଥା ଶୁଣି ମୋତେ ଭୋଟ ଦିଅନ୍ତୁ'

Presidential Election 2022: ରାଷ୍ଟ୍ରପତି ନିର୍ବାଚନରେ ବିରୋଧି ଦଳରୁ ପ୍ରାର୍ଥୀ ହୋଇଥିବା ଯଶବନ୍ତ ସିହ୍ନା ସମସ୍ତ ବିଧାୟକ ଏବଂ ସାଂସଦଙ୍କୁ ସମ୍ବିଧାନ ତଥା ବିବେକ ଅନୁଯାୟୀ ମତଦାନ କରିବାକୁ ନିବେଦନ କରିଛନ୍ତି।

Presidential Election 2022: ଜୁଲାଇ ୧୮ ତାରିଖ ସୋମବାର ଅନୁଷ୍ଠିତ ହେଉଛି ରାଷ୍ଟ୍ରପତି ନିର୍ବାଚନ ଲାଗି ମତଦାନ। ହେଲେ ଏହା ପୂର୍ବରୁ ରାଷ୍ଟ୍ରପତି ନିର୍ବାଚନରେ ବିରୋଧି ଦଳରୁ ପ୍ରାର୍ଥୀ ହୋଇଥିବା ଯଶବନ୍ତ ସିହ୍ନା ସମସ୍ତ ବିଧାୟକ ଏବଂ ସାଂସଦଙ୍କୁ ସମ୍ବିଧାନ ତଥା ବିବେକ ଅନୁଯାୟୀ ମତଦାନ କରିବାକୁ ନିବେଦନ କରିଛନ୍ତି। ଏକ ଭିଡିଓ ବାର୍ତ୍ତା ଜରିଆରେ ସେ କହିଛନ୍ତି ଯେ ଚଳିତ ବର୍ଷ ଅନୁଷ୍ଠିତ ହେଉଥିବା ରାଷ୍ଟ୍ରପତି ନିର୍ବାଚନ କେବଳ ୨ ଜଣଙ୍କ ମଧ୍ୟରେ ନୁହେଁ ବରଂ ଦୁଇଟି ଆଦର୍ଶ ମଧ୍ୟରେ ଅନୁଷ୍ଠିତ ହେବ। ଆପଣ ଆପଣଙ୍କ  ଅନ୍ତରାତ୍ମା କଥା ଶୁଣନ୍ତୁ ଏବଂ ମୋତେ ଭୋଟ ଦିଅନ୍ତୁ। 

ରାଷ୍ଟ୍ରପତି ନିର୍ବାଚନ ଲାଗି ସୋମବାର ହେବାକୁ ଯାଉଥିବା ମତଦାନ ପୂର୍ବରୁ କାହିଁକି ସେ ଏକଥା କହୁଛନ୍ତି ତାହା ସେ ଏକ ଭିଡିଓ ଜାରି କରି କହିଛନ୍ତି। ଏନେଇ ସେ କହିଛନ୍ତି ଭାରତୀୟ ସମ୍ବିଧାନରେ ଏହି ବ୍ୟବସ୍ଥା ରହିଛି ଯେ ରାଷ୍ଟ୍ରପତି ନିର୍ବାଚନ ଲାଗି ହେଉଥିବା ମତଦାନ   ଗୁପ୍ତ ଉପାୟରେ ହେବ। କୌଣସି ଏହି ନିର୍ବାଚନକୁ ନେଇ ହ୍ୱିପ ଜାରି କରିପାରିବେ ନାହିଁ। ଅର୍ଥାତ୍ ରାଷ୍ଟ୍ରପତି ନିର୍ବାଚନରେ ମତଦାନ କରିବାକୁ ଯୋଗ୍ୟ ବିବେଚିତ ହୋଇଥିବା ଜନପ୍ରତିନିଧି କାହାକୁ ଭୋଟ ଦେବେ ତାହା ସେ ବ୍ୟକ୍ତିଗତ ଭାବରେ ତାହା ସ୍ଥିର କରିପାରିବେ। 

ଚଳିତ ବର୍ଷରେ ଯେଉଁ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେଉଛି ତାହା ଏକ ଅସାଧାରଣ ପରିସ୍ଥିତିରେ ଅନୁଷ୍ଠିତ ହେଉଛି। ଦେଶ ବିଭିନ୍ନ ଦିଗରୁ ବିଭିନ୍ନ ପ୍ରକାର ସମସ୍ୟାର ସାମ୍ନା କରୁଛି। ହେଲେ ଆମର ସାମ୍ବିଧାନିକ ସୁରକ୍ଷା ତଥା ପ୍ରତିରକ୍ଷା ହେଉଛି ଆମେ ସାମ୍ନା କରୁଥିବା ସବୁଠାରୁ ଗୁରୁତ୍ୱପୂର୍ଣ୍ଣ ସମସ୍ୟା। ସାମ୍ବିଧାନିକ ବ୍ୟବସ୍ଥା ଏବଂ ଏହାର ମୂଲ୍ୟବୋଧକୁ ଏହି ଦେଶର କିଛି ଲୋକ ଖୋଲାଖୋଲି ଭାବେ ଉଲ୍ଲଂଘନ କରୁଛନ୍ତି। ନିର୍ବାଚିତ ସରକାରକୁ ଗାଦିଚ୍ୟୁତ କରାଯାଉଛି। ସମ୍ବିଧାନରେ ଅନ୍ତର୍ଭୂକ୍ତ ଗଣତନ୍ତ୍ରର ଆତ୍ମା ​​ବିରୋଧରେ ଏଭଳି କାର୍ଯ୍ୟ ହେଉଛି।

इस साल राष्ट्रपति चुनाव दो व्यक्तियों के बीच नहीं, बल्कि दो विचारधाराओं के बीच का चुनाव है। केवल एक पक्ष हमारे संविधान में निहित प्रावधानों और मूल्यों की रक्षा करना चाहता है। मैं सभी सांसदों और विधायकों से इस बार संविधान और उनकी अंतरात्मा की आवाज़ पर वोट करने की अपील करता हूं। pic.twitter.com/0Zs1F5qJic

— Yashwant Sinha (@YashwantSinha) July 16, 2022

ଚଳିତ ବର୍ଷ ଅନୁଷ୍ଠିତ ହେଉଥିବା ରାଷ୍ଟ୍ରପତି ନିର୍ବାଚନ ୨ ଜଣ ପ୍ରାର୍ଥୀଙ୍କ ମଧ୍ୟରେ ଅନୁଷ୍ଠିତ ହେଉଥିବା ପ୍ରତିଯୋଗିତା ନୁହେଁ। ଏହା ଦୁଇଟି ବିଚାରଧାରା ମଧ୍ୟରେ ଅନୁଷ୍ଠିତ ହେଉଥିବା ପ୍ରତିଯୋଗିତା। ଗୋଟିଏ ପଟେ ସମ୍ବିଧାନର ମୂଲ୍ୟବୋଧ ପାଇଁ ଆମର କୌଣସି ବ୍ୟବହାର ନାହିଁ। ଅନ୍ୟ ପଟେ ଆମ ପାଖରେ ସମ୍ବିଧାନ ଏବଂ ଏହାର ମୂଲ୍ୟବୋଧକୁ ସୁରକ୍ଷା ଦେବାକୁ ଚାହୁଁଥିବା ଲୋକଙ୍କ ଏକ ଉତ୍ସର୍ଗୀକୃତ ଗୋଷ୍ଠୀ ରହିଛି।