T20 World Cup ପାଇଁ ଘୋଷଣା ହେଲା ଟିମ୍ ଇଣ୍ଡିଆ, ଏହି ଖେଳାଳିମାନଙ୍କୁ ମିଳିଲା ସୁଯୋଗ, ଦେଖନ୍ତୁ ପୂରା ଲିଷ୍ଟ

ଟି -୨୦ ବିଶ୍ୱକପ ୨୦୨୧ ପାଇଁ ବିସିସିଆଇ (BCCI) ଟିମ୍ ଇଣ୍ଡିଆର ୧୫ ସଦସ୍ୟ ବିଶିଷ୍ଟ ଦଳ ଘୋଷଣା କରିଛି । ଦେଖନ୍ତୁ ଏଥିରେ କେଉଁ ଖେଳାଳି ମାନେ ସାମିଲ ଅଛନ୍ତି ।

ନୂଆଦିଲ୍ଲୀ: ଭାରତରେ କ୍ରିକେଟ୍ ବୋର୍ଡ ଅଫ୍ କଣ୍ଟ୍ରୋଲ୍ ଟି -୨୦ ବିଶ୍ୱକପ୍ ୨୦୨୧ ପାଇଁ ଭାରତୀୟ ଦଳ ଘୋଷଣା କରିଛି । ଚଳିତ ବର୍ଷ ୧୭ ଅକ୍ଟୋବରରୁ ୟୁଏଇରେ ବିଶ୍ୱକପ ଅନୁଷ୍ଠିତ ହେବ । ସମସ୍ତ ଦେଶ ଗୋଟିଏ ପରେ ଗୋଟିଏ ଦଳ ଘୋଷଣା କରୁଛନ୍ତି ଓ ଏହି ସମୟ ମଧ୍ୟରେ ବିସିସିଆଇ ମଧ୍ୟ ଟିମ୍ ଇଣ୍ଡିଆ ଚୟନ କରିଛି ।

ୟୁଏଇ ଓ ଓମାନରେ ଖେଳାଯିବାକୁ ଥିବା ୨୦୨୧ ଟି -୨୦ ବିଶ୍ୱକପ ପାଇଁ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (BCCI) ୧୫ ଜଣିଆ ଭାରତୀୟ ଦଳ ଘୋଷଣା କରିଛି । ଏହା ବ୍ୟତୀତ ବିସିସିଆଇ ତିନି ଜଣ ଷ୍ଟାଣ୍ଡବାଇ ଖେଳାଳିଙ୍କୁ ମଧ୍ୟ ଚୟନ କରିଛି, ଯେଉଁମାନେ ଟିମ୍ ଇଣ୍ଡିଆ ସହିତ ଯିବେ । ଏଥି ସହିତ ବିସିସିଆଇ ପୂର୍ବତନ ଅଧିନାୟକ ଏମଏସ ଧୋନିଙ୍କୁ ବିଶ୍ୱକପ ପାଇଁ ଏକ ବଡ଼ ଦାୟିତ୍ବ ଦେଇଛି ।

ଅଧିକ ପଢ଼ନ୍ତୁ: ତାଲିବାନ ସରକାରରେ ନଜର ଆସିଲା 'ମେଡ୍ ଇନ୍ ପାକିସ୍ଥାନ'ର ଛବି; ବଢ଼ିଲା ଭାରତ ପାଇଁ ଚିନ୍ତା

ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ୍ ଖେଳିବ ଟିମ୍ ଇଣ୍ଡିଆ 
ଟି -୨୦ ବିଶ୍ୱକପରେ ଭାରତୀୟ ଦଳ ପାକିସ୍ତାନ ବିପକ୍ଷ ପ୍ରଥମ ମ୍ୟାଚ୍ ଖେଳିବ । ଏହି ମ୍ୟାଚ୍ ୨୪ ଅକ୍ଟୋବରରେ ଖେଳାଯିବ । ଏହା ପରେ ଟିମ୍ ଇଣ୍ଡିଆ ୩୧ ଅକ୍ଟୋବରରେ ନ୍ୟୁଜିଲ୍ୟାଣ୍ଡ, ୩ ନଭେମ୍ବରରେ ଆଫଗାନିସ୍ତାନ ଓ ୫ ନଭେମ୍ବରରେ ସୁପର-୧୨ ରେ ଯୋଗ୍ୟତା ହାସଲ କରିଥିବା ଦଳ (ବି -୧) ମ୍ୟାଚ ଖେଳିବ ।

TEAM - Virat Kohli (Capt), Rohit Sharma (vc), KL Rahul, Suryakumar Yadav, Rishabh Pant (wk), Ishan Kishan (wk), Hardik Pandya, Ravindra Jadeja, Rahul Chahar, Ravichandran Ashwin, Axar Patel, Varun Chakravarthy, Jasprit Bumrah, Bhuvneshwar Kumar, Mohd Shami.#TeamIndia

— BCCI (@BCCI) September 8, 2021

ଟି -୨୦ ବିଶ୍ୱକପ ପାଇଁ ୧୫ ସଦସ୍ୟ ବିଶିଷ୍ଟ ଭାରତୀୟ ଦଳ 
ଭାରତୀୟ ଦଳ: ବିରାଟ କୋହଲି (ଅଧିନାୟକ), ରୋହିତ ଶର୍ମା (ଉପ-ଅଧିନାୟକ), କେ.ଏଲ୍ ରାହୁଲ, ସୂର୍ଯ୍ୟକୁମାର ଯାଦବ,ଋଷଭ ପନ୍ତ (ୱିକେଟ କିପର), ଇଶାନ କିଶନ (ୱିକେଟ କିପର), ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ରାହୁଲ ଚହର, ରବିଚନ୍ଦ୍ରନ ଅଶ୍ୱିନ, ଅକ୍ଷର ପଟେଲ, ବରୁଣ ଚକ୍ରବର୍ତ୍ତୀ , ଜସପ୍ରୀତ ବୁମ୍ରା, ଭୁବନେଶ୍ୱର କୁମାର, ମହମ୍ମଦ ଶାମି ।