Hardik Pandya ଉପରେ ବ୍ୟାନ୍ ଲଗାଇଲା BCCI, ସିଜିନର ଶେଷ ମ୍ୟାଚରେ କରି ଦେଇଥିଲେ ଏହି ଭୁଲ୍

Hardik Pandya : ବିସିସିଆଇ ଦ୍ୱାରା ମୁମ୍ବାଇ ଇଣ୍ଡିଆନ୍ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କୁ ଏକ ବଡ଼ ଝଟକା ଲାଗିଛି। ହାର୍ଦ୍ଦିକଙ୍କ ଅଧିନାୟକତ୍ୱରେ ଦଳ ଚଳିତ ସିଜନରେ ଦଶମ ସ୍ଥାନ ହାସଲ କରିଛି ଓ ୧୪ ଟି ମ୍ୟାଚ୍ ମଧ୍ୟରୁ ୧୦ ଟିରେ ପରାଜୟର ସାମ୍ନା କରିଛି।

Hardik Pandya Banned: ବିସିସିଆଇ ହାର୍ଦ୍ଦିକ ପାଣ୍ଡ୍ୟାଙ୍କ (Hardik Pandya) ଉପରେ ୩୦ ଲକ୍ଷ ଟଙ୍କା ଜରିମାନା ଲଗାଇବା ସହିତ ଗୋଟିଏ ମ୍ୟାଚ୍ ପାଇଁ ବ୍ୟାନ୍ ଲଗାଇଛି। ଲକ୍ଷ୍ନୌ ସୁପର ଜିଆଣ୍ଟସ୍ ବିପକ୍ଷ ସିଜିନର ଶେଷ ମ୍ୟାଚରେ ସ୍ଲୋ ଓଭର ରେଟ୍ ବୋଲିଂ ଯୋଗୁଁ ମୁମ୍ବାଇ ଇଣ୍ଡିଆନ୍ସର (Mumbai Indians) ଅଧିନାୟକଙ୍କ ଉପରେ ଏହି ପ୍ରତିବନ୍ଧକ ଲଗାଯାଇଛି। MI ସ୍ଲୋ ଓଭର ରେଟ୍ କରିବାର ଏହା ତୃତୀୟ ଭୁଲ ଥିଲା, ଯେଉଁ କାରଣରୁ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କୁ ବ୍ୟାନ୍ କରାଯାଇଛି। କୁହାଯାଉଛି ଯେ ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ଏହି ବ୍ୟାନ୍ ଆଇପିଏଲ ୨୦୨୫ ର ପ୍ରଥମ ମ୍ୟାଚରେ ପ୍ରଯୁଜ୍ୟ ହେବ କାରଣ ଏହି ସିଜନରେ MI ର କୌଣସି ମ୍ୟାଚ୍ ବାକି ନାହିଁ। ହାର୍ଦ୍ଦିକ ପାଣ୍ଡ୍ୟାଙ୍କ ବ୍ୟତୀତ ବିସିସିଆଇ ଦଳର ଅନ୍ୟ ଖେଳାଳିଙ୍କ ଉପରେ ମଧ୍ୟ ଜରିମାନା ଲଗାଇଛି।

ଆଇପିଏଲ୍ ଦ୍ୱାରା ଜାରି ପ୍ରେସ ବିଜ୍ଞପ୍ତି ଅନୁଯାୟୀ, ''ସର୍ବନିମ୍ନ ଓଭର ରେଟ୍ ଅପରାଧ ସହ ଜଡିତ ଆଇପିଏଲ୍ ଆଚରଣ ବିଧି ଅନୁଯାୟୀ ଏହା ତାଙ୍କ ଦଳର ତୃତୀୟ ଅପରାଧ ହୋଇଥିବାରୁ ପାଣ୍ଡ୍ୟାଙ୍କୁ ୩୦ ଲକ୍ଷ ଟଙ୍କା ଜରିମାନା କରାଯାଇଛି ଏବଂ ଦଳର ପରବର୍ତ୍ତୀ ମ୍ୟାଚ୍ ଖେଳିବାକୁ ନେଇ ବାରଣ କରାଯାଇଛି।''

ଇମ୍ପାକ୍ଟ ପ୍ଲେୟାର ସମେତ ପ୍ଲେଇଂ ଇଲେଭେନ୍ ଖେଳୁଥିବା ମୁମ୍ବାଇ ଇଣ୍ଡିଆନ୍ସକୁ ବ୍ୟକ୍ତିଗତ ଭାବେ ୧୨ ଲକ୍ଷ ଟଙ୍କା କିମ୍ବା ନିଜ ନିଜ ମ୍ୟାଚ୍ ଫିସର ୫୦ ପ୍ରତିଶତ ଜରିମାନା କରାଯାଇଛି, ଯାହା କମ୍ ଅଟେ।

କହିରଖୁଛୁ ଯେ, ଆଇପିଏଲ୍ ୨୦୨୪ ରେ ମନ୍ଥର ଗତି ବୋଲିଂ ପାଇଁ ବ୍ୟାନ ହୋଇଥିବା ହାର୍ଦ୍ଦିକ ପାଣ୍ଡ୍ୟା ହେଉଛନ୍ତି ଦ୍ୱିତୀୟ ଅଧିନାୟକ। ଏହାପୂର୍ବରୁ ବିସିସିଆଇ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଋଷଭ ପନ୍ତଙ୍କୁ ଗୋଟିଏ ମ୍ୟାଚ୍ ପାଇଁ ବ୍ୟାନ କରିଥିଲା। ଏହି ପ୍ରତିବନ୍ଧକ ଯୋଗୁଁ ପନ୍ତ ଆରସିବି ବିପକ୍ଷରେ ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍ ଖେଳିପାରି ନଥିଲେ।

ଟସ୍ ହାରିବା ଓ ପ୍ରଥମେ ବ୍ୟାଟିଂ କରିବାକୁ ଚୟନ କରିବା ପରେ ଲକ୍ଷ୍ନୌ ସୁପର ଜିଆଣ୍ଟସ୍ ଅଧିନାୟକ କେ.ଏଲ୍ ରାହୁଲ ଏବଂ ନିକୋଲାସ ପୁରନଙ୍କ ଅର୍ଦ୍ଧଶତକ ଆଧାରରେ ଧାର୍ଯ୍ୟ ୨୦ ଓଭରରେ ୨୧୪ ରନ୍ କରିଥିଲେ। ରାହୁଲ ୫୫ ରନର ଦ୍ରୁତ ଇନିଂସ ଖେଳିଥିବା ବେଳେ ପୁରନ ୭୫ ରନର ଦ୍ରୁତ ଇନିଂସ ଖେଳିଥିଲେ। ଏହି ସ୍କୋରକୁ ପିଛାକରି ରୋହିତ ଶର୍ମା ୬୮ ରନ୍‌ର ତୁଫାନି ଧୁଆଁଧାର ଇନିଂସ ଖେଳି ଦଳକୁ ଭଲ ଆରମ୍ଭ କରିଥିଲେ ମଧ୍ୟ ଅନ୍ୟ ପ୍ରାନ୍ତରୁ ତାଙ୍କୁ କୌଣସି ସମର୍ଥନ ମିଳି ନଥିଲା। ଶେଷରେ, ନମନ ଓଝା ୨୮ ବଲରେ ଅପରାଜିତ ୬୨ ରନ ସ୍କୋର କରିଥିଲେ ମଧ୍ୟ ସେ ଦଳକୁ ବିଜୟ ଆଡକୁ ନେଇପାରିନଥିଲେ। କେବଳ MI କେବଳ ୧୯୬ ରନ୍ କରିବାରେ ସକ୍ଷମ ହୋଇଥିଲା।