'୨୦ କିଲୋ ଓଜନ କମ୍ କର, ମୁଁ IPL ରେ ନେବି... ' ଧୋନିଙ୍କୁ ନେଇ ଏକ ରୋଚକ ଖୁଲାସା କଲେ ଆଫଗାନିସ୍ତାନ ଖେଳାଳି

IPL 2024: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍ ୨୦୨୪) ପାଇଁ ପ୍ରସ୍ତୁତି ଆରମ୍ଭ ହୋଇଛି । ୧୯ ଡିସେମ୍ବରରେ ଖେଳାଳିଙ୍କ ନିଲାମ ହେବାକୁ ଯାଉଛି । ଦୁବାଇରେ ଆୟୋଜିତ ହେବାକୁ ଥିବା ଆଇପିଏଲ୍ ୨୦୨୪ ନିଲାମରେ ଅନେକ ଦେଶର ଦଳର ଖେଳାଳିଙ୍କୁ ନିଲାମ କରାଯିବ । ବର୍ତ୍ତମାନ ଆଫଗାନିସ୍ତାନ ଦଳର ୱିକେଟ୍ କିପର ବ୍ୟାଟ୍ସମ୍ୟାନ୍ ମହମ୍ମଦ ଶାହାଜାଦ ଆଇପିଏଲରେ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନିଙ୍କ ବିଷୟରେ ଏକ ବଡ଼ ଖୁଲାସା କରିଛନ୍ତି ।

କ୍ରିକେଟ୍ ଦୁନିଆରେ କିଛି ଖେଳାଳି ଅଛନ୍ତି ଯାହାର ଫିଟନେସ୍ ସେତେ ଭଲ ନୁହେଁ । ତଥାପି ସେମାନଙ୍କର ପ୍ରଦର୍ଶନ ଆଶ୍ଚର୍ଯ୍ୟଜନକ ଓ ସେ ନିଜ ଦେଶ ଦଳ ପାଇଁ କ୍ରିକେଟ୍ ଖେଳିଛନ୍ତି । ସେହି ଖେଳାଳିମାନଙ୍କ ମଧ୍ୟରୁ ଜଣେ ହେଉଛନ୍ତି ଆଫଗାନିସ୍ତାନର ୱିକେଟ୍ କିପର ବ୍ୟାଟ୍ସମ୍ୟାନ୍ ମହମ୍ମଦ ଶାହଜାଦ । ଯାହାଙ୍କୁ ଆଇପିଏଲରେ ଖେଳାଇବା ନେଇ ମହେନ୍ଦ୍ର ସିଂ ଧୋନି ଏକ ବଡ଼ କଥା କହିଥିଲେ ।

ଓଜନ କମ୍ କରିବାକୁ ଶାହଜାଦଙ୍କୁ ପରାମର୍ଶ ଦେଇଥିଲେ ଧୋନି 
ମହମ୍ମଦ ଶାହଜାଦ ଆଇପିଏଲ ଖେଳିବାକୁ ଚାହୁଁଥିଲେ । ଆଫଗାନିସ୍ତାନ ଦଳର ପୂର୍ବତନ ଅଧିନାୟକ ଅସଗର ଆଫଗାନିସ୍ତାନ କହିଛନ୍ତି ଯେ ଧୋନି କହିଥିଲେ ଯେ ଯଦି ମହମ୍ମଦ ଶାହଜାଦ ୨୦ କିଲୋଗ୍ରାମ ଓଜନ କମ୍ କରନ୍ତି, ତେବେ ସେ ତାଙ୍କୁ ଆଇପିଏଲ ଖେଳିବାକୁ ନିମନ୍ତ୍ରଣ କରିବେ । କହି ରଖୁଛୁ ଯେ ଶାହଜାଦ ଆଫଗାନିସ୍ତାନ ଦଳ ପାଇଁ ୮୪ ଟି ODI ମ୍ୟାଚ୍ ଖେଳିଛନ୍ତି । ଯେଉଁଥିରେ ସେ ୨୭୨୭ ରନ୍ ସ୍କୋର କରିଛନ୍ତି, ଏଥିରେ ତାଙ୍କର ୬ଟି ଶତକ ରହିଛି । ଏହା ବ୍ୟତୀତ ସେ ଆଫଗାନିସ୍ତାନ ଦଳ ପାଇଁ ସେ ୭୩ ଟି ଟି-୨୦ ମ୍ୟାଚ୍ ମଧ୍ୟ ଖେଳିଛନ୍ତି । ଏହି ସମୟରେ ସେ ୨୦୪୮ ରନ୍ କରିଥିଲେ ।

ଆଫଗାନିସ୍ତାନ ଦଳର ପୂର୍ବତନ ଅଧିନାୟକ କହିଛନ୍ତି ଏହି ଘଟଣା ଏସିଆ କପ୍ ୨୦୧୮ ସମୟରେ ଘଟିଥିଲା ​​। ଯେତେବେଳେ ମ୍ୟାଚ୍ ଭାରତ ଓ ଆଫଗାନିସ୍ତାନ ମଧ୍ୟରେ ଖେଳାଯାଇଥିଲା, ଯଦିଓ ଏହି ମ୍ୟାଚ୍ ଏକ ଟାଇ ଥିଲା । ସେହି ସମୟରେ ଭାରତୀୟ ଦଳର ଅଧିନାୟକ ଥିଲେ ମହେନ୍ଦ୍ର ସିଂ ଧୋନି । ମ୍ୟାଚ୍ ପରେ ଆଫଗାନିସ୍ତାନ ଦଳର ଅଧିନାୟକ ଅସଗର ଧୋନିଙ୍କ ସହ ଦୀର୍ଘ ସମୟ ଧରି ବାର୍ତ୍ତାଳାପ କରିଥିଲେ । ଏହି ସମୟ ମଧ୍ୟରେ ମହମ୍ମଦ ଶାହଜାଦଙ୍କ ବିଷୟରେ ଏହି ଦୁଇଜଣଙ୍କ ମଧ୍ୟରେ କଥାବାର୍ତ୍ତା ମଧ୍ୟ ହୋଇଥିଲା । ଯେଉଁସମୟରେ ଧୋନି ଏକ ମଜାଳିଆ ପ୍ରତିକ୍ରିୟା ଦେଇଥିଲେ ।

କହିରଖୁଛୁ ଯେ ମହେନ୍ଦ୍ର ସିଂ ଧୋନି ପୁଣି ଥରେ ଆଇପିଏଲରେ ଖେଳୁଥିବା ନଜର ଆସିବେ । ଗତ ସିଜନରେ ତାଙ୍କ ଅଧିନାୟକତ୍ୱରେ ଧୋନି ଚେନ୍ନାଇ ସୁପର କିଙ୍ଗ୍ସ ପାଇଁ ଚତୁର୍ଥ ଆଇପିଏଲ୍ ଟ୍ରଫି ଜିତାଇଥିଲେ । ଏବେ ପୁଣି ଥରେ ମହେନ୍ଦ୍ର ସିଂ ଧୋନିଙ୍କୁ କ୍ରିକେଟ୍ ଫିିଲ୍ଡରେ ଦେଖିବାକୁ ମିଳିବ ।