IND vs AUS: ଦ୍ୱିତୀୟ ଟି-୨୦ ରେ ଅଷ୍ଟ୍ରେଲିଆକୁ ପରାସ୍ତ କଲା ଭାରତ, ଏମାନେ ହେଉଛନ୍ତି ଟିମ୍ ଇଣ୍ଡିଆ ବିଜୟର ପାଞ୍ଚ ହିରୋ

India Beats Australia 2nd T20: ପାଞ୍ଚ ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ମ୍ୟାଚରେ ଅଷ୍ଟ୍ରେଲିଆକୁ ପରାସ୍ତ କରି ଭାରତ ସିରିଜରେ ୨-୦ ଅଗ୍ରଣୀ ହାସଲ କରିଛି ।

IND vs AUS 2nd T20: ଭାରତ ଓ ଅଷ୍ଟ୍ରେଲିଆ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ମ୍ୟାଚ୍ ଆଜି ଥିରୁବନନ୍ତପୁରମରେ ଖେଳାଯାଇଥିଲା । ଏହି ମ୍ୟାଚ୍ ଜିତି ଭାରତୀୟ ଦଳ ସିରିଜରେ ୨-୦ ଅଗ୍ରଣୀ ହାସଲ କରିଛି । ଏହି ସିରିଜରେ ଅଷ୍ଟ୍ରେଲିଆର କ୍ରମାଗତ ଦ୍ୱିତୀୟ ପରାଜୟ । ୨୩୬ ରନ୍‌ର ଟାର୍ଗେଟକୁ ପିଛାକରି ଅଷ୍ଟ୍ରେଲିଆ ଦଳ ୯ ୱିକେଟ୍ ହରାଇ ମାତ୍ର ୧୯୧ ରନ ସ୍କୋର କରିପାରିଥିଲା । ଏହିପରି ଭାରତ ୪୪ ରନରେ ବିଜୟୀ ହୋଇଛି । ଭାରତ ପାଇଁ ବୋଲିଂ କରିଥିବା ରବି ବିଷ୍ଣୋଇ ଓ ପ୍ରସିଦ୍ଧ କ୍ରୀଷ୍ଣା ସର୍ବାଧିକ ୩ଟି ଲେଖାଁଏ ୱିକେଟ୍ ନେଇଥିଲେ । ଏହା ବ୍ୟତୀତ ଅକ୍ଷର ପଟେଲ, ଅର୍ଶଦୀପ ସିଂ ଓ ମୁକେଶ କୁମାର ଗୋଟିଏ ଲେଖାଏଁ ୱିକେଟ୍ ନେଇଥିଲେ ।

ଟିମ୍ ଇଣ୍ଡିଆର ସବୁଠାରୁ ବଡ ସ୍କୋର!
ଏହି ମ୍ୟାଚ୍‌ରେ ଭାରତୀୟ ଦଳ ପ୍ରଥମେ ବ୍ୟାଟିଂ କରି ୨୦ ଓଭରରେ ୪ ୱିକେଟ୍ ହରାଇ ୨୩୫ ରନ୍ ସଂଗ୍ରହ କରିଥିଲା । ଅଷ୍ଟ୍ରେଲିଆ ବିପକ୍ଷ ଟି-୨୦ ଇଣ୍ଟରନ୍ୟାସନାଲରେ ଏହା ମଧ୍ୟ ଭାରତର ସବୁଠାରୁ ବଡ ସ୍କୋର ଥିଲା । ଏହି ମ୍ୟାଚ୍ ଜିତିବା ପାଇଁ ଅଷ୍ଟ୍ରେଲିଆ ଆଗରେ ୨୩୬ ରନ୍ ଲକ୍ଷ୍ୟ ଥିଲା ​​କିନ୍ତୁ ଅଷ୍ଟ୍ରେଲିଆ ଦଳ ଏହି ଲକ୍ଷ୍ୟରେ ପହଞ୍ଚିବାରେ ବିଫଳ ହୋଇଥିଲା । ଭାରତୀୟ ବ୍ୟାଟ୍ସମ୍ୟାନଙ୍କ ପରେ ବୋଲରମାନେ ମଧ୍ୟ ଚମତ୍କାର ପ୍ରଦର୍ଶନ କରିଥିଲେ ।

ଅଷ୍ଟ୍ରେଲିଆ ପାଇଁ ବ୍ୟାଟିଂ କରି ମାର୍କସ ଷ୍ଟୋଇନିସ ସର୍ବାଧିକ ୪୫ ରନର ଇନିଂସ ଖେଳିଥିଲେ । ଏହା ବ୍ୟତୀତ ଟିମ୍ ଡେଭିଡ୍ ୩୭ ରନ୍ ଓ ଷ୍ଟିଭ୍ ସ୍ମିଥ୍-ମାଥ୍ୟୁ ସର୍ଟ ୧୯ ରନ୍ 
ଲେଖାଁଏ ସ୍କୋର କରିଥିଲେ । ଏହି ମ୍ୟାଚ୍‌ରେ ଅଷ୍ଟ୍ରେଲିଆ ଷ୍ଟାର ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲଙ୍କୁ ମଧ୍ୟ ଦଳରେ ସାମିଲ କରିଥିଲା ​​କିନ୍ତୁ ମ୍ୟାକ୍ସୱେଲ ମଧ୍ୟ ଏହି ମ୍ୟାଚରେ କିଛି ବିଶେଷ କରିପାରିନଥିଲେ । ଏହି ମ୍ୟାଚରେ ମ୍ୟାକ୍ସୱେଲଙ୍କ ବ୍ୟାଟରୁ ମାତ୍ର ୧୨ ରନ୍ ଆସିଥିଲା ।

ଏମାନେ ହେଉଛନ୍ତି ଭାରତର ବିଜୟର ୫ ହିରୋ 
ତିନି ଜଣ ବ୍ୟାଟ୍ସମ୍ୟାନ୍ ଭାରତ ତରଫରୁ ଅର୍ଦ୍ଧଶତକ ହାସଲ କରିଥିଲେ । ରୁତୁରାଜ ଗାଇକୱାଡ ୫୮ ରନ, ଯଶସ୍ୱି ଜୈସୱାଲ ୫୩ ରନ ଓ ଇଶାନ କିଶନ ୫୨ ରନ ସ୍କୋର କରିଥିଲେ । ଏହା ବ୍ୟତୀତ ରିଙ୍କୁ ସିଂ ୩୧ ରନର ଅପରାଜିତ ଇନିଂସ ଖେଳିଥିଲେ ଓ ଅଧିନାୟକ ସୂର୍ଯ୍ୟକୁମାର ଯାଦବ ୧୯ ରନ ସ୍କୋର କରିଥିଲେ । କିନ୍ତୁ ଅର୍ଦ୍ଧଶତକ ଟପ୍ ୩ ବ୍ୟାଟ୍ସମ୍ୟାନ୍ ଭାରତର ବିଜୟର ହିରୋ ଥିଲେ । ବୋଲିଂରେ ରବି ବିଷ୍ଣୋଇ  ତିନୋଟି ବଡ ୱିକେଟ୍ ମାଥ୍ୟୁ ସର୍ଟ, ଟିମ୍ ଡେଭିଡ ଓ ଜୋଶ ଇଂଲିଶଙ୍କ ଆକାରରେ ନେଇଥିଲେ । ଏହା ପରେ ଷ୍ଟିଭ୍ ସ୍ମିଥ୍, ସେର୍ଣ୍ଣ ଆବଟ୍ଟ ଓ ନାଥାନ୍ ଏଲିସ୍ଙ୍କୁ ପ୍ରସିଦ୍ଧ କ୍ରୀଷ୍ଣା ପାଭିଲିୟନକୁ ପଠାଇ ଭାରତକୁ ବିଜୟ ଆଡକୁ ନେଇଥିଲେ । ଯଶସ୍ୱି, ରୁତୁରାଜ, ଇଶାନ କିଶାନ, ରବି ବିଷ୍ଣୋଇ ଓ ପ୍ରସିଦ୍ଧ କ୍ରୀଷ୍ଣା ଭାରତର ବିଜୟର ହିରୋ ଥିଲେ ।