IPL 2024: ନାଇଟ୍ ରାଇଡର୍ସକୁ ପୁଣି ଝଟକା, ବାଦ ପଡ଼ିବେ ଏହି ଖେଳାଳି

IPL 2024: ଆଇପିଏଲ୍ ୨୦୨୪ (IPL 2024) ନେଇ ସମୟ ଯେତିକି ସମୟ ପାଖେଇ ଆସୁଛି କ୍ରିକେଟ୍ ପ୍ରେମୀଙ୍କ ମଧ୍ଯରେ ଉତ୍କଣ୍ଠା ସେତିକି ବଢିବାରେ ଲାଗିଛି । ତେବେ ଆଇପିଏଲ ଆରମ୍ଭ ପୂର୍ବରୁ କୋଲକାତା ନାଇଟ୍ ରାଇଡର୍ସ (kolkata knight riders) ପାଇଁ ସମସ୍ୟା ବଢିବାରେ ଲାଗିଛି । ଦଳର ଜଣେ ଖେଳାଳି ପ୍ରାରମ୍ଭିକ ମ୍ୟାଚ୍ ରୁ ବାଦ ପଡ଼ିବ ନେଇ ଚର୍ଚ୍ଚା ହେଉଛି ।

ଖବର ଅନୁଯାୟୀ, ମାର୍ଚ୍ଚ ୨୩ରୁ କୋଲକାତା ଆଇପିଏଲରେ ନିଜର ଅଭିଯାନ ଆରମ୍ଭ କରିବ । ପ୍ରଥମ ମ୍ୟାଚ୍ ରେ ସନରାଇଜର୍ସ ହାଇଦ୍ରାବାଦ (sunrisers Hyderabad) ସହ ମୁହାଁମୁହିଁ ହେବ ଦଳ । ତେବେ ଜେସନ୍ ରୟଙ୍କ (Jason Roy) ନାଁ ପ୍ରତ୍ୟାହାର ପରେ ଦଳକୁ ଝଟକା ଲାଗିଥିବା ବେଳେ ଏବେ ଆଉ ଜଣେ ଖେଳାଳି ପ୍ରାରମ୍ଭିକ କିଛିଟା ମ୍ୟାଚ୍ ରୁ ବାଦ ପଡ଼ିବା ନେଇ ଚର୍ଚ୍ଚା ହେଉଛି । ଏପରି ସ୍ଥିତିରେ ଟିମ୍ ଉପରେ ଚାପ ବଢିପାରେ ବୋଲି କୁହାଯାଉଛି । ବାସ୍ତବରେ, ବର୍ତ୍ତମାନ ଭାରତରେ ରଣଜୀ ଟ୍ରଫି (Ranji Trophy 2024) ଖେଳାଯାଉଛି । ମୁମ୍ବାଇ ଓ ବିଦର୍ଭ (Mumbai vs Vidarbha) ମଧ୍ୟରେ ଫାଇନାଲ ମ୍ୟାଚ୍ ଜାରି ରହିଛି । କେକେଆର ଅଧିନାୟକ ଶ୍ରେୟାସ ଆୟର (Shreyas Iyer) ମୁମ୍ବାଇ ପାଇଁ ଏହି ମ୍ୟାଚ୍ ଖେଳୁଛନ୍ତି। ଅନ୍ତିମ ମ୍ୟାଚ୍ ରେ ଶ୍ରେୟସ୍ ୯୫ ରନର ଚମତ୍କାର ଇନିଂସ ଖେଳିଥିଲେ। ଯେଉଁଥିରେ ୧୦ ଚୌକା ଓ ୩ଟି ଛକା ସାମିଲ ରହିଛି । ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ଇନିଂସ ସମୟରେ ଶ୍ରେୟାସଙ୍କ ପିଠିରେ ଆଘାତ ଲାଗିଥିଲା । ଯାହା ଫଳରେ ସେ ଆଇପିଏଲ୍ ର ପ୍ରଥମ ୪ଟି କିମ୍ବା ୫ଟି ମ୍ୟାଚ୍ ରୁ ବାଦ ପଡ଼ିପାରନ୍ତି ବୋଲି କୁହାଯାଉଛି । କେବଳ ଏତିକି ନୁହେଁ, ରଣଜୀ ଟ୍ରଫି ୨୦୨୪ ଫାଇନାଲର ଚତୁର୍ଥ ଦିନରେ ମଧ୍ଯ ଆୟରଙ୍କୁ ପଡ଼ିଆ ଛାଡିବାକୁ ପଡ଼ିଥିଲା ।  ତେବେ ଏନେଇ କୌଣସି ସରକାରୀ ସୂଚନା ମିଳିନାହିଁ। ଯଦି ଏପରି ହୁଏ ତାହାଲେ ଏହା କେକେଆର ପାଇଁ ସମସ୍ୟା ବଢିଯିବ।

Shreyas Iyer is in danger of missing the first few games of IPL 2024 due to back issues. [Gourav Gupta from TOI] pic.twitter.com/SQncN7Z3Kx

— Johns. (@CricCrazyJohns) March 14, 2024

ପ୍ରକାଶ ଥାଉ କି, ଆଘାତ ଯୋଗୁଁ ଆୟର ଆଇପିଏଲ ( IPL 2023)ରୁ ମଧ୍ଯ ବାଦ ପଡ଼ିଥିଲେ । ଖାଲି ଏତିକି ନୁହେଁ, ଆହତ ସମସ୍ୟା ଯୋଗୁଁ ଇଂଲଣ୍ଡ ବିପକ୍ଷ ୫ଟି ମ୍ୟାଚ୍ ଟେଷ୍ଟ ସିରିଜ୍ ମଧ୍ଯ ଖେଳି ନଥିଲେ ଏହି ଯୁବ ଖେଳାଳି । ଏହା ଏକ ରଣଜୀ ମ୍ୟାଚ୍ ରୁ ମଧ୍ଯ ବାଦ ପଡ଼ିଥିଲେ । ରଣଜୀ ଟ୍ରଫିକୁ ଅଣଦେଖା କରିବା ନେଇ ବିସିସିଆଇ ଆୟରଙ୍କୁ କେନ୍ଦ୍ରୀୟ ଚୁକ୍ତିରୁ ବାଦ ଦେଇଛି ।