IPL 2023: କାହିଁକି ଆଇପିଏଲ ମ୍ୟାଚ୍ ଖେଳୁନାହାଁନ୍ତି ଜୋଫ୍ରା ଆର୍ଚ୍ଚର, କେବେ ଦଳକୁ କରିବେ ପ୍ରତ୍ୟାବର୍ତ୍ତନ? ଜାଣନ୍ତୁ ଉତ୍ତର

IPL 2023: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (RCB) ବିପକ୍ଷରେ ମୁମ୍ବାଇ ଇଣ୍ଡିଆନ୍ସର ପ୍ରଥମ ମ୍ୟାଚରେ ଜୋଫ୍ରା ଆର୍ଚ୍ଚର (Jofra Archer) ଚଳିତ ଆଇପିଏଲରେ ଏଣ୍ଟ୍ରି କରିଥିଲେ ଓ ସେବେଠାରୁ ସେ ଆଘାତ ଯୋଗୁଁ ଦୁଇଟି ମ୍ୟାଚ୍ ମିସ୍ କରିଛନ୍ତି ।

IPL 2023: Jofra Archer, ମଙ୍ଗଳବାର ଦିଲ୍ଲୀ କ୍ୟାପିଟାଲ୍ସ (Delhi Capitals) ବିପକ୍ଷ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ (Mumbai Indians) ଷ୍ଟାର ଦ୍ରୁତ ବୋଲର ଜୋଫ୍ରା ଆର୍ଚ୍ଚର ଉପଲବ୍ଧ ନଥିଲେ । ଜୋଫ୍ରା ଆର୍ଚ୍ଚର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (RCB) ବିପକ୍ଷ ମୁମ୍ବାଇ ଇଣ୍ଡିଆନ୍ସର (MI) ପ୍ରଥମ ମ୍ୟାଚରେ ଏଣ୍ଟ୍ରି କରିଥିଲେ ଓ ସେହି ଦିନଠାରୁ ସେ ଆହତ କାରଣରୁ ଦୁଇଟି ମ୍ୟାଚ୍ ମିସ୍ କରି ସାରିଛନ୍ତି ।

ମୁମ୍ବାଇ ଇଣ୍ଡିଆନ୍ସ  ଅଧିନାୟକ ରୋହିତ ଶର୍ମା (Rohit Sharma) ଆଜି ଦିଲ୍ଲୀ ବିପକ୍ଷରେ ଟସ୍ ଜିତି ପ୍ରଥମେ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲେ । ଟସ୍ ଜିତିବା ପରେ ରୋହିତ କହିଥିଲେ- “ଆମେ ପ୍ରଥମ ମ୍ୟାଚ୍‌ରେ ବ୍ୟାଟିଂରେ ଭଲ ପ୍ରଦର୍ଶନ କରିନାହୁଁ । ପିଚ୍ ଶୁଖିଲା ଦେଖାଯାଉଛି ଓ କୌଣସି ମୋଡ଼ ନେଇପାରେ । ଷ୍ଟୁବ୍ସ ବଦଳରେ ରେଲି ମେରେଡିଥ୍ ପ୍ଲେଇଂ ଇଲେଭେନେରେ ସ୍ଥାନ ପାଇଛନ୍ତି । ଯେତେବେଳେ ଆପଣ ତଳେ ଥାଆନ୍ତି, ସେତେବେଳେ ଛିଡା ହେବା ପାଇଁ ଆପଣଙ୍କୁ ବରିଷ୍ଠ ଖେଳାଳୀ ଦରକାର । ଜୋଫ୍ରା ଆର୍ଚ୍ଚର ଆଜି ମଧ୍ୟ ଉପଲବ୍ଧ ନାହାନ୍ତି ।

'ଶୀଘ୍ର ହୋଇଯିବେ ଫିଟ୍'
ଏହାପୂର୍ବରୁ, CSK ବିପକ୍ଷ ମ୍ୟାଚ୍ ପରେ MI ମୁଖ୍ୟ କଚ ମାର୍କ ବାଉଚର୍ ଆର୍ଚ୍ଚରଙ୍କ ଆଘାତ ବିଷୟରେ କହିଥିଲେ । ବାଉଚର୍ କହିଥିଲେ ଯେ ଅର୍ଚ୍ଚରଙ୍କ ସାମାନ୍ୟ ନିଗଲ (ଯନ୍ତ୍ରଣା) ଅଛି । ଆମର ଯତ୍ନ ନେଉଥିବା ଏକ ଆଶ୍ଚର୍ଯ୍ୟଜନକ ଡାକ୍ତରୀ ଦଳ ଅଛନ୍ତି । ସେ ନିଶ୍ଚିତ ଭାବରେ ଆମ ପାଇଁ ଏକ ବଡ ଖେଳାଳି, ତେଣୁ ଆଶାକରୁ ସେ ଶୀଘ୍ର ତାଙ୍କୁ ଫିଟ୍ କରିପାରିବେ । ସେ କହିଛନ୍ତି- ଆମେ ସବୁବେଳେ ଖେଳାଳିଙ୍କ ଯତ୍ନ ନେବୁ, କିନ୍ତୁ ଏହି ସମୟରେ ଆମ ଦଳର ଡାକ୍ତରୀ ପରାମର୍ଶ ଅନୁସରଣ କରୁଛୁ । ଆଶା କରୁଛି ସେ ଖୁବ୍ ଶୀଘ୍ର ଚୟନ ପାଇଁ ପ୍ରସ୍ତୁତ ରହିବେ ।

ୟଶ ଧୁଲଙ୍କ ଆଇପିଏଲ୍ ଡେବ୍ୟୁ
ଅନ୍ୟପକ୍ଷରେ ଦିଲ୍ଲୀ ଅଧିନାୟକ ଡେଭିଡ ୱାର୍ଣ୍ଣର ଅଣ୍ଡର-୧୯ ଷ୍ଟାର ୟଶ ଧୁଲଙ୍କୁ ଆଇପିଏଲ ଡେବ୍ୟୁ କରିବାର ସୁଯୋଗ ଦେଇଛନ୍ତି । ଆହତ ଖଲିଲ ଅହମ୍ମଦଙ୍କ ସ୍ଥାନରେ ଧୁଲଙ୍କୁ ଦିଲ୍ଲୀ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି ।

ଆଇପିଏଲ୍ ୨୦୨୩ ର, ଲିଗ୍ ପର୍ଯ୍ୟାୟ ମ୍ୟାଚରେ ମଙ୍ଗଳବାର ଦିନ କ୍ୟାପିଟାଲ୍ସ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଉଛି । ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମା ଟସ୍ ଜିତିବା ପରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ପ୍ରଥମ ବ୍ୟାଟିଂ କରି ଦିଲ୍ଲୀ କ୍ୟାପିଟାଲ୍ସ ୨୦ ଓଭରରେ ୧୭୨ ରନ୍ ସଂଗ୍ରହ କରିଛି । କ୍ୟାପଟେନ୍ ଡେଭିଡ ୱାର୍ନର ସର୍ବାଧିକ ୫୨ ରନ୍ ସ୍କୋର କରିଥିଲେ ।