Hasan Ali: ଲାଇଭ ମ୍ୟାଚରେ ରାଗିପାଚି ଲାଲ ହେଲେ ପାକିସ୍ତାନୀ କ୍ରିକେଟର, ଦର୍ଶକଙ୍କୁ ପିଟିବାକୁ ଦୌଡ଼ିଲେ; ଦେଖନ୍ତୁ ଭିଡିଓ

Hasan Ali: ହାସନ ଅଲି ଏଠାରେ ଦର୍ଶକଙ୍କୁ ପିଟିବା ପାଇଁ ଦୌଡ଼ିଥିଲେ । ବର୍ତ୍ତମାନ ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ପ୍ରଶଂସକମାନେ ଲଗାତର ହାସନ ଅଲିଙ୍କୁ କ୍ୟାଚ୍ ଛାଡ଼ିବାକୁ ନେଇ ଚିଡ଼ାଉଥିଲେ । ଯାହା ପରେ ହାସନ ଅଲି ଅତ୍ୟନ୍ତ କ୍ରୋଧିତ ହୋଇଯାଇଥିଲେ ।

Hasan Ali: ପାକିସ୍ତାନ କ୍ରିକେଟ ଦଳ (Pakistan Cricket Team) ର ଦ୍ରୁତ ବୋଲର ହାସନ ଅଲି (Hasan Ali) ବର୍ତ୍ତମାନ ଚର୍ଚ୍ଚାରେ । ହାସନ ଅଲି ବିଗତ କିଛି ସମୟ ଧରି ପାକିସ୍ତାନ କ୍ରିକେଟ ଦଳରୁ ବାହାର ଅଛନ୍ତି । ପାକିସ୍ତାନ ଦ୍ରୁତ (Pakistan Fast Bowler) ବୋଲର ହାସନ ଅଲି ରବିବାର ପଞ୍ଜାବ ପ୍ରଦେଶର ଆରିଫୱାଲାଠାରେ ଆୟୋଜିତ କ୍ରିକେଟ୍ ଟୁର୍ଣ୍ଣାମେଣ୍ଟରେ ଏପରି କିଛି କରିଛନ୍ତି, ଯାହାର ଚର୍ଚ୍ଚା ସାରା ଦୁନିଆରେ ହେଉଛି । ହାସନ ଅଲି ଏଠାରେ ଦର୍ଶକଙ୍କୁ ପିଟିବା ପାଇଁ ଦୌଡ଼ିଥିଲେ । ବର୍ତ୍ତମାନ ଏହାର ଭିଡିଓ (Hasan Ali Video) ସୋସିଆଲ ମିଡିଆରେ ଭାଇରାଲ ହେଉଛି । ପ୍ରଶଂସକମାନେ ଲଗାତର ହାସନ ଅଲିଙ୍କୁ କ୍ୟାଚ୍ ଛାଡ଼ିବାକୁ ନେଇ ଚିଡ଼ାଉଥିଲେ । ଯାହା ପରେ ହାସନ ଅଲି ଅତ୍ୟନ୍ତ କ୍ରୋଧିତ ହୋଇଯାଇଥିଲେ ।

ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ଭିଡିଓରେ ଜଣେ ଦର୍ଶକ ହାସନ ଅଲି (Hasan Ali) ଙ୍କ ବିରୋଧରେ ଲଗାତର ଭାବରେ ଅଭଦ୍ର ଟିପ୍ପଣୀ କରୁଛନ୍ତି, ଯାହା ପରେ ସେ ସେହି ଦର୍ଶକଙ୍କୁ ପିଟିବା ପାଇଁ ଦୌଡ଼ନ୍ତି । କିନ୍ତୁ ଆୟୋଜକମାନେ ତାଙ୍କୁ ମଝିରେ ଆସି ଅଟକାଇ ପରିସ୍ଥିତିକୁ ନିୟନ୍ତ୍ରଣ କରନ୍ତି । ଏହି ଘଟଣା ପାକିସ୍ତାନର ଦୁଇ ପୂର୍ବତନ ଅଧିନାୟକ ଇନଜାମାମ-ଉଲ-ହକ (Inzamam-ul-Haq) ଓ ୟୁନିସ୍ ଖାନ (Younis Khan) ଙ୍କ ମଧ୍ୟରେ ସେହି ଝଗଡାକୁ ମନେ ପକାଇ ଦେଇଛି । 

ଏଠାରେ କହି ରଖୁଛୁ ଯେ, ଯେତେବେଳେ ହାସନ ଅଲି (Hasan Ali) ସୀମା ରେଖା ନିକଟରେ ଫିଲ୍ଡିଂ କରୁଥିଲେ, ସେତେବେଳେ ଜଣେ ଦର୍ଶକ ଗତ ବର୍ଷ ୟୁଏଇରେ ଖେଳା ଯାଇଥିବା ବିଶ୍ୱକପରେ ଅଷ୍ଟ୍ରେଲିଆ ବିପକ୍ଷ ପାକିସ୍ତାନର ସେମିଫାଇନାଲ ମ୍ୟାଚ୍‌ରେ ଏକ କ୍ୟାଚ୍‌ ଛାଡ଼ିବାକୁ ନେଇ  ଥଟ୍ଟା କରିବା ଆରମ୍ଭ କରିଥିଲେ । କ୍ରମାଗତ ଭାବରେ ଏହିପରି ଥଟ୍ଟା କରିବା ପରେ ମଧ୍ୟ ହାସନ ଅଲି କିଛି ସମୟ ପାଇଁ ପ୍ରତିକ୍ରିୟା ଦେଇନଥିଲେ, କିନ୍ତୁ ପରେ ଦର୍ଶକ ଗ୍ୟାଲେରୀରେ ଠିଆ ହୋଇଥିବା ବ୍ୟକ୍ତିଙ୍କ ସହ ବାଦବିବାଦ କରି ତାଙ୍କ ଆଡକୁ ଆକ୍ରମଣାତ୍ମକ ଭାବରେ ଦୌଡିବାକୁ ଲାଗିଲେ ।

VIDEO:-https://twitter.com/nomanedits/status/1599108754666008576?ref_src=twsrc%...

ଏହା ବି ପଢ଼ନ୍ତୁ:-ଲକ୍ଷ ଲକ୍ଷ ପେନସନଭୋଗୀଙ୍କ ପାଇଁ ବଡ଼ ଖୁସି ଖବର, ପେନସନରେ ହେବ ଏତେ ଟଙ୍କାର ବୃଦ୍ଧି!

ଏହା ବି ପଢ଼ନ୍ତୁ:-ଟିମ୍ ଇଣ୍ଡିଆକୁ ବଡ଼ ଝଟକା, ରୋହିତ ଶର୍ମା ଆହତ ହୋଇ ପହଞ୍ଚିଲେ ହସ୍ପିଟାଲ; ଜାଣନ୍ତୁ ପୂରା ଘଟଣା

ଏହା ବି ପଢ଼ନ୍ତୁ:-RBI ପୁଣି ଦେଲା ଝଟକା! ସମସ୍ତ ପ୍ରକାରର ଲୋନ୍ ହେବ ମହଙ୍ଗା

ଯଦିଓ ଆୟୋଜକମାନେ ତାଙ୍କୁ ମଝିରେ ଅଟକାଇଥିଲେ ମଧ୍ୟ ଭିଡ଼ରୁ କିଛି ଦର୍ଶକ ତାଙ୍କ ବ୍ୟବହାରକୁ ନେଇ ଅସନ୍ତୋଷ ବ୍ୟକ୍ତ କରି କହିଛନ୍ତି ଯେ, ହାସନ ଅଲି (Hasan Ali) ଙ୍କ ବ୍ୟବହାର ଅନ୍ତର୍ଜାତୀୟ ଖେଳାଳିଙ୍କ ଅନୁରୂପ ନଥିଲା । ହାସନ ଅଲିଙ୍କ ନିକଟ ସୂତ୍ରରୁ ଜଣାପଡିଛି ଯେ, ଦର୍ଶକ ଖରାପ ଭାଷା ବ୍ୟବହାର କରିବା ପରେ ବୋଲର ନିଜର କ୍ରୋଧ ଉପରେ ନିୟନ୍ତ୍ରଣ ହରାଇଥିଲେ । ସେ କହିଛନ୍ତି ଯେ ହାସନ ଅଲି ସ୍ଥାନୀୟ କ୍ରିକେଟକୁ ପ୍ରୋତ୍ସାହିତ କରିବା ପାଇଁ ଏକ ଟୁର୍ଣ୍ଣାମେଣ୍ଟରେ ଖେଳୁଥିଲେ ଓ ତାଙ୍କ ସହ ଏପରି ଘଟିଛି ।

ସୂଚନାଯୋଗ୍ୟ, ହାସନ ଅଲି (Hasan Ali) ଭାରତର ବାସିନ୍ଦା ଶାମିଆ ଅର୍ଜୁଙ୍କୁ ବିବାହ କରିଛନ୍ତି । ସେ ନିଜ ଦମରେ ୨୦୧୭ ମସିହାରେ ପାକିସ୍ତାନୀ ଦଳକୁ ଚାମ୍ପିଅନ୍ସ ଟ୍ରଫି ଜିତାଇ ଥିଲେ । କିନ୍ତୁ ଗତ ଟି-20 ବିଶ୍ୱକପ ପରଠାରୁ ସେ ପାକିସ୍ତାନୀ ଦଳରୁ ବାହାର ଅଛନ୍ତି ।