Paris Olympics: ନୀରଜ ଚୋପ୍ରା ସ୍ୱର୍ଣ୍ଣ ପଦକ ଜିତିଲେ ଆପଣ ମଧ୍ୟ ହୋଇପାରିବେ ଧନୀ! ଋଷଭ ପନ୍ତ ଦେଲେ ଏହି ବିଶେଷ ଅଫର

Paris Olympics 2024: ପ୍ୟାରିସ୍ ଅଲିମ୍ପିକ୍ସ ୨୦୨୪ ରେ ଭାରତ ଏପର୍ଯ୍ୟନ୍ତ ମାତ୍ର ୩ଟି ପଦକ ଜିତିଛି। ସୁଟିଂରୁ ଭାରତ ତିନୋଟି ପଦକ ପାଇଛି। ଜାଭେଲିନ୍ ଥ୍ରୋର ଯୋଗ୍ୟତା ପର୍ଯ୍ୟାୟରେ ନୀରଜ ଜାଭେଲିନ୍ ୮୯.୩୪ ମିଟର ଫିଙ୍ଗି ଫାଇନାଲରେ ପ୍ରବେଶ କରିଛନ୍ତି। ବର୍ତ୍ତମାନ ନୀରଜ ଜାଭେଲିନ୍ ଥ୍ରୋ'ର ପାଇନାଲ ମ୍ୟାଚ୍ ୮ ଅଗଷ୍ଟରେ ଖେଳିବେ, ଏହା ପୂର୍ବରୁ ପନ୍ତ ପ୍ରଶଂସକମାନଙ୍କୁ ଏକ ବିଶେଷ ଅଫର୍ ଦେଇଛନ୍ତି।

Rishabh Pant on Neeraj Chopra: ପ୍ୟାରିସ୍ ଅଲିମ୍ପିକ୍ସ ୨୦୨୪ ର ପୁରୁଷ ଜାଭେଲିନ୍ ଥ୍ରୋ ଯୋଗ୍ୟତା ରାଉଣ୍ଡରେ ୮୯.୩୪ ମିଟରର ଜାଭେଲିନ୍ ଫିଙ୍ଗି ନୀରଜ ଚୋପ୍ରା ଫାଇନାଲରେ ପ୍ରବେଶ କରିଛନ୍ତି। ନୀରଜ ଚୋପ୍ରା ବର୍ତ୍ତମାନ ୮ ଅଗଷ୍ଟରେ ନିଜର ଫାଇନାଲ ମ୍ୟାଚ୍ ଖେଳିବେ। ଏହି ମ୍ୟାଚରେ ସ୍ୱର୍ଣ୍ଣ ଜିତି ସେ କ୍ରମାଗତ ଦ୍ୱିତୀୟ ଅଲିମ୍ପିକ୍ସରେ ପଦକ ଜିତିବାକୁ ଚାହୁଁଛନ୍ତି।

ଦେଶ ନୀରଜ ଚୋପ୍ରାଙ୍କ ଠାରୁ ସ୍ୱର୍ଣ୍ଣ ପଦକ ପାଇବାକୁ ଆଶା ରଖିଛି। ଏଥି ସହିତ ପ୍ରଶଂସକମାନେ ମଧ୍ୟ ନୀରଜଙ୍କୁ ଆକ୍ସନରେ ଦେଖିବାକୁ ହତାଶ। ଏହି ସମୟରେ ଟିମ୍ ଇଣ୍ଡିଆର ଷ୍ଟାର କ୍ରିକେଟର ଋଷଭ ପନ୍ତ ନୀରଜ ଚୋପ୍ରାଙ୍କୁ ସ୍ୱର୍ଣ୍ଣ ପଦକ ଜିତିବା ନେଇ ଏକ ବଡ଼ ଅଫର ଦେଇଛନ୍ତି, ଯାହା ଜାଣି ପ୍ରଶଂସକମାନେ ଖୁସି ହୋଇଛନ୍ତି।

ବାସ୍ତବରେ ଟିମ୍ ଇଣ୍ଡିଆର ଷ୍ଟାର କ୍ରିକେଟର ଋଷଭ ପନ୍ତ ଅଗଷ୍ଟ ୭ ସକାଳ ୭:୦୫ ରେ ଏକ ଟ୍ୱିଟ୍ ସେୟାର କରିଛନ୍ତି ଯେଉଁଥିରେ ସେ ଲେଖିଛନ୍ତି, "ଯଦି ନୀରଜ ଚୋପ୍ରା ଆସନ୍ତାକାଲି ସ୍ୱର୍ଣ୍ଣ ପଦକ ଜିତିବେ, ତେବେ ମୁଁ ଭାଗ୍ୟଶାଳୀ ବିଜେତାଙ୍କୁ ୧୦୦୦୮୯ ଟଙ୍କା ଦେବି, ଯିଏ ଟ୍ୱିଟକୁ ସର୍ବାଧିର ଲାଇକ୍ ଓ ସେୟାର କରିବ। ଅବଶିଷ୍ଟ ଶ୍ରେଷ୍ଠ ୧୦ ଜଣଙ୍କୁ ବିମାନ ଟିକେଟ ମିଳିବ। ଆସନ୍ତୁ ମୋ ଭାଇକୁ ଭାରତ ତଥା ବିଶ୍ୱର ସବୁଆଡୁ ସମର୍ଥନ କରିବା।"

If Neeraj chopra win a gold medal tomorrow. I will pay 100089 Rupees to lucky winner who likes the tweet and comment most . And for the rest top 10 people trying to get the atttention will get flight tickets . Let’s get support from india and outside the world for my brother

— Rishabh Pant (@RishabhPant17) August 7, 2024

ଏହି ଟ୍ୱିଟ୍ ପରେ ପନ୍ତ ଆଉ ଏକ ଟ୍ୱିଟ୍ କରିଛନ୍ତି ଯେଉଁଥିରେ ସେ ଲେଖିଛନ୍ତି ଯେ ମୁଁ ସମ୍ପୂର୍ଣ୍ଣ ଭାବେ ସହମତ ଯେ ଫଳାଫଳ ଯାହା ହେଉନା କାହିଁକି ଆମ ଆଥଲେଟ୍ ମାନଙ୍କୁ ସମର୍ଥନ କରିବା ଜରୁରୀ ଅଟେ। ସେମାନଙ୍କର ଉତ୍ସର୍ଗୀକୃତ, କଠିନ ପରିଶ୍ରମ ଓ କ୍ରୀଡାକୁ ଆଣିଥିବା ଉତ୍ସାହ ଯାହାକୁ ଆମେ ସମସ୍ତେ ପ୍ରଶଂସା କରିବା ଓ ପାଳନ କରିବା ଉଚିତ୍। ଚାଲନ୍ତୁ ବିଶ୍ୱକୁ ଭାରତୀୟ କ୍ରୀଡ଼ାର ଅବିଶ୍ୱାସନୀୟ ଆତ୍ମା ​​ଦେଖାଇବା!” ଟ୍ୱିଟ୍ ଶେଷରେ ଭାରତ ପତାକା ଓ ସ୍ୱର୍ଣ୍ଣ ପଦକ ଇମୋଜି ପନ୍ତ ସେୟାର କରିଛନ୍ତି।

I completely agree! Supporting our athletes is crucial, regardless of the outcome. Their dedication, hard work, and the spirit they bring to the games is something we should all appreciate and celebrate. Let's show the world the incredible spirit of Indian sports indeed! 

— Rishabh Pant (@RishabhPant17) August 7, 2024

ପନ୍ତଙ୍କ ଏହି ଟୁଇଟ୍ ପରେ ପ୍ରଶଂସକମାନେ ସୋସିଆଲ ମିଡିଆରେ କମେଣ୍ଟ ଦେଉଛନ୍ତି ଯେ ତାଙ୍କ ଆକାଉଣ୍ଟ ହ୍ୟାକ୍ ହୋଇଛି, କିନ୍ତୁ ଏପର୍ଯ୍ୟନ୍ତ ଋଷଭ ପନ୍ତ ଏ ସମ୍ପର୍କରେ କୌଣସି ଅଧିକାରୀକ ବୟାନ ଦେଇନାହାଁନ୍ତି।