ଆଇସିସି ସହ ଆଲୋଚନା ପାଇଁ ରାଜ ବର୍ତ୍ତମାନ ଦୁବାଇରେ ଅଛନ୍ତି ଏବଂ ବୈଠକ ଆଜି ଶେଷ ହେବ । ଖବର ଅନୁସାରେ ଆସନ୍ତା ସପ୍ତାହରେ PCB ରେ ବଡ ପରିବର୍ତ୍ତନ କରାଯାଇପାରେ ।
Trending Photos
5
5
12
6 "(ଫାଇଲ ଫଟୋ)")
Pakistan Political Crisis: ପାକିସ୍ତାନ ସରକାରରୁ ଇମ୍ରାନ ଖାନଙ୍କୁ (Imran Khan) ବହିଷ୍କାର କରାଯିବା ପରେ ପିସିବି ଅଧ୍ୟକ୍ଷ ରମିଜ ରାଜା (PCB chief Ramiz Raja) ମଧ୍ୟ ତାଙ୍କ ପଦରୁ ଇସ୍ତଫା ଦେଇପାରନ୍ତି । ଡେଲି ଜଙ୍ଗର ସୂତ୍ର ଅନୁଯାୟୀ ରମିଜ ରାଜା ଇମ୍ରାନ ଖାନଙ୍କର ଜଣେ ଘନିଷ୍ଠ ବନ୍ଧୁ ଥିଲେ, ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବା ପରେ ରମିଜ ରାଜା ମଧ୍ୟ ନିଜ ପଦ ଛାଡିପାରନ୍ତି । କହି ରଖୁଛୁ ଯେ, ନେସନାଲ ଆସେମ୍ବ୍ଲି (NA) ରେ ଅନାସ୍ଥା ଭୋଟ ହରାଇବା ପରେ ଇମ୍ରାନ ଖାନଙ୍କୁ ହଟାଇ ଦିଆଯାଇଛି । ସୋମବାର ଦିନ ପାକିସ୍ତାନ ସଂସଦରେ ନୂତନ ପ୍ରଧାନମନ୍ତ୍ରୀଙ୍କ ନାମ ଘୋଷଣା କରାଯିବ ।
ରିପୋର୍ଟ ଅନୁଯାୟୀ, ରମିଜ ରାଜା ଏହି ବିଷୟରେ ନିଜର ଘନିଷ୍ଠ ବନ୍ଧୁମାନଙ୍କ ସହ ପରାମର୍ଶ କରିଛନ୍ତି । ଦୁବାଇରେ ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ସହିତ ସାକ୍ଷାତ ପରେ ପିସିବି ଅଧ୍ୟକ୍ଷ ତାଙ୍କ ଇସ୍ତଫା ଘୋଷଣା କରିବାର ସମ୍ଭାବନା ରହିଛି ।
ଆଇସିସି ସହ ଆଲୋଚନା ପାଇଁ ରାଜ ବର୍ତ୍ତମାନ ଦୁବାଇରେ ଅଛନ୍ତି ଏବଂ ବୈଠକ ଆଜି ଶେଷ ହେବ । ଆସନ୍ତା ସପ୍ତାହରେ (ଏପ୍ରିଲ 11 ରୁ) PCB ରେ ବଡ ପରିବର୍ତ୍ତନ କରାଯାଇପାରିବ ବୋଲି ସୂତ୍ରରୁ ପ୍ରକାଶ ।
ଏଥିସହ ଘରୋଇ କ୍ରିକେଟ୍ ଗଠନରେ ପରିବର୍ତ୍ତନ କରାଯାଇପାରେ, ବିଭାଗୀୟ କ୍ରିକେଟ୍ ପୁନଃ ସ୍ଥାପିତ ହୋଇପାରେ ।
ଉଲ୍ଲେଖନୀୟ କଥା ହେଉଛି, ୩ ବର୍ଷ ୭ ମାସ ୨୩ ଦିନ ପରେ ଇମ୍ରାନ ଖାନଙ୍କ ସରକାର ଭାଙ୍ଗି ଯାଇଛି ଏବଂ ନୱାଜ ସରିଫଙ୍କ ସାନଭାଇ ଶାହବାଜ ସରିଫଙ୍କୁ ନୂତନ ପ୍ରଧାନମନ୍ତ୍ରୀ କରିବା ପାଇଁ ବିରୋଧୀ ଦଳ ବାଛି ସାରିଛନ୍ତି ।
ଏହା ବି ପଢ଼ନ୍ତୁ: ପିଏମ ହେବା ପୂର୍ବରୁ ନିଜ ଅସଲ ରୂପ ଦେଖାଇଲେ ଶାହବାଜ ସରିଫ; କାଶ୍ମୀରକୁ ନେଇ ବିଳାପ କଲେ
ଏହା ବି ପଢ଼ନ୍ତୁ: ପାକିସ୍ତାନର ନୂଆ ସରକାରରେ କିଏ ହେବେ ବୈଦେଶିକ ମନ୍ତ୍ରୀ? ଏହି ଯୁବ ନେତାଙ୍କ ନାମରେ ଚର୍ଚ୍ଚା
