ବାରବାଟୀ ଦିନିକିଆ ପାଇଁ କମିଲା ଟିକେଟ ଦର, କମ ଦାମରେ ଦେଖିବେ ଖେଳ

ଭୁବନେଶ୍ୱର: ଖେଳ ପ୍ରେମୀଙ୍କ ପାଇଁ ଖୁସି ଖବର । ଫେବ୍ରୁଆରୀ ୯ରେ ବାରବାଟୀରେ ଅନୁଷ୍ଠିତ ହେବାକୁ ଥିବା ଭାରତ-ଇଂଲଣ୍ଡ ଦିନିକିଆ ପାଇଁ ଟିକେଟ ଦର କମିଲା । ସର୍ବନିମ୍ନ ୧୦୦ ଟଙ୍କା ଟିକେଟ ଦର ହ୍ରାସ କରିଛି ଓସିଏ । ଗ୍ୟାଲେରୀ ୧ ଓ ୩ ପୂର୍ବରୁ ୧୨୦୦ ଥିବା ସମୟରେ ବର୍ତ୍ତମାନ ତାହାକୁ ୧୧୦୦ କରାଯାଇଛି । ଗ୍ୟାଲେରୀ ୫ର ଟିକଟ ଦାମ ୧୫୦୦ ଥିବା ସମୟରେ ବର୍ତ୍ତମାନ ତାହାକୁ ୧୨୦୦ଟଙ୍କା କରାଯାଇଛି ।

ସେହିପରି ଗ୍ୟାଲେରୀ ୨ ଓ ୪ର ଟିକଟ ଦର ଥିଲା ୧୦୦୦ ବର୍ତ୍ତମାନ ତାହା ୯୦୦ ଟଙ୍କା ହୋଇଛି । ଗ୍ୟାଲେରୀ ୭ର ଦାମ ଥିଲା ୮୦୦ ଯାହା ବର୍ତ୍ତମାନ ୭୦୦ ଟଙ୍କା ହୋଇଛି ।  ସ୍ପେଶାଲ ଏନ୍‌କ୍ଲୋଜର ୭ ହଜାର ଥିବା ସମୟରେ ବର୍ତ୍ତମାନ ତାହା ୬ ହଜାର ହୋଇଛି ।  ଏସି ଗ୍ୟାଲେରୀ ବକ୍ସ ୯ ହଜାର ଥିବା ସମୟରେ ବର୍ତ୍ତମାନ ତାହାକୁ ୧ ହଜାର ଟଙ୍କା କମ କରାଯାଇ  ୮ ହଜାର କରାଯାଇଛି । କର୍ପୋରେଟ ବକ୍ସ ୨୦ ହଜାର ଏବଂ ନିଉ ପ୍ୟାଭିଲିଅନ ୧୦ ହଜାର ଟଙ୍କା ଅପରିବର୍ତ୍ତିତ ରହିଛି ।