International Women's Day: ବିଶ୍ୱ ମହିଳା ଦିବସ ୨୦୨୪ ଏହି ଫଟୋ ସେୟାର କଲେ ସଚିନ ତେନ୍ଦୁଲକର, ହୃଦୟକୁ ସ୍ପର୍ଶ କରିବ ଏହାର କାହାଣୀ

Sachin Tendulkar On International Women's Day: ବିଶ୍ୱ ମହିଳା ଦିବସ ଅବସରରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଦୁଇଟି ବିଶେଷ ଫଟୋ ସେୟାର କରିଛନ୍ତି। ଗୋଟିଏ ଫଟୋ ୨୦୦୮ ର ଓ ଅନ୍ୟଟି ହେଉଛି ୨୦୨୪ ର ଅଟେ। ଏହି ଫଟୋଗୁଡ଼ିକ ସହିତ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ କାହାଣୀ ଆପଣଙ୍କ ହୃଦୟକୁ ନିଶ୍ଟିତ ସ୍ପର୍ଶ କରିବ।

International Women's Day: ବିଶ୍ୱ ମହିଳା ଦିବସ ଅବସରରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଟ୍ୱିଟରରେ (ବର୍ତ୍ତମାନ X) ଦୁଇଟି ଫଟୋ ସେୟାର କରିଛନ୍ତି। ଏହି ଦୁଇଟି ଫଟୋ ସହିତ ସଚିନ ତେନ୍ଦୁଲକର ମଧ୍ୟ ଦୁଇଟି କାହାଣୀ ସେୟାର କରିଛନ୍ତି, ଯାହା ପରସ୍ପର ସହିତ କୌଣସି ପ୍ରକାରରେ ଜଡ଼ିତ। ସଚିନ ତେନ୍ଦୁଲକରଙ୍କ ଏହି କାହାଣୀ ନିଶ୍ଚିତ ଭାବରେ ଆପଣଙ୍କ ହୃଦୟକୁ ସ୍ପର୍ଶ କରିବ। ୮ ମାର୍ଚ୍ଚରେ ସାରା ବିଶ୍ୱରେ ବିଶ୍ୱ ମହିଳା ଦିବସ ପାଳନ କରାଯାଏ। ସାନିଆ ମିର୍ଜା, ପିଭି ସିନ୍ଧୁ, ଏମସି ମେରି କୋମ, ସାଇନା ନେହୱାଲ, ସାକ୍ଷି ମଲିକଙ୍କ ପରି ଅନେକ ମହିଳା ଭାରତର କ୍ରୀଡା ଜଗତରେ ମଧ୍ୟ ନିଜର ପରିଚୟ ସୃଷ୍ଟି କରିଛନ୍ତି।

ସଚିନ ତେନ୍ଦୁଲକର ଟ୍ୱିଟରରେ (ବର୍ତ୍ତମାନ ଏକ୍ସ) ଲେଖିଛନ୍ତି, 'ଭାରତ ଓ ବିଶ୍ୱରେ ବର୍ଷ ବର୍ଷ ଧରି ମହିଳାମାନେ କ୍ରୀଡ଼ାରେ କିପରି ଆବିର୍ଭାବ ହୋଇଛନ୍ତି। ୨୦୦୮ ରେ, ଯେତେବେଳେ ୨୬/୧୧ ଆକ୍ରମଣ ହୋଇଥିଲା, ସେତେବେଳେ ଭାରତ ଇଂଲଣ୍ଡ ବିପକ୍ଷରେ ମ୍ୟାଚ୍ ଜିତିଥିଲା। ଏହି ବିଜୟ ସମଗ୍ର ଭାରତ ପାଇଁ ଅତ୍ୟନ୍ତ ଭାବପ୍ରବଣ ଥିଲା। ପ୍ରଥମ ବ୍ୟକ୍ତି ଯାହାଙ୍କ ସହ ମୁଁ ଏହି ବିଜୟ ଉତ୍ସବ ପାଳନ କରିଥିଲି ସେ ଜଣେ ମହିଳା ଥିଲେ। ମୁଁ ସେହି ଭାବନାକୁ ମହିଳା ଗ୍ରାଉଣ୍ଡ କର୍ମଚାରୀଙ୍କ ସହିତ ବାଣ୍ଟିଥିଲି। ସେହି ମୁହୂର୍ତ୍ତଟି ମୋ ପାଇଁ ଯଦିଓ ବିଶେଷ ଅଟେ। ବର୍ଷ ପରେ, ୨୦୨୪ ମସିହାରେ, ଜାକିନ୍ଥା କଲ୍ୟାଣ (Jacintha Kalyan) ଭାରତର ପ୍ରଥମ ମହିଳା ପିଚ୍ କ୍ୟୁରେଟର ହୋଇଥିଲେ। ସେ ପ୍ରଥମ, କିନ୍ତୁ ଆଶାକରେ ଆମେ ଭବିଷ୍ୟତରେ ଆହୁରି ଅନେକ ଦେଖିବା। ଏହି ବିଶ୍ୱ ମହିଳା ଦିବସରେ, ଆସନ୍ତୁ ସେହି ଆଦର୍ଶମାନଙ୍କୁ ଉତ୍ସାହିତ କରିବା, ଯେଉଁମାନେ ପ୍ରତିବନ୍ଧକ ଭାଙ୍ଗୁଛନ୍ତି ଓ ପ୍ରତ୍ୟେକ କ୍ଷେତ୍ରରେ ଉଦାହରଣ ସୃଷ୍ଟି କରୁଛନ୍ତି।'

Over the years, the rise of women in sport, in India and across the world, has been very encouraging.

In 2008, in the aftermath of 26/11, India won the match against England, and it was an emotional moment for the entire nation. One of the first people with whom I was able to… pic.twitter.com/lw0lbRT5hy

— Sachin Tendulkar (@sachin_rt) March 8, 2024

ସଚିନ ତେନ୍ଦୁଲକରଙ୍କ ଏହି ପୋଷ୍ଟ କିଛି ମିନିଟ ମଧ୍ୟରେ ଭାଇରାଲ ହୋଇଯାଇଛି ଓ ବିଭିନ୍ନ ଚମତ୍କାର କମେଣ୍ଟ ମଧ୍ୟ ଏହା ଉପରେ ଆସୁଛି। ସଚିନ ତେନ୍ଦୁଲକର ଭାରତ ପାଇଁ ମୋଟ ୨୦୦ଟି ଟେଷ୍ଟ, ୪୬୨ଟି ଦିନିକିଆ ଓ ଗୋଟିଏ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ସଚିନ ତେନ୍ଦୁଲକର ଅନ୍ତର୍ଜାତୀୟ କ୍ରିକେଟରେ ବ୍ୟାଟିଂର ଅନେକ ବଡ଼ ବିଶ୍ୱ ରେକର୍ଡ ସୃଷ୍ଟି କରିଛନ୍ତି। ଆନ୍ତର୍ଜାତୀୟ କ୍ରିକେଟରେ ଏକ ଶହ ଶତକ ହାସଲ କରିଥିବା ସଚିନ ତେନ୍ଦୁଲକର ହେଉଛନ୍ତି ଏକମାତ୍ର ବ୍ୟାଟ୍ସମ୍ୟାନ୍।