Lahiru Thirimanne: ଅବସର ଘୋଷଣା କଲେ ଏହି ପୂର୍ବତନ ଅଧିନାୟକ, ବିଦାୟୀ ଭାଷଣରେ କହିଦେଲେ ଏତେ ବଡ଼ କଥା

Lahiru Thirimanne Retirement: ନୂଆଦିଲ୍ଲୀ: ଶ୍ରୀଲଙ୍କା କ୍ରିକେଟର ଲାହିରୁ ଥିରିମାନେ ଶନିବାର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ବାମହାତୀ ବ୍ୟାଟ୍ସମ୍ୟାନ୍ ସୋସିଆଲ ମିଡିଆ ମାଧ୍ୟମରେ ଅବସର ଘୋଷଣା କରିଛନ୍ତି। ତାଙ୍କ ନିଷ୍ପତ୍ତିରେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଥିଲେ। 

ସେ ସୋସିଆଲ ମିଡିଆରେ ଏକ ସୂଚନା ସେୟାର କରି କହିଛନ୍ତି ଜଣେ ଖେଳାଳି ଭାବରେ ମୁଁ ମୋର ଶ୍ରେଷ୍ଠ ପ୍ରଦର୍ଶନ ଦେଇଛି। ମାତୃଭୂମି ପ୍ରତି ସଚ୍ଚୋଟ ଏବଂ ନୈତିକ ଭାବରେ ଖେଳକୁ ସମ୍ମାନ ଦେବା ମୋର ପ୍ରଥମ କର୍ତ୍ତବ୍ୟ। ଏହା ଏକ କଷ୍ଟସାଧ୍ୟ ନିଷ୍ପତ୍ତି ଥିଲା, କିନ୍ତୁ ମୁଁ ଏଠାରେ ଅନେକ ଅପ୍ରତ୍ୟାଶିତ କାରଣ ବିଷୟରେ କହିପାରିବି ନାହିଁ, ଯାହା ଇଚ୍ଛା କିମ୍ବା ଅନିଚ୍ଛାରେ ମୋତେ ଏହି ନିଷ୍ପତ୍ତି ନେବାକୁ ପ୍ରଭାବିତ କଲା। ୧୩ ବର୍ଷର ଯାତ୍ରା ସମୟରେ, ମୁଁ ମନଲୋଭା ସ୍ମୃତି ସାଉଁଣ୍ଟିଛି । ଏହି ଯାତ୍ରାରେ ଶୁଭେଚ୍ଛା ପାଇଁ ସମସ୍ତଙ୍କୁ ଧନ୍ୟବାଦ। ତେବେ ଲାହିରୁ ଅବସର ଘୋଷଣାକୁ ନେଇ କୌଣସି ସ୍ପଷ୍ଟ କାରଣ ପ୍ରଶଂସକଙ୍କୁ କହି ନାହାନ୍ତି। 

ଭାରତ ବିପକ୍ଷରେ ଆରମ୍ଭ କରିଥିଲେ କ୍ୟାରିୟର
ଶ୍ରୀଲଙ୍କାର ପୂର୍ବତନ ODI ଅଧିନାୟକ ଥିରିମାନ୍ ୧୩ ବର୍ଷ ଧରି ଏକ ଆନ୍ତର୍ଜାତୀୟ କ୍ୟାରିଅର୍ କରିଥିଲେ। ସେ ଜାନୁଆରୀ ୨୦୧୦ରେ ଭାରତ ବିପକ୍ଷରେ ପ୍ରଥମ ଅନ୍ତର୍ଜାତୀୟ ମ୍ୟାଚ ଖେଳିଥିଲେ। ସେ ଗତ ବର୍ଷ ବେଙ୍ଗାଲୁରୁରେ ଭାରତ ବିପକ୍ଷରେ କ୍ୟାରିୟରର ଶେଷ ଟେଷ୍ଟ ମ୍ୟାଚ୍ ଖେଳିଥିଲେ। ତାଙ୍କ କ୍ୟାରିଅର୍ ସମୟରେ ସେ ହାରାହାରି ୨୬.୪ ଆଭରେଜରେ ୪୪ଟି ଟେଷ୍ଟରେ ମୋଟ ୨୦୮୮ ରନ୍ ସ୍କୋର କରିଥିଲେ। ଏଥିରେ ତିନୋଟି ଶତକ ଏବଂ ୧୦ଟି ଅର୍ଦ୍ଧଶତକ ସାମିଲ ରହିଥିଲା। 

ଗୋଟିଏ ଦିନିକିଆ ଫର୍ମାଟରେ, ଥିରିମାନ୍ ହାରାହାରି ୩୪.୭ ଆଭରେଜରେ ୧୨୭ ମ୍ୟାଚରେ ୩୧୯୪ ରନ୍ ସ୍କୋର କରିଥିଲେ। ଚାରିଟି ଶତକ ଏବଂ ୨୧ଟି ଅର୍ଦ୍ଧଶତକ ସହିତ ସେ ନିଜ ଦଳ ପାଇଁ ବେଶ ସେ ନିଜ ଦଳ ପାଇଁ ଏକ ନିର୍ଭରଯୋଗ୍ୟ ରନ୍ ସ୍କୋରର ବୋଲି ସାବ୍ୟସ୍ତ ହୋଇଥିଲେ। ଥିରିମାନ୍ ୨୬ଟି ଟି-୨୦ ଅନ୍ତର୍ଜାତୀୟରେ ୨୯୧ରନ୍ ସ୍କୋର କରିଥିଲେ। ଥିରିମାନ ଶ୍ରୀଲଙ୍କା ଦଳର ଜଣେ ଦକ୍ଷ ବ୍ୟାଟସମ୍ୟାନ ଯିଏକି ୨୦୧୪ରେ ଭାରତକୁ ପରାସ୍ତ କରି ଟି-୨୦ ବିଶ୍ୱକପ ଜିତିଥିଲେ। ସେହି ଟୁର୍ନାମେଣ୍ଟରେ ସେ ୱେଷ୍ଟଇଣ୍ଡିଜ୍ ବିପକ୍ଷ ସେମିଫାଇନାଲରେ ୩୫ ବଲରୁ ୪୪ ରନ ସ୍କୋର କରିଥିଲେ।