Virat Kohli On ODI And T20 Format: ବିରାଟ କୋହଲି ବିସିସିଆଇକୁ କହିଛନ୍ତି ଯେ ସେ ODI ଓ T20 ଫର୍ମାଟରୁ ଅନିର୍ଦ୍ଦିଷ୍ଟ କାଳ ପାଇଁ ବିରତି ଚାହୁଁଛନ୍ତି । ଅର୍ଥାତ୍ ସେ ODI ଏବଂ T20 ଫର୍ମାଟରେ ଖେଳିବାକୁ ଚାହୁଁନାହାଁନ୍ତି ।
Trending Photos
12
12
5
6 "Virat Kohli takes break from white-ball cricket")
Virat Kohli takes break from white-ball cricket: ବିରାଟ କୋହଲିଙ୍କ ସହ ଜଡିତ ବଡ଼ ଖବର ସାମ୍ନାକୁ ଆସିଛି । ମିଡିଆ ରିପୋର୍ଟ ଅନୁଯାୟୀ ବିରାଟ କୋହଲି ବିସିସିଆଇକୁ କହିଛନ୍ତି ଯେ ସେ ODI ଓ T20 ଫର୍ମାଟରୁ ଅନିର୍ଦ୍ଦିଷ୍ଟ କାଳ ପାଇଁ ବ୍ରେକ୍ ଚାହୁଁଛନ୍ତି । ଅର୍ଥାତ୍ ସେ ODI ଓ T20 ଫର୍ମାଟରେ ଖେଳିବାକୁ ଚାହୁଁନାହାଁନ୍ତି । ତେବେ ODI ଓ ଟି-୨୦ ଫର୍ମାଟ ବିଷୟରେ ଭାରତୀୟ ଦଳର ନିୟମିତ ଅଧିନାୟକ ରୋହିତ ଶର୍ମାଙ୍କ ଷ୍ଟାଣ୍ଡ କ’ଣ ତାହା ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
କାହିଁକି ODI ଓ T20 ଫର୍ମାଟ୍ ଖେଳିବାକୁ ଚାହୁଁନାହାଁନ୍ତି ବିରାଟ କୋହଲି ?
ଇଣ୍ଡିଆନ୍ ଏକ୍ସପ୍ରେସ ଅନୁଯାୟୀ ବିସିସିଆଇ ସୂତ୍ରରୁ ପ୍ରକାଶ ଯେ ବିରାଟ କୋହଲି ଟେଷ୍ଟ ଫର୍ମାଟ ଉପରେ ଧ୍ୟାନ ଦେବାକୁ ଚାହୁଁଛନ୍ତି । ଏହି କାରଣରୁ ସେ ODI ଓ T20 ଫର୍ମାଟ୍ ଖେଳିବାକୁ ଚାହୁଁନାହାଁନ୍ତି । ଯଦି ମିଡିଆ ରିପୋର୍ଟକୁ ବିଶ୍ୱାସ କରାଯାଏ, ତେବେ ବିରାଟ କୋହଲି ବିସିସିଆଇକୁ କହିଛନ୍ତି ଯେ ସେ ସୀମିତ ଓଭର ଫର୍ମାଟ ପାଇଁ ଉପଲବ୍ଧ ନାହଁନ୍ତି । ଏଥିସହ ସେ କେତେ ଦିନ ଖେଳିବେ ନାହିଁ ସେ ସମ୍ପର୍କରେ କୌଣସି ସ୍ପଷ୍ଟତା ନାହିଁ । ଭାରତୀୟ ଦଳ ଦକ୍ଷିଣ ଆଫ୍ରିକା ବିପକ୍ଷରେ ୩ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳିବ, ବିରାଟ କୋହଲି ଏହି ସିରିଜ୍ ପାଇଁ ଉପଲବ୍ଧ ହେବେ ନାହିଁ । ଏହା ପରେ ଭାରତୀୟ ଦଳ ଆଫଗାନିସ୍ତାନ ବିପକ୍ଷରେ ଟି-୨୦ ସିରିଜ ଖେଳିବ ।
ଟି-୨୦ ଫର୍ମାଟରେ ନଜର ଆସିବେ କି ରୋହିତ ଶର୍ମା?
ଏଥି ସହିତ ଭାରତୀୟ ଦଳର ନିୟମିତ ଅଧିନାୟକ ରୋହିତ ଶର୍ମା ODI ଓ ଟି-୨୦ ଫର୍ମାଟରେ ଉପଲବ୍ଧ ହେବେ କି ନାହିଁ ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ । ପ୍ରାୟ ଏକ ବର୍ଷ ପୂର୍ବେ ରୋହିତ ଶର୍ମା ଓ ବିରାଟ କୋହଲି ଟି-୨୦ ଫର୍ମାଟରେ ଭାରତ ପାଇଁ ଖେଳିଥିଲେ । ଉଭୟ ଖେଳାଳିଙ୍କୁ ଟି-୨୦ ବିଶ୍ୱକପ ୨୦୨୨ ରେ ଦେଖିବାକୁ ମିଳିଥିଲା, କିନ୍ତୁ ସେବେଠାରୁ ଉଭୟ ଭାରତ ପାଇଁ ଟି-୨୦ ଫର୍ମାଟ ଖେଳି ନାହାଁନ୍ତି ।
ତେବେ ନିକଟରେ ବିଶ୍ୱକପ୍ରେ ରୋହିତ ଶର୍ମା ଓ ବିରାଟ କୋହଲି ଉତ୍କୃଷ୍ଟ ବ୍ୟାଟିଂ ପ୍ରଦର୍ଶନ କରିଥିଲେ । ପ୍ରାୟ ୭ ମାସ ପରେ ଟି-୨୦ ବିଶ୍ୱକପ ଆୟୋଜିତ ହେବ । ରୋହିତ ଶର୍ମା ଟି-୨୦ ବିଶ୍ୱକପ୍ରେ ଟିମ୍ ଇଣ୍ଡିଆର ଅଧିନାୟକ ହୋଇପାରିବେ ବୋଲି ବିଶ୍ୱାସ କରାଯାଏ, କିନ୍ତୁ ବିରାଟ କୋହଲିଙ୍କ ଖେଳ ଉପରେ ସନ୍ଦେହ ରହିଛି । ମିଡିଆ ରିପୋର୍ଟ ଅନୁଯାୟୀ, ବିରାଟ କୋହଲି ODI ଓ ଟି -20 ଫର୍ମାଟ ଖେଳିବାକୁ ଚାହୁଁନାହାଁନ୍ତି, ତେଣୁ ବିରାଟ କୋହଲିଙ୍କୁ ଟି-୨୦ ବିଶ୍ୱକପରେ ଦେଖିବାକୁ ମିଳିବ କି ନାହିଁ ତାହା କେବଳ ସମୟ କହିବ ।
