Khordha News: ନାଚୁଣୀରେ ଅବକାରୀ ଚଢାଉ , ବିପୁଳ ପରିମାଣର ମଦ ଜବତ, ତିନି ଗିରଫ

Odisha News :- ଖୋର୍ଦ୍ଧା (Khordha News) ଜିଲ୍ଲା ବାଣପୁର ବାଲୁଗାଁ ନାଚୁଣୀ ଥାନା ଅଞ୍ଚଳରେ ବାଲୁଗାଁ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇଛି। ତିନି ଜଣ ଚୋରା ଦେଶୀ ମଦ ବେପାରୀଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୧୨୦ ଲିଟର ଦେଶୀ ମଦ ଓ ଏକ ସ୍କୁଟି ଜବତ କରାଯାଇଛି ।

Odisha News (ସୂର୍ଯ୍ୟ ନାରାୟଣ ମହାନ୍ତି, ଖୋର୍ଦ୍ଧା) :- ଖୋର୍ଦ୍ଧା (Khordha News) ଜିଲ୍ଲା ବାଣପୁର ବାଲୁଗାଁ ନାଚୁଣୀ ଥାନା ଅଞ୍ଚଳରେ ବାଲୁଗାଁ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇଛି। ତିନି ଜଣ ଚୋରା ଦେଶୀ ମଦ ବେପାରୀଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୧୨୦ ଲିଟର ଦେଶୀ ମଦ ଓ ଏକ ସ୍କୁଟି ଜବତ କରାଯାଇଛି । ସେହି ଥାନା ଅଞ୍ଚଳରେ ଚୋରା ଦେଶୀ ମଦ କାରବାର ହେଉଥିବାର କୌଣସି ସୂତ୍ରରୁ ଖବର ପାଇ ବାଲୁଗାଁ ଅବକାରୀ ବିଭାଗ ଚଢାଉ କରି ନାଚୁଣୀ ଥାନା ଅଞ୍ଚଳର କୁଲେଇ ଗାଁର ଲିଲି ମହାରଥୀଙ୍କ ନିକଟରୁ ୩୦ ଲିଟର , ବାଲୁଗାଁ ଥାନା ଅଞ୍ଚଳର ଲମ୍ଭୋଧରପୁର ଗାଁର ବିକ୍ରମ ସିଂ ଙ୍କ ନିକଟରୁ ୩୦ ଲିଟର ଓ ବାଣପୁର ଥାନା ଅଞ୍ଚଳର କୋଷୋରଡା ଗାଁର ପ୍ରଫୁଲ୍ଲ ଶବରଙ୍କ ନିକଟରୁ ୬୦ ଲିଟର ଚୋରା ଦେଶୀ ମଦ ସମେତ ଏକ ସ୍କୁଟି ଜବତ କରିଛି । ସମସ୍ତଙ୍କ ବିରୁଧରେ ବାଲୁଗାଁ ଅବକାରୀ ଥାନାରେ ପିଆର କେସ ନଂ ୧୫୯,୧୬୦,୧୬୧ / ୨୩-୨୪ ତିନି ଗୋଟି ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବାର ବାଲୁଗାଁ ଅବକାରୀ ଅଧିକାରୀ ମନୋଜ ବାରିକ ସୂଚନା ଦେଇଛନ୍ତି ।

ନିକଟରେ,ଝାରସୁଗୁଡ଼ା ଜିଲ୍ଲାର ବ୍ରଜରାଜନଗର ଅଞ୍ଚଳରୁ ଜବତ ହୋଇଛି ବିପୁଳ ପରିମାଣର ନକଲି ବିଦେଶୀ ମଦ।  ନକଲି ବିଦେଶୀ ମଦ ଜବତ (Huge Quantity of Counterfeit Foreign Liquor Seized) ହେବା ଘଟଣାରେ ୨ ଜଣ ଗିରଫ ହୋଇଥିବା ବେଳେ, ୧ ଶହରୁ ଉର୍ଦ୍ଧ୍ୱ ଫୁଲ ସାଇଜ ହ୍ୱିସ୍କି (Full Size Whisky) ଜବତ କରାଯାଇଛି। ଗତକାଲି ସନ୍ଧ୍ୟାରେ ବ୍ରଜରାଜନଗର ପୋଲିସ (Brajrajnagar Police) ପାଟ୍ରୋଲିଂ କରୁଥିବା ସମୟରେ ବ୍ରଜରାଜନଗର ଥାନା (Brajrajnagar Police Station) ଅନ୍ତର୍ଗତ ଏଚ.ଲାଇନ ଅଞ୍ଚଳରେ ବେଆଇନ ନିଶା କାରବାର ହେଉଥିବା ନେଇ ଖବର ପାଇଥିଲା ପୋଲିସ। ନିଶା କାରବାର ସମ୍ପର୍କରେ ଖବର ପାଇବା ପରେ ବ୍ରଜରାଜନଗର ପୋଲିସ ଏକ ସ୍ୱତନ୍ତ୍ର ଟିମ ଗଠନ କରି ଏଚ ଲାଇନ ଅଞ୍ଚଳରେ (Brajrajnagar Police Station Area) ଚଢ଼ାଉ କରିଥିଲା। ଚଢ଼ାଉ ସମୟରେ ପୋଲିସ ଏଚ ଲାଇନ ଅଞ୍ଚଳରେ ବେଆଇନ ନିଶା ସାମଗ୍ରୀ ସହିତ ସୁନୀଲ ସିଂହ ଓରଫ ବୁଲବୁଲକୁ ଗିରଫ କରିଥିଲା।