Bhitarkanika National Park: ୩ ମାସ ପାଇଁ ବନ୍ଦ ହେଲା ଭିତରକନିକା

Bhitarkanika National Park:  ଭୁବନେଶ୍ୱର: ବିଶ୍ୱପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନ ୩ ମାସ ପାଇଁ ବନ୍ଦ କରିଦିଆଯାଇଛି। ଆସନ୍ତା ଜୁଲାଇ ୩୧ ତାରିଖ ପର୍ଯ୍ୟନ୍ତ କୌଣସି ପର୍ଯ୍ୟଟକଙ୍କୁ ଅନୁମତି ଦିଆଯିବ ନାହିଁ। ସରକାରୀ ରିପୋର୍ଟ ଅନୁଯାୟୀ, କୁମ୍ଭୀରମାନଙ୍କର ସୁଗମ ପ୍ରଜନନ ଏବଂ କାର୍ଯ୍ୟକଳାପ ପାଇଁ ପ୍ରାୟ ତିନିମାସ ପର୍ଯ୍ୟନ୍ତ ବନ୍ୟଜନ୍ତୁ ଅଭୟାରଣ୍ୟରେ ପରିଦର୍ଶକଙ୍କ ପ୍ରବେଶ ନିଷେଧ ହେବ।

କହି ରଖୁ କି କୁମ୍ଭୀର ପ୍ରଜନନ ଋତୁ ଆରମ୍ଭ ହୋଇଛି। ନଦୀ ନାଳମାନଙ୍କରେ ଥିବା କୁମ୍ଭୀରମାନେ ବସା ବାନ୍ଧି ଅଣ୍ଡା ଦେବେ। ସେମାନଙ୍କ ମିଳନ ପର୍ବ ଓ ଅଣ୍ଡାଦେବା ପ୍ରକ୍ରିୟାରେ ବାଧା ନ ଉପୁଜାଇବା ପାଇଁ ରାଜନଗର ବନଖଣ୍ଡ ପକ୍ଷରୁ ଜୁଲାଇ ୩୧ ପର୍ଯ୍ୟନ୍ତ ଭିତରକନିକାକୁ ବନ୍ଦ ରଖାଯିବାକୁ ନିର୍ଦ୍ଦେଶ ଜାରି ହୋଇଛି। ମାଆ କୁମ୍ଭୀର ଅଣ୍ଡା ଦେଇସାରିବା ପରେ ଅଣ୍ଡାକୁ ସୁରକ୍ଷା ଦେବା ପାଇଁ ସେଠାରେ ଜଗି ରହିଥାଏ। ଏହି ସମୟରେ ସେ ଅଧିକ ହିଂସ୍ର ହୋଇଥାଏ। ଏଥିପାଇଁ ଦେଶ ବିଦେଶର ପର୍ଯ୍ୟଟକଙ୍କୁ ଭିତରକନିକା ଜାତୀୟ ଉଦ୍ୟାନକୁ ଆସିବାକୁ ବାରଣ କରାଯାଇଛି। ସେପଟେ କୁମ୍ଭୀରମାନେ ସେମାନଙ୍କର ପ୍ରଜନନ ଏବଂ ବସା କାର୍ଯ୍ୟକଳାପ ସମୟରେ ହିଂସ୍ର ହୋଇଯାଉଥିବାରୁ ପର୍ଯ୍ୟଟକଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ କର୍ତ୍ତୃପକ୍ଷ ଅଳ୍ପ ସମୟ ପାଇଁ ଅଭୟାରଣ୍ୟ ବନ୍ଦ କରିବାକୁ ଏହି ନିଷ୍ପତ୍ତି ନେଇଥିଲେ।

ଏହାପୂର୍ବରୁ, ଜାନୁଆରୀ ୨୦୨୪ରେ ଏହି ପାର୍କ ନଅ ଦିନ ପର୍ଯ୍ୟନ୍ତ ରହିଥିଲା। ଅଭୟାରଣ୍ୟରେ ଇଷ୍ଟୁଆରିନ୍ କୁମ୍ଭୀର ଏବଂ ସ୍ଥାନାନ୍ତରିତ ପକ୍ଷୀମାନଙ୍କର ବାର୍ଷିକ ଜନଗଣନାକୁ ସୁଗମ କରିବା ପାଇଁ ଜାନୁୟାରୀ ୫ ରୁ ୧୩ ତାରିଖ ପର୍ଯ୍ୟନ୍ତ ନଅ ଦିନିଆ ବନ୍ଦ ପାଳନ କରାଯାଇଥିଲା। ଜାନୁଆରୀ ୧୦ ରୁ ୧୨ ତାରିଖ ପର୍ଯ୍ୟନ୍ତ ୩ ଦିନ ପାଇଁ କୁମ୍ଭୀର ଗଣନା ଚାଲିଥିଲା। କୁମ୍ଭୀର ଜନଗଣନା ଅନୁଯାୟୀ, ଚଳିତ ବର୍ଷ ମହାନଦୀ ନଦୀର ଡେଲଟା ଅଞ୍ଚଳରେ କେନାଲ ଏବଂ ଅଭୟାରଣ୍ୟର ଡ୍ରେଞ୍ଚରେ ମୋଟ ୧,୮୧୧ କୁମ୍ଭୀର ଗଣନା କରାଯାଇଛି। ଗତ ବର୍ଷର ୧୭୯୩ କୁମ୍ଭୀର ତୁଳନାରେ ୧୮ଟି କୁମ୍ଭୀର ବୃଦ୍ଧି ଘଟିଛି।