ବିଜିପୁର ଛକ ନିକଟରେ ଦୁର୍ଘଟଣା: ଯାଜପୁର ଟାଉନ- ସିଂହପୁର ମୁଖ୍ୟରାସ୍ତା ମରଣଯନ୍ତା

Accident News: ଯାଜପୁର ଟାଉନରୁ ସିଂହପୁରକୁ ସଂଯୋଗ କରୁଥିବା ମୁଖ୍ୟରାସ୍ତାର ବିଜିପୁର ଛକ ନିକଟରେ ଦୁର୍ଘଟଣା । ଆଜି ସନ୍ଧ୍ୟାରେ ଜଣେ ଯୁବ ବାଇକ୍ ଆରୋହୀ ବିଜିପୁର ଛକ ନିକଟରେ ଦୁର୍ଘଟଣାର ଶିକାର ହୋଇଛନ୍ତି । ବାଇକ୍ ଚାଳକ ରାସ୍ତାର ଦଶ ଫୁଟ ତଳକୁ ମନୃଷ୍ୟକୃତ ଖାଲରେ ବାଇକ୍ ସହିତ ଖସିପଡି ଗୁରୁତର ଆହତ ହୋଇଛନ୍ତି । ତାଙ୍କୁ ତୁରନ୍ତ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ କଟକ ବଡ଼ ଦାକ୍ତରଖାନାକୁ ସ୍ଥାନାନ୍ତର କରାଯାଇଛି ବୋଲି ସୂଚନା ମିଳିଛି ।  ଦୁର୍ଘଟଣାର ଶିକାର ହୋଇଥିବା ଯୁବକଙ୍କ ପରିଚୟ ମିଳିପାରି ନାହିଁ ।

ସୂଚନାଯୋଗ୍ୟ, ମୁଖ୍ୟରାସ୍ତାର କାମ ଚାଲିଥିବାରୁ ପ୍ରତ୍ୟକ ଦିନ ଏହି ରାସ୍ତାରେ ଯାତ୍ରୀ ହନ୍ତସନ୍ତ ହେବା ସହ ଛୋଟ ବଡ଼ ଦୁର୍ଘଟଣା ଘଟୁଥିବା କଥା ସାମ୍ନାକୁ ଆସୁଛି । ରାସ୍ତା କାମ ଚାଲୁଥିବା ସମୟରେ କୌଣସି ସତର୍କ ସୂଚନା ଦିଆଯାଉନାହିଁ । ଫଳରେ ଅନେକ ଲୋକ ଦୁର୍ଘଟଣାର ଶିକାର ହେଉଥିବା ନଜରକୁ ଆସୁଛି । ଏହି ରାସ୍ତାଟି ମୁଖ୍ୟରାସ୍ତା ହୋଇଥିବାରୁ ପ୍ରତିଦିନ ଲକ୍ଷ ଲକ୍ଷ ଲୋକେ ଏହା ଉପରେ ନିର୍ଭର କରିଥାନ୍ତି । ବସ୍ , ଟ୍ରକଠାରୁ ଆରମ୍ଭ କରି ପ୍ରତିଦିନ ହଜାର ହଜାର୍ ସଂଖ୍ୟାରେ ଗାଡି ମଟର ଏହି ରାସ୍ତା ଦେଇ ଯିବା ଆସିବା କରିଥାଏ । ଏହି ରାସ୍ତା କାମ ତୁରନ୍ତ ସାରିବା ସହିତ ରାସ୍ତା କାମ ସମୟରେ ସତର୍କ ସୂଚନା ବୋର୍ଡ ଲଗାଇବାକୁ ଜନସାଧାରଣ ଦାବି କରିଛନ୍ତି ।