ରାସ୍ତାରେ ଅଳିଆ ପକାଇବା ପଡିଲା ମହଙ୍ଗା, ୫୦ହଜାର ଜରିମାନା ପକାଇଲା BMC

ରାସ୍ତାରେ ଅଳିଆ ପକାଇବା କାରଣରୁ ମଡର୍ଣ୍ଣ ହେଲ୍ଥ କେୟାରକୁ ୫୦ ହଜାର ଟଙ୍କା ଜରିମାନା ଲାଗୁ କରିଛି ବିଏମସି ।

ଭୁବନେଶ୍ୱର: ଅଳିଆ ଆବର୍ଜନା ଏଣେତେଣେ ପକାଇବା ମହଙ୍ଗା ପଡିଛି ଏକ ଘରୋଇ ହସ୍ପିଟାଲକୁ । ବିଏମସିର କଡା ପଦକ୍ଷେପ ଆଜି ରାଜଧାନୀର ୟୁନି ୬ ନିକଟରେ ଦେଖିବାକୁ ମିଳିଛି । ଯାହାକୁ ନେଇ ସ୍ଥାନୀୟ ଦୋକାନୀ ଏବଂ ଅନ୍ୟମାନଙ୍କ ମନରେ ଛନକା ପଶିଛି । ରାସ୍ତାରେ ଅଳିଆ ପକାଇବା କାରଣରୁ ମଡର୍ଣ୍ଣ ହେଲ୍ଥ କେୟାର (Modern healthcare)କୁ ୫୦ ହଜାର ଟଙ୍କା ଜରିମାନା ଲାଗୁ କରିଛି ବିଏମସି (BMC) । ହସ୍ପିଟାଲର ଅଦରକାରୀ ଜିନିଷ ତଥା ଔଷଧ ଖୋଳ, ବ୍ୟବହୃତ ଇଞ୍ଜେକ୍ସନ, ବ୍ୟାଣ୍ଡେଡ୍ କପଡା ଇତ୍ୟାଦି ଅଳିଆ ରାସ୍ତା କଡରେ ଫିଙ୍ଗିବା କାରଣରୁ ଏହି ମୋଟା ଅଙ୍କର ଫାଇନ୍ (Fine) ଦେବ ମଡର୍ଣ୍ଣ ହେଲ୍ଥ କେୟାର ।

Post- 

Team BMC imposed a penalty of ₹50,000 on Modern Healthcare, Unit 6 for dumping of medicines and other waste on road.#BhubaneswarFirst pic.twitter.com/CNOU8qV8VK

— BMC (@bmcbbsr) December 16, 2023

ଫାଇନ୍ ପକାଇବା ପରେ ବିଏମସି ଏନେଇ ସୋସିଆଲ ମିଡିଆ ମାଧ୍ୟମରେ ସୂଚନା ଦେଇଛି । ଏହି ଖବର ଶୁଣିବା ପରେ ରାଜଧାନୀର ଅନ୍ୟ ଦୋକାନୀ ତଥା ବ୍ୟବସାୟୀ ଓ ସାଧାରଣ ଲୋକଙ୍କ ମନରେ ଏକ ପ୍ରକାର ଭୟ ସୃଷ୍ଟି ହୋଇଛି । ରାଜଧାନୀକୁ ସ୍ୱଚ୍ଛ ରଖିବାକୁ ବିଏମସିର ଏପରି କାର୍ଯ୍ୟାନୁଷ୍ଠାନକୁ ଅନେକ ମହଲରେ ସ୍ୱାଗତ କରାଯାଇଛି ।