Crime News: ଖୋର୍ଦ୍ଧା ମକୁନ୍ଦପ୍ରସାଦରେ ଲାଗିଲା BNSS ୧୬୩, ୫ରୁ ଅଧିକ ଏକାଠି ହେବା ମନା

ଖୋର୍ଦ୍ଧା: ହତ୍ୟାକାଣ୍ଡ ପରେ ମୁକୁନ୍ଦ ପ୍ରସାଦ ମୌଜାରେ ଲାଗିଛି ୧୬୩ BNSS । ୫ ଜଣରୁ ଅଧିକ ଲୋକ ଏକାଠି ନହେବାକୁ ନିର୍ଦ୍ଦେଶ ଦେଇଛନ୍ତି ଖୋର୍ଦ୍ଧା ଜିଲ୍ଲାପାଳ । ଘଟଣାସ୍ଥଳରେ ପୋଲିସ ଡିଜିପି ସହ ଗୁଇନ୍ଦା ନିର୍ଦ୍ଦେଶକ ମଧ୍ୟ ପହଞ୍ଚିଛନ୍ତି ।

ସୂଚନାଯୋଗ୍ୟ, ଖୋର୍ଦ୍ଧା ମକୁନ୍ଦପ୍ରସାଦରେ ଆଜି ଅପରାହ୍ନ ସମୟରେ ଯୁବକକୁ ସଂଘବଧ ଭାବେ ଖଣ୍ଡାରେ ଆକ୍ରମଣ ହୋଇଥିଲା।  ରକ୍ତ ଜୁଡୁବୁଡ଼ ଅବସ୍ଥାରେ ଖୋର୍ଦ୍ଧା ମେଡିକାଲରେ ଯୁବକଙ୍କୁ ଭର୍ତ୍ତି କରାଯିବା ପରେ ସେଠାରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଆକ୍ରମଣର ଶିକାର ହୋଇ ମୃତ୍ୟୁବରଣ କରିଥିବା ଯୁବକଙ୍କ ନାମ ସେକ ସାଜିଦ ବୋଲି ଜଣାପଡିଛି । ଘଟଣାସ୍ଥଳରେ ଖୋର୍ଦ୍ଧା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ପୂର୍ବ ଶତ୍ରୁତାରୁ ଏହି ଆକ୍ରମଣ ତଥା ହତ୍ୟା କାଣ୍ଡ ଘଟିଥିବା ସୂଚନା ମିଳିଛି । ହତ୍ୟାକାଣ୍ଡ ପରେ ସ୍ଥାନୀୟ ଅଞ୍ଚଳରେ ଚାପା ଉତେଜନା ସ୍ତ୍ରୁଷ୍ଟି ହୋଇଛି। ଘଟଣାସ୍ଥଳରେ ପୋଲିସ ଡିଜି ୱାଇ ବି ଖୁରାନିଆ ପହଞ୍ଚି ଶାନ୍ତି ବଜାୟ ରଖିବା ପାଇଁ ନିର୍ଦ୍ଦେଶ ଦେଇଥିବା ଜଣାପଡିଛି ।