ଜୁଏଲାରୀ ଦୋକାନରୁ ଲୁଟ୍ ଘଟଣାରେ ମିଳିଲା କୋଟିଏ ଟଙ୍କାର ଅଳଙ୍କାର

ଗଜପତି: ଗଜପତି ଜିଲ୍ଲା ମୋହନା ମୁଖ୍ୟ ବଜାର ନିକଟସ୍ଥ ଏକ ଜୁଏଲାରୀ ସପ୍ ରୁ ଗତ ସେପ୍ଟେମ୍ବର ୨୫ତାରିଖରେ ବଡ଼ ଧରଣର ଲୁଟ୍ ହୋଇଥିଲା। ଲୁଟେରା ମାନେ ପ୍ରାୟ କୋଟିଏ ଟଙ୍କାର ଅଳଙ୍କାର ସମେତ ଲୁଟିନେଇଥିଲେ ନଗଦ ୭୦ ହଜାର ଟଙ୍କା। ଲୁଟ ସୁନା ଓ ରୁପା ଅଳଙ୍କାର ଜବତ । ୧ମାସ ପରେ ପୋଲିସ ଫାସରେ ୨ ଅଭିଯୁକ୍ତ। ଗିରଫ ଅଭିଯୁକ୍ତ ମାନଙ୍କ ମଧ୍ୟରୁ ଜଣେ ଗଞ୍ଜାମ ଜିଲ୍ଲା ଆସ୍କା ର ଓ ଅନ୍ୟ ଜଣେ ସୋନପୁର ଜିଲ୍ଲାର। ଏହା ପଛରେ ଏକ ବଡ଼ ଚୋରି ରାକେଟ କାମ କରୁଛି ଏବଂ ଅତିଶୀଘ୍ର ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ଗଜପତି ଏସପି ଯତୀନ୍ଦ୍ର ପଣ୍ଡା ସୂଚନା ଦେଇଛନ୍ତି। 

ସୂଚନା ଅନୁସାରେ ଗତ ସେପ୍ଟେମ୍ବର ମାସ୨୫ ତାରିଖ ରାତିରେ ଦୁଇ ଅଜଣା ଲୁଟେରା ବାଇକରେ ଆସି ସୁନା, ରୁପା ସହ ୭୦ ହଜାର ଟଙ୍କା ଲୁଟି ନେଇଥିଲେ। ଏହି ଘଟଣାର ଏକ ମାସ ପରେ ପୋଲିସକୁ ସଫଳତା ମିଳିଛି। ଚୋରି ଅଳଙ୍କାର ମଧ୍ୟରୁ ୩୦ କେଜି ରୁପା, ୪୦୦ ଗ୍ରାମ ସୁନା ଅଳଙ୍କାର ସହ ୪୦ ହଜାର ଟଙ୍କା ଜବତ କରିଛି ପୁଲିସ।