Road Accident: ଅଶୁଭ ସୋମବାର! ବାଇକ୍‌କୁ ପିଟିଲା ଅଜଣା ଗାଡି଼, ଘଟଣାସ୍ଥଳରେ ଚାଲିଗଲା ୩ ଜୀବନ

Road Accident: ଅଶୁଭ ସୋମବାର!  ରାସ୍ତାରେ ଛକି ବସିଥିଲା ଯମ। କେହି କିଛି ଭାବିବା ପୂର୍ବରୁ ଓଲଟ ପାଲଟ ହୋଇଗଲା ସବୁ କିଛି। କ୍ଷଣିକ ମଧ୍ୟରେ ଚାଲିଗଲା ତିନି ଜୀବନ। ଝାରସୁଗୁଡା ବେଲପାହାଡ଼ ଗଉରପଡା ନିକଟରେ ଘଟିଛି ଏହି ଭୟଙ୍କର ଦୁର୍ଘଟଣା(Road Accident In Jharsuguda) । ଏକ ବାଇକ୍ କୁ ଧକ୍କା ଦେଲା ଅଜଣା ଗାଡି଼।  ଏଥିରେ ତିନି ଜଣଙ୍କର ମୃତ୍ୟୁ ହୋଇଛି (3 Killed In Road Accident) । ତିନି ମୃତକଙ୍କ ପରିଚୟ ମିଳି ନଥିବା ବେଳ ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । କିଭଳି ସ୍ଥିତିରେ ଏହି ଘଟଣା ଘଟିଲା ସେନେଇ ଛାନଭିନ୍ ଜାରି ରଖିଛି । ଦୁର୍ଘଟଣା ଘଟାଇଥିବା ଅଜଣା ଗାଡି଼ର ଡ୍ରାଇଭର ଘଟଣାସ୍ଥଳରୁ ଫେରାର୍ ହୋଇଯାଇଛି। 

ସୂଚନା ଅନୁଯାୟୀ, ଆଜି ସକାଳେ, ଜାତୀୟ ରାଜପଥ ନମ୍ବର ୪୯ରେ  ତିନି ଜଣ ଯୁବକ ଏକ ବାଇକରେ ନିଜ ଘରକୁ ଫେରୁଥିଲେ। କିନ୍ତୁ ହଠାତ୍ ଏକ ଅଜଣା ଗାଡି଼ ଆସି ପଛପଟୁ ଆସି ବାଇକକୁ ଧକ୍କା ଦେଇଥିଲା। ଫଳରେ ବାଇକଟି ଦୁର୍ଘଟଣାଗସ୍ତ ହୋଇଥିଲା।  ଏହା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୋଲିସ୍ ଓ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ଥିଲେ।  କିନ୍ତୁ ସେତେବେଳକୁ ସବୁ କିଛି ସରିଯାଇଥିଲା। ତିନି ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ତେବେ, ଦୁର୍ଘଟଣା ଘଟାଇଥିବା ଗାଡି଼ ଡ୍ରାଇଭର ଘଟଣାସ୍ଥଳରୁ ଫେରାର୍ ହୋଇଯାଇଥିଲେ। ତେବେ, ତିନି ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳିନି

ନିକଟରେ, ଗଞ୍ଜାମ ଧରାକୋଟ ଢଉଗାଁ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିଲା । ଏହି ଭୟଙ୍କର ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ରୁ ଅଧିକ ଯାତ୍ରୀ ଆହତ ହୋଇଛନ୍ତି । ସୂଚନା ଅନୁଯାୟୀ, ବିଳମ୍ବତ ରାତିରେ ଭୁବନେଶ୍ବରରୁ କାଲିମେଳା ଅଭିମୁଖେ ଯାଉଥିବା ‘ଦିଲଖୁସ’ ବସ ଢଉଗାଁ ନିକଟରେ ସାମ୍ନା ପଡୁ ଆସୁଥିବା ‘ହ୍ବାଇଟ ହର୍ସ’ ବସ ସହ ଧକ୍କା ହୋଇଥିଲା । ଏଥିରେ ବସ ଡ୍ରାଇଭର କାଳିଆ ଗୌଡ଼ଙ୍କ ମୃତ୍ୟୁ ଘଟିଥିବା ବେଳେ ୧୦ରୁ ଅଧିକ ଯାତ୍ରୀ ଗୁରୁତର ହୋଇଛନ୍ତି । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଯାତ୍ରୀଙ୍କୁ ଉଦ୍ଧାର କରିଥିଲେ ।