Parshottam Rupala: ପୁରୀରେ ଧର୍ମପତ୍ନୀଙ୍କ ସହ ମହାପ୍ରଭୁଙ୍କ ଦର୍ଶନ କଲେ କେନ୍ଦ୍ରମନ୍ତ୍ରୀ ପରଷୋତ୍ତମ ରୂପାଲା

Parshottam Rupala: ପୁରୀ ଯାଇ ମହାପ୍ରଭୁଙ୍କୁ ଦର୍ଶନ କରିଛନ୍ତି କେନ୍ଦ୍ର ମତ୍ସ୍ୟ, ପଶୁପାଳନ ଓ ଦୁଗ୍ଧ ଉତ୍ପାଦନ ମନ୍ତ୍ରୀ ପରଷୋତ୍ତମ ରୂପାଲା (Parshottam Rupala) । ସପରିବାର ସହ ଜଗତର ଜଗନ୍ନାଥଙ୍କ ଦର୍ଶନ କରି ଭାବବିହ୍ୱଳ ହୋଇଥିଲେ କେନ୍ଦ୍ରମନ୍ତ୍ରୀ । ଏହି ସମୟରେ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଏବଂ ଭେଟରାନ୍ ଅଭିନେତା ତଥା ନେତା ପ୍ରଶାନ୍ତ ନନ୍ଦ ରୂପାଲାଙ୍କ ସହ ଉପସ୍ଥିତ ଥିଲେ । ଶ୍ରୀମନ୍ଦିର ସିଂହାରୀ ସେବାୟତ ମଧୁସୂଦନ ସିଂହାରୀ କେନ୍ଦ୍ରମନ୍ତ୍ରୀଙ୍କୁ ଖଣ୍ଡୁଆ ଦେଇ ସ୍ୱାଗତ କରିଥିଲେ । ଶ୍ରୀମନ୍ଦିରର ଅପୂର୍ବ କାରୁକାର୍ଯ୍ୟ ଦେଖି ପୂର୍ବଜଙ୍କ କଳାକୃତିକୁ ପ୍ରସଂଶା କରିଥିଲେ ରୂପାଲା ।

ଚଳିତ ଜାନୁଆରୀ ୭ରୁ ରାଜ୍ୟର ବିଭିନ୍ନ ସ୍ଥାନରେ ଅନୁଷ୍ଠିତ ହୋଇଥିବା ଏହି ଏକାଦଶ ପର୍ଯ୍ୟାୟ ସାଗର ପରିକ୍ରମା କାର୍ଯ୍ୟକ୍ରମ ଆସନ୍ତା ୯ ତାରିଖ ପର୍ଯ୍ୟନ୍ତ ଚାଲିବ। ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦ ଯୋଜନା, କେସିସି ଓ ଅନ୍ୟାନ୍ୟ ଯୋଜନା ମାଧ୍ୟମରେ ନିଆଯାଇଥିବା ସର୍ବୋତ୍ତମ ଅଭ୍ୟାସ ଓ ପଦକ୍ଷେପକୁ ମତ୍ସ୍ୟଜୀବୀଙ୍କ ନିକଟରେ ବ୍ୟାପକ ଭାବେ ପହଞ୍ଚାଇବା ଏହି କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ଅଟେ। ଗତକାଲି ଏଥିରେ ଯୋଗଦେଇ କେନ୍ଦ୍ରମନ୍ତ୍ରୀ ପ୍ରଗତିଶୀଳ ମତ୍ସ୍ୟଜୀବୀ, ବିଶେଷକରି ଉପକୂଳ ମତ୍ସ୍ୟଜୀବୀ ଓ ମତ୍ସ୍ୟ ଚାଷୀ, ଯୁବ ମତ୍ସ୍ୟ ଉଦ୍ୟୋଗୀ ଆଦି କିଷାନ କ୍ରେଡିଟ୍ କାର୍ଡ (କେସିସି) ହିତାଧିକାରୀଙ୍କୁ ସମ୍ବର୍ଦ୍ଧିତ କରିଥିଲେ।

पवित्र चार धामों में एक भगवान जगन्नाथ की पवित्र नगरी पुरी, जहां भगवान जगन्नाथ बड़े भाई बलभद्र और बहन सुभद्रा के साथ विराजते हैं।

आज प्रातः दर्शन करके अदभुत आनंद की अनुभूति हुई। जय जगन्नाथ pic.twitter.com/l1KtnBCXCG

— Parshottam Rupala (@PRupala) January 8, 2024

ଅନ୍ୟପଟେ ରବିବାର ସାଗର ପରିକ୍ରମା କାର୍ଯ୍ଯକ୍ରମରେ ଯୋଗଦେବାକୁ ବାଲୁଗାଁରୁ ସାତପଡ଼ା ଆସୁଥିବା ବେଳେ ଚିଲିକାରେ ପ୍ରାୟ ୫ ଘଣ୍ଟା ଧରି ଫସିଲେ କେନ୍ଦ୍ରମନ୍ତ୍ରୀ। ଚିଲିକାର ନଳବଣ ନିକଟରେ ବାଟବଣା ହୋଇଯାଇଥିଲା କେନ୍ଦ୍ରମନ୍ତ୍ରୀଙ୍କ ଡଙ୍ଗା। ଉଦ୍ଧାର କରିବା ନେଇ ସାତପଡ଼ା ଓ ବାଲୁଗାଁରୁ ଦୁଇଟି ଉଦ୍ଧାରକାରୀ ଡ଼ଙ୍ଗା ପହଁଞ୍ଚିଥିଲା । ଉଦ୍ଧାର କାର୍ଯ୍ୟ ପରେ କେନ୍ଦ୍ରମନ୍ତ୍ରୀଙ୍କ ଅରଖକୁଦା ଗସ୍ତ ବାତିଲ କରାଯାଇଥିଲା । ତେବେ ଏହି ଡଙ୍ଗାରେ କେନ୍ଦ୍ରମନ୍ତ୍ରୀଙ୍କ ସହ ତାଙ୍କ ପତ୍ନୀ, ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କ ସମେତ ବହୁ ବିଜେପି ନେତା ଓ କର୍ମୀ ଥିଲେ। ଉଦ୍ଧାର କାର୍ଯ୍ୟ ପରେ ବିଳମ୍ବିତ ରାତିରେ ପୁରୀରେ ପହଞ୍ଚିଥିଲେ କେନ୍ଦ୍ରମନ୍ତ୍ରୀ। ଆଜି ସକାଳୁ ଧର୍ମପତ୍ନୀଙ୍କ ସହ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ସାନିଧ୍ୟ ଲାଭ କରିଛନ୍ତି କେନ୍ଦ୍ରମନ୍ତ୍ରୀ ।