Afghanistan Moscow Meeting: ଅଜିତ ଡୋଭାଲଙ୍କ ଋଷ ଗସ୍ତକୁ ନେଇ ପାକିସ୍ତାନରେ ହଙ୍ଗାମା, ଜାଣନ୍ତୁ କ'ଣ ରହିଛି ପୂରା ମାମଲା

Pakistan On Ajit Doval: ଡୋଭାଲ କହିଛନ୍ତି ଯେ ଆଫଗାନିସ୍ତାନ କଠିନ ସମୟ ଦେଇ ଗତି କରୁଛି ଓ ଏହି ଆବଶ୍ୟକତା ସମୟରେ ଭାରତ ଆଫଗାନିସ୍ତାନର ଲୋକଙ୍କ ପକ୍ଷ ଛାଡିବ ନାହିଁ । ଭାରତ ଚଳିତ ବର୍ଷ ବଜେଟରେ ଆଫଗାନିସ୍ତାନ ପାଇଁ ଏକ ସ୍ୱତନ୍ତ୍ର ଅର୍ଥନୌତିକ ପ୍ୟାକେଜ୍ ଘୋଷଣା କରିଛି ।

Afghanistan Moscow Meeting: ଆଫଗାନିସ୍ତାନ ପ୍ରସଙ୍ଗରେ ସୁରକ୍ଷା ପରାମର୍ଶଦାତା ବୈଠକରେ ଭାଗ ନେବାକୁ ଭାରତର ଜାତୀୟ ସୁରକ୍ଷା ପରାମର୍ଶଦାତା (India's National Security Advisor) ଅଜିତ ଡୋଭାଲ (Ajit Doval) ଋଷ ଗସ୍ତ କରିଛନ୍ତି । ଏହି ଋଷ ଗସ୍ତ ଓ ପୁଟିନଙ୍କୁ ଭେଟିବା ବିଷୟରେ ପାକିସ୍ତାନରେ ଅନେକ ଚର୍ଚ୍ଚା ହେଉଛି । ଆଫଗାନିସ୍ତାନ ପ୍ରସଙ୍ଗରେ ନିଜକୁ ଏକ ପ୍ରମୁଖ ଅଂଶୀଦାର ବୋଲି ବିବେଚନା କରୁଥିବା ପାକିସ୍ତାନ (Pakistan) ଏହି ବୈଠକରେ ଅନୁପସ୍ଥିତ ରହିଥିଲା । ଏହି ପରିପ୍ରେକ୍ଷୀରେ ପାକିସ୍ତାନୀ ବିଶେଷଜ୍ଞମାନେ କହୁଛନ୍ତି ଯେ ଆଫଗାନିସ୍ତାନ ପ୍ରସଙ୍ଗରେ ଭାରତ (India) ପାକିସ୍ତାନକୁ ଅଲଗା କରିବାକୁ ଚେଷ୍ଟା କରୁଛି ।

ଆଫଗାନିସ୍ତାନରେ ଶାନ୍ତି ଓ ସ୍ଥିରତା ଫେରାଇବା ପାଇଁ ନିକଟରେ ଋଷ ରାଜଧାନୀ ମସ୍କୋରେ ପଞ୍ଚମ ବୈଠକ (Afghanistan Moscow Meeting) ଡକା ଯାଇଇଥିଲା । ଏହି ବୈଠକରେ ଚୀନ୍, ଭାରତ, ଇରାନ, ତାଜିକିସ୍ତାନ, କାଜାଖସ୍ତାନ, କିର୍ଗିଜସ୍ଥାନ, ଉଜବେକିସ୍ତାନ, ତୁର୍କମେନିସ୍ତାନ ସମେତ ଅନେକ ଦେଶ ଡକାଯାଇଥିଲା । ଭାରତର ଏନଏସଏ ଡୋଭାଲ ଏହି ବୈଠକରେ କହିଛନ୍ତି ଯେ ଆଫଗାନିସ୍ତାନର ଲୋକଙ୍କ ମାନବିକ ଆବଶ୍ୟକତା ପୂରଣ କରିବା ହେଉଛି ଭାରତର ପ୍ରଥମ ପ୍ରାଥମିକତା ।

ଡୋଭାଲ କହିଛନ୍ତି ଯେ ଆଫଗାନିସ୍ତାନ କଠିନ ସମୟ ଦେଇ ଗତି କରୁଛି ଓ ଏହି ଆବଶ୍ୟକତା ସମୟରେ ଭାରତ ଆଫଗାନିସ୍ତାନର ଲୋକଙ୍କ ପକ୍ଷ ଛାଡିବ ନାହିଁ । ସେ କହିଛନ୍ତି ୪୦,୦୦୦ ମେଟ୍ରିକ୍ ଟନ୍ ଗହମ, ୬୦ ଟନ୍ ଔଷଧ ଓ ପାଞ୍ଚ ଲକ୍ଷ କୋଭିଡ୍ ଟିକା ପଠାଇ ଭାରତ ଆଫଗାନିସ୍ତାନକୁ ସାହାଯ୍ୟ କରିଛି । ଭାରତ ଚଳିତ ବର୍ଷ ବଜେଟରେ ଆଫଗାନିସ୍ତାନ ପାଇଁ ଏକ ସ୍ୱତନ୍ତ୍ର ଅର୍ଥନୌତିକ ପ୍ୟାକେଜ୍ ଘୋଷଣା କରିଛି । ଆଫଗାନିସ୍ତାନରେ ବିକାଶ କାର୍ଯ୍ୟ ପାଇଁ ଭାରତ ୨୫ ନିୟୁତ ଡଲାର ଦେବ । ଆଫଗାନିସ୍ତାନ ଉପରେ ଭାରତର ଏହି ଷ୍ଟାଣ୍ଡ ପାକିସ୍ତାନ ପାଇଁ ବହୁତ କ୍ଷତି କରିଛି ।

ପାକିସ୍ତାନର ରାଜନୈତିକ ବିଶ୍ଳେଷକମାନେ କହିଛନ୍ତି ଯେ ଆଫଗାନିସ୍ତାନ ଉପରେ ଆଲୋଚନା ପାଇଁ ଆଞ୍ଚଳିକ ଦେଶର NSA ର ଏହା ହେଉଛି ପଞ୍ଚମ ବୈଠକ । ଏହି ବୈଠକରେ ପାକିସ୍ତାନକୁ କେତେ ସୁନ୍ଦର ଭାବେ ବାଦ୍ କରାଯାଇଥିଲା । ପାକିସ୍ତାନର ଉଚ୍ଚ ସରକାରୀ ସୂତ୍ର ଏହା ମଧ୍ୟ କହିଛି ଯେ ଋଷରେ ଏନଏସଏ ବୈଠକରେ ପାକିସ୍ତାନ ଅଂଶଗ୍ରହଣ କରି ନାହିଁ । ଅନ୍ୟପକ୍ଷରେ ପାକିସ୍ତାନର ବୈଦେଶିକ ମନ୍ତ୍ରଣାଳୟ ମୁଖପାତ୍ର ମମତାଜ ଜାହରା ବାଲୋଚ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଆମେ ଏଥିରେ ଭାଗ ନ ନେବାକୁ ନିଷ୍ପତ୍ତି ନେଇଛୁ । କାରଣ ଆମେ ବିଶ୍ୱାସ କରୁ ଯେ ଆଫଗାନିସ୍ତାନରେ ଶାନ୍ତି ଫେରାଇ ଆଣିବାରେ ପାକିସ୍ତାନ ଭଲ ଯୋଗଦାନ ଦେଇପାରେ ।