Cheapest Recharge Plan: ଗୋଟିଏ ରିଚାର୍ଜରେ ଚାଲିବ ୪ଟି ମୋବାଇଲ୍, ଜାଣନ୍ତୁ କ'ଣ ଏହି ପ୍ଲାନ

Cheapest Family Recharge Plan: ରିଚାର୍ଜ ପ୍ଲାନ ମୂଲ୍ୟ ବୃଦ୍ଧି ହେବା ପରେ ବର୍ତ୍ତମାନ ଗ୍ରାହକମାନେ ଶସ୍ତା ରିଚାର୍ଜ ପ୍ଲାନ ଖୋଜୁଛନ୍ତି । ଯଦି ଆପଣ ମଧ୍ୟ ସେମାନଙ୍କ ମଧ୍ୟରୁ ଜଣେ, ତେବେ ଆପଣ ଏପରି ଏକ ପ୍ଲାନ ନେଇପାରିବେ ଯାହା ଦ୍ୱାରା ଗୋଟିଏ ରିଚାର୍ଜରେ ଚାରି ଜଣ ଲାଭ ପାଇପାରିବେ ।

Cheapest Family Recharge Plan: ଜୁଲାଇ ମାସ ଆରମ୍ଭରେ ଅନେକ ଘରୋଇ ଟେଲିକମ କମ୍ପାନୀ ସେମାନଙ୍କର ରିଚାର୍ଜ ପ୍ଲାନ ମୂଲ୍ୟ ବୃଦ୍ଧି କରିଥିଲେ । ରିଚାର୍ଜ ପ୍ଲାନ ମୂଲ୍ୟ ବୃଦ୍ଧି ହେବା ପରେ ବର୍ତ୍ତମାନ ଗ୍ରାହକମାନେ ଶସ୍ତା ରିଚାର୍ଜ ପ୍ଲାନ ଖୋଜୁଛନ୍ତି । ଯଦି ଆପଣ ମଧ୍ୟ ସେମାନଙ୍କ ମଧ୍ୟରୁ ଜଣେ, ତେବେ ଆପଣ ଏପରି ଏକ ପ୍ଲାନ ନେଇପାରିବେ ଯାହା ଦ୍ୱାରା ଗୋଟିଏ ରିଚାର୍ଜରେ ଚାରି ଜଣ ଲାଭ ପାଇପାରିବେ । ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟି ସତ, ଉପଭୋକ୍ତାମାନଙ୍କ ପାଇଁ ଟେଲିକମ୍ କମ୍ପାନୀ ଦ୍ୱାରା ପ୍ରଦାନ କରାଯାଇଥିବା ଅନେକ ବିକଳ୍ପ ମଧ୍ୟରେ ଗୋଟିଏ ବିକଳ୍ପ ହେଉଛି ଫ୍ୟାମିଲି ପ୍ୟାକ୍ । ଏହାକୁ ଆପଣାଇବା ଦ୍ୱାରା ପରିବାରର ଚାରିଜଣ ସଦସ୍ୟ ରିଚାର୍ଜ ସୁବିଧା ପାଇପାରିବେ ।

ଫ୍ୟାମିଲି ପ୍ୟାକ୍ ରିଚାର୍ଜ ଏକ ଭଲ ବିକଳ୍ପ
ଅନେକ ଟେଲିକମ୍ କମ୍ପାନୀ ଭାରତରେ ଗ୍ରାହକଙ୍କୁ ନିଜର ସେବା ପ୍ରଦାନ କରୁଛନ୍ତି । ସେମାନଙ୍କ ମଧ୍ୟରେ ଏୟାରଟେଲ୍ କମ୍ପାନୀର ନାମ ବର୍ତ୍ତମାନ ଦ୍ୱିତୀୟ ସ୍ଥାନରେ ରହିଛି । ଏହି କମ୍ପାନୀ ଗ୍ରାହକମାନଙ୍କୁ ବିଭିନ୍ନ ପ୍ଲାନ ପ୍ରଦାନ କରିଥାଏ । ଉଭୟ ପୋଷ୍ଟପେଡ୍ ଏବଂ ପ୍ରିପେଡ୍ ପ୍ଲାନ ଗୁଡିକ କମ୍ପାନୀ ଦ୍ୱାରା ପ୍ରଦାନ କରାଯାଇଛି, ଯେଉଁଥିରେ ଫ୍ୟାମିଲି ରିଚାର୍ଜ ପ୍ଲାନ ମଧ୍ୟ ଅନ୍ତର୍ଭୁକ୍ତ ରହଇଛି । ଫ୍ୟାମିଲି ପ୍ୟାକରେ ଗୋଟିଏ ପରିବାରର ଚାରି ଜଣ ବ୍ୟକ୍ତି ଫୋନ୍ ବ୍ୟବହାର କରିବାର ସୁବିଧା ପାଆନ୍ତି ।

ଏୟାରଟେଲ ଫ୍ୟାମିଲି ରିଚାର୍ଜ ପ୍ଲାନ
ଏୟାରଟେଲରେ ଦୁଇଟି ପୋଷ୍ଟପେଡ୍ ଫ୍ୟାମିଲି ରିଚାର୍ଜ ପ୍ଲାନ ରହିଛି । ଗୋଟିଏର ମୂଲ୍ୟ ୧୧୯୯ ଟଙ୍କା ହୋଇଥିବା ସମୟରେ ଅନ୍ୟଟିର ମୂଲ୍ୟ ୧୩୯୯ ଟଙ୍କା । ଉଭୟ ପ୍ଲାନରେ ଆପଣଙ୍କ ସହ ଅନ୍ୟ ୩ଜଣ ପରିବାର ସଦସ୍ୟ ମଧ୍ୟ ଲାଭ ପାଇପାରିବେ । ସମୁଦାୟ ଚାରି ଜଣ ବ୍ୟକ୍ତି ଏହି ପ୍ଲାନରେ ଦିଆଯାଇଥିବା ସୁବିଧା ପାଇପାରିବେ ।

ଏୟାରଟେଲ ୧୧୯୯ ଟଙ୍କା ପ୍ଲାନ
ଏୟାରଟେଲର ସବୁଠାରୁ ଶସ୍ତା ପୋଷ୍ଟପେଡ୍ ଫ୍ୟାମିଲି ରିଚାର୍ଜ ପ୍ଲାନର ମୂଲ୍ୟ ମାତ୍ର ୧୧୯୯ ଟଙ୍କା । ଏଥିରେ ଆପଣ ମୋଟ ୩ଜଣଙ୍କ ସହ ସଂଯୋଗ କରିପାରିବେ । ଅର୍ଥାତ ବ୍ୟବହାରକାରୀ ଏବଂ ଅନ୍ୟ ୩ଜଣଙ୍କୁ ମିଶାଇ ମୋଟ ୪ଜଣ ବ୍ୟକ୍ତି ଲାଭ ପାଇପାରିବେ । ଏହି ପ୍ୟାକରେ ଆପଣ ଅସୀମିତ କଲିଂ, ଦୈନିକ ୧୦୦ଟି SMS ଏବଂ ମୋଟ ୩୦ ଜିବି ଡାଟା ସୁବିଧା ପାଇପାରିବେ ।

ପ୍ରାଥମିକ ସଂଯୋଗ ପାଇଁ ଏଥିରେ ୧୦୦ଜିବି (100 GB) ଏବଂ ସମସ୍ତ ଅତିରିକ୍ତ ସଂଯୋଗ ପାଇଁ ୩୦ଜିବି (30 GB) ଡାଟା ଅଛି । ଅତିରିକ୍ତ ସୁବିଧା ଭାବରେ, ଏୟାରଟେଲ ଏକ୍ସଷ୍ଟ୍ରିମ, ପ୍ଲେ ୱିଙ୍କ ପ୍ରିମିୟମ, ଆମାଜନ ପ୍ରାଇମ ଭିଡିଓ ଏବଂ ଡିଜନି ପ୍ଲସ ହଟଷ୍ଟାର ପାଇଁ ମାଗଣା ସବସ୍କ୍ରିପସନ ମିଳୁଛି ।

ଏୟାରଟେଲ ୧୩୯୯ ଟଙ୍କା ପ୍ଲାନ୍
ଏୟାରଟେଲର ସବୁଠାରୁ ଶସ୍ତା ପୋଷ୍ଟପେଡ୍ ଫ୍ୟାମିଲି ରିଚାର୍ଜ ପ୍ଲାନର ଦାମ ୧୩୯୯ ଟଙ୍କା । ଯେଉଁଥିରେ ଆପଣଙ୍କ ବ୍ୟତୀତ ଅତିରିକ୍ତ ୩ ସଂଯୋଗ ହୋଇପାରିବ । ଏହି ପ୍ଲାନରେ ଆପଣ ଅସୀମିତ କଲିଂ, ଦୈନିକ 150 SMS ଏବଂ ସମୁଦାୟ ୩୦ ଜିବି ଡାଟା ସୁବିଧା ପାଇପାରିବେ ।

ପ୍ରାଥମିକ ସଂଯୋଗ ପାଇଁ ଏହି ପ୍ଲାନରେ ୧୫୦ ଜିବି ଏବଂ ସମସ୍ତ ଅତିରିକ୍ତ ସଂଯୋଗ ପାଇଁ ୩୦ ଜିବି ଡାଟା ରହିଛି । ଅତିରିକ୍ତ ସୁବିଧା ଭାବରେ, ଏୟାରଟେଲ ଏକ୍ସଷ୍ଟ୍ରିମ, ପ୍ଲେ ୱିଙ୍କ ପ୍ରିମିୟମ, ଆମାଜନ ପ୍ରାଇମ ଭିଡିଓ, ଡିଜନି ପ୍ଲସ ହଟଷ୍ଟାର ଏବଂ ନେଟଫ୍ଲିକ୍ସର ମାଗଣା ମୋବାଇଲ୍ ସବସ୍କ୍ରିପସନ୍ ପାଇପାରିବେ ।